എല്ലാ ചർമ്മക്കാർക്കും ഒരു പോലെ കാണുന്ന പ്രശ്നമാണ് ബ്ലാക് ഹെഡ്സ്. ടീനേജുകാർക്കും മുതിർന്നവർക്കുമെല്ലാം ഈ പ്രശനം കാണാറുണ്ട്. ഭാഗ്യവശാൽ ഇവയെല്ലാം എളുപ്പത്തിൽ നമുക്ക് മാറ്റാനാകും. ഓപ്പൺ കോമെഡാൻസ് എന്നാണ് ബ്ലാക് ഹെഡ്സിനെ മെഡിക്കലി പറയുന്നത്. അധികമുള്ള സീബം, അഴുക്ക്, മുഖക്കുരുവിന് കാരണമാകുന്ന ബാക്ടീരിയകൾ, ഇവയെല്ലാം മുഖത്തെ സുഷിരത്തിൽ വന്നു കൂടുന്നു. ഇവ കൂടുതൽകാലം ചർമ്മത്തിൽ ഇരിക്കുകയാണെങ്കിൽ കറുത്ത നിറത്തിൽ ആയി മാറും. വൈറ്റ് ഹെഡ്സിനെ പോലെയോ കുരുക്കൾ പോലെയോ അല്ല ബ്ലാക് ഹെഡ്സ് സുഷിരത്തിന് അകത്തല്ല മുകളിലാണ് ഉണ്ടാകുന്നത്. അതുകൊണ്ട് തന്നെ ഇവയെ പെട്ടെന്ന് കാണാനും മാറ്റാനും സാധിക്കും.പഠനങ്ങൾ പറയുന്നത് ചെറുപ്പക്കാരായ സ്ത്രീകളിൽ അമിതമായ സീബം കാരണം വലിയ സുഷിരങ്ങൾ ഉണ്ടാകുന്നു എന്നാണ്. പ്രായമായ സ്ത്രീകളിൽ കോളജിന്റെയും ഇലാസ്റ്റിന്റെയും നഷ്ടം കാരണം വലിയ സുഷിരങ്ങൾ ഉണ്ടാകുന്നു. അമിതമായി കഴുകുന്നത് ചർമ്മത്തിലെ പ്രകൃതി ദത്തമായ എണ്ണകൾ നഷ്ടപ്പെടുത്തും. അപ്പോൾ സെബാക്കസ് ഗ്രന്ഥി കൂടുതൽ സീബം ഉണ്ടാക്കും. ദിവസം രണ്ടു പ്രാവശ്യം തേൻ പോലെ മൃദുവായ ക്ലയൻസാർ ഉപയോഗിച്ച് മുഖം കഴുകുന്നതാണ് ഉത്തമം. ആദ്യം ചെയ്യേണ്ടത് ബ്ലാക് ഹെഡ്സിനെ നിങ്ങളുടെ മൂക്കിൽ നിന്നും നീക്കുകയാണ്. ഇത് നിങ്ങളുടെ ചർമ്മത്തിൽ വേദനയും അസ്വസ്ഥതയും ഉണ്ടാക്കും എന്നതിനാൽ നിങ്ങൾ വേണ്ടെന്ന് വയ്ക്കുന്നു. വളരെ എളുപ്പത്തിൽ പ്രകൃതിദത്തമായ വിധത്തിൽ എങ്ങനെ ബ്ലാക് ഹെഡ്സ് നീക്കാമെന്നുള്ള വഴികൾ ചുവടെ കൊടുക്കുന്നു

• ഒരു ടീസ്പൂൻ ബേക്കിങ് സോഡയിൽ രണ്ട് ടീസ്പൂൺ വെള്ളം കലർത്തി പേസ്റ്റ് രൂപത്തിലാക്കി ബ്ലാക്ക്ഹെഡ്സുകളിൽ പുരട്ടുക. 10-15 മിനിറ്റ് നേരം വച്ച ശേഷം ഇത് കഴുകിക്കളയുക. ഇത് ഒരു എക്സ്ഫോളിയേറ്ററായി പ്രവർത്തിക്കുകയും മുഖത്ത് നിന്ന് എണ്ണ ആഗിരണം ചെയ്യുകയും ചെയ്യുന്നു.
• നേന്ത്രപ്പഴത്തോലിൻറെ ഉൾഭാഗം ബ്ലാക്ക്ഹെഡ്സിന് മുകളിൽ പുരട്ടുന്നത് ഗുണം ചെയ്യും. ബ്ലാക്ക്ഹെഡ്സ് കുറയ്ക്കാൻ ഇത് സഹായിക്കുന്നു.
• മുട്ടവെള്ളയുപയോഗിച്ചും ബ്ലാക്ക് ഹെഡ്സ് നീക്കാം. ഒരു മുട്ടയുടെ വെള്ള ഒന്നടിച്ച ശേഷം അൽപമെടുത്തു ബ്ലാക്ക് ഹെഡ്സ് ഉള്ള ഭാഗത്തു പുരട്ടുക. ഇതിൽ ടിഷ്യു പേപ്പർ ഒട്ടിച്ച് ഉണങ്ങിയ ശേഷം വീണ്ടും ഒരു ലെയർ മുട്ടവെള്ള പുരട്ടുക. ഉണങ്ങിക്കഴിയുമ്പോൾ ടിഷ്യൂ പേപ്പർ വലിച്ചെടുക്കുക.
• ഒരു വലിയ സ്പൂൺ ജെലറ്റിനും രണ്ടു വലിയ സ്പൂൺ പാലും യോജിപ്പിച്ച് 10 സെക്കൻഡ് മൈക്രോവേവ് അവ്നിവൽ വച്ചു ചൂടാക്കുക. ഈ മിശ്രിതം ബ്ലാക്ക് ഹെഡ്സും വൈറ്റ് ഹെഡ്സുമുള്ള ഭാഗങ്ങളിൽ പുരട്ടി ഉണങ്ങിക്കഴിയുമ്പോൾ മാസ്ക് പോലെ വലിച്ചെടുക്കാം. എണ്ണമയമുള്ള ചർമമുള്ളവർ പാലിനു പകരം തക്കാളിനീരു ചേർക്കുക.
• ഒരു ചെറിയ കഷണം കറുവാപ്പട്ട പൊടിച്ചതും ഒരു വലിയ സ്പൂൺ തേനും യോജിപ്പിച്ചു പേസ്റ്റ് പരുവത്തിലാക്കി പുരട്ടുക. ഇതിനു മുകളിൽ കോട്ടൺ തുണി ഒട്ടിച്ചു വച്ചു മൂന്നു മിനിറ്റിനു ശേഷം വലിച്ചെടുക്കുക. ബ്ലാക്ക് ഹെഡ്സ് ഇളകിപ്പോരും.

ബ്ലാക്ക് ഹെഡ് മാറ്റുന്നതിന് വേണ്ടി എന്ത് ചെയ്യുന്നതിനു മുൻപ് മുഖത്ത് നന്നായി ആവി പിടിക്കുന്നത് നല്ലതാണ്. ഇത് ബ്ലാക്ക് ഹെഡ്സ് പെട്ടെന്ന് ഇളകിപ്പോരുന്നതിന് സഹായിക്കും.

നാരുകളാൽ സമൃദ്ധമായ ഭക്ഷണം കഴിക്കുന്നതുകൊണ്ടുള്ള ആരോഗ്യഗുണങ്ങൾ... Read More

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക.