300 ബില്യൺ ഡോളറിന്റെ ആഗോള ഗെയിമിംഗ് വിപണിയിൽ ഇന്ത്യയുടെ ആഗോള വിഹിതം വളർത്തിയെടുക്കാൻ ലക്ഷ്യമിട്ട് 2,000-ത്തിലധികം സംവേദനാത്മക വിനോദ സ്റ്റാർട്ടപ്പുകൾ, വിദ്യാർത്ഥികൾ, മെന്റർഷിപ്പ്, ശിൽപശാലകൾ, ഹാക്കത്തോണുകൾ, വേഗത കൂട്ടാനുള്ള പരിപാടികൾ എന്നിവയിലൂടെ സ്വാധീനം ചെലുത്തുന്നവരെ പിന്തുണയ്ക്കുന്നതിനായി വിൻസോയുമായി ഡിപിഐഐടി രണ്ട് വർഷത്തെ ധാരണാപത്രം ഒപ്പുവച്ചു.

ഈ ധാരണാപത്രത്തിന്റെ ഭാഗമായി ഡിപിഐഐടിയുടെ പങ്കാളിത്തത്തോടെ വിൻസോ സ്ഥാപിക്കുന്ന സെന്റർ ഓഫ് എക്സലൻസ് (സിഒഇ), ഓൺലൈൻ ഗെയിമിംഗിൽ സ്റ്റാർട്ടപ്പുകളുടെ വളർച്ചയെ പ്രോത്സാഹിപ്പിക്കുന്നതിനുള്ള പ്രധാനമന്ത്രി മോദിയുടെ കാഴ്ചപ്പാടുമായി പൊരുത്തപ്പെടുന്ന വിധം ഉയർന്ന വൈദഗ്ധ്യമുള്ള, വ്യവസായ-സജ്ജരായ തൊഴിലാളികളെ വളർത്തിയെടുക്കും. ഇത് ആഗോള വിപണിയിൽ ഇന്ത്യയുടെ സാന്നിധ്യം വർദ്ധിപ്പിക്കാനും ഇന്ത്യൻ ഗെയിമിംഗ് ആസ്തികളുടെ ധനസമ്പാദനത്തിൽ കൂടുതൽ നവീകരണം പ്രോത്സാഹിപ്പിക്കാനും കയറ്റുമതിക്കായി 'ഇന്ത്യയിൽ നിർമ്മിച്ച' ബൗദ്ധിക സ്വത്തവകാശം വികസിപ്പിക്കാനും എഫ്ഡിഐയുടെ വളർച്ചയെ നയിക്കാനും സഹായിക്കും.

ന്യൂഡൽഹി, നവംബർ 26, 2024: ആഗോള ഗെയിമിംഗ് വ്യവസായത്തിൽ ഇന്ത്യയുടെ സ്ഥാനം പുനർനിർവചിക്കാൻ ഒരുങ്ങുന്ന ഒരു സുപ്രധാന നീക്കത്തിലൂടെ വ്യവസായ, ആഭ്യന്തര വാണിജ്യ പ്രോൽസാഹന വകുപ്പ് (ഡിപിഐഐടി) ഇന്ത്യയിലെ ഏറ്റവും വലിയ സോഷ്യൽ ഗെയിമിംഗ്, സംവേദനാത്മക വിനോദ പ്ലാറ്റ്ഫോമായ വിൻസോയുമായി തന്ത്രപരമായ പങ്കാളിത്തത്തിൽ ഏർപ്പെട്ടു. നവീകരണത്തെ പരിപോഷിപ്പിച്ചും നൈപുണ്യമുള്ള പ്രതിഭകളെ സൃഷ്ടിച്ചും ആഗോളതലത്തിൽ മത്സരിക്കാൻ സ്റ്റാർട്ടപ്പുകളെ ഉയർത്തിയും ഇന്ത്യയുടെ ഇന്ററാക്റ്റീവ് വിനോദ മേഖലയുടെ വളർച്ച ത്വരിതപ്പെടുത്തുകയാണ് രണ്ട് വർഷത്തെ ധാരണാപത്രം (എംഒയു) ലക്ഷ്യമിടുന്നത്.

ഇത്തരത്തിലുള്ള ആദ്യത്തെതായ ഈ സഹകരണം 2,000-ത്തിലധികം സ്റ്റാർട്ടപ്പുകൾ, നവീനത തേടുന്നവർ, വിദ്യാർത്ഥികൾ എന്നിവരടങ്ങുന്ന ഒരു ശക്തമായ ആവാസവ്യവസ്ഥ കെട്ടിപ്പടുക്കുന്നതിൽ ശ്രദ്ധ കേന്ദ്രീകരിക്കും. ഇതിന്റെ ഭാഗമായി ഇവർക്ക് മാർഗനിർദേശവും വ്യവസായ ഉൾക്കാഴ്ച്ചകളും ആഗോള അവസരങ്ങളിലേക്കുള്ള പ്രവേശനവും നൽകും. ആത്മനിർഭർ ഭാരത് എന്ന പ്രധാനമന്ത്രി നരേന്ദ്ര മോദിയുടെ വീക്ഷണവുമായി ഗെയിമിംഗിനെയും സാങ്കേതികവിദ്യയെയും യോജിപ്പിച്ച് 300 ബില്യൺ ഡോളറിന്റെ ആഗോള ഗെയിമിംഗ് വിപണിയുടെ ഗണ്യമായ പങ്ക് പിടിച്ചെടുക്കുന്ന, സംവേദനാത്മക വിനോദത്തിൽ ആഗോള നേതാവായി ഇന്ത്യയെ സ്ഥാപിക്കാൻ ഈ സംരംഭം ശ്രമിക്കുന്നു.

ഡിപിഐഐടിയുടെ സഹകരണത്തോടെ വിൻസോ ഒരു സെന്റർ ഓഫ് എക്സലൻസ് (സിഒഇ) സ്ഥാപിക്കുന്നതാണ് ഈ പങ്കാളിത്തത്തിന്റെ മുഖ്യ ഭാഗം. നൈപുണ്യമുള്ള, വ്യവസായ-സജ്ജമായ തൊഴിൽ പടയെ കെട്ടിപ്പടുക്കുക, ഇന്ത്യൻ ഗെയിമിംഗ് ആസ്തികൾക്കായി ധനസമ്പാദന തന്ത്രങ്ങൾ നവീകരിക്കുക, ലോകോത്തര വിപണികൾക്കായി 'ഇന്ത്യയിൽ നിർമ്മിച്ചത്' ബൗദ്ധിക സ്വത്തവകാശം വികസിപ്പിക്കുക, ഗുണനിലവാരം, നേരിട്ടുള്ള വിദേശ നിക്ഷേപം (എഫ്ഡിഐ) ആകർഷിക്കുക, ഇൻററാക്റ്റീവ് ടെക്നോളജി ഉൽപ്പന്നങ്ങളുടെ ഇന്ത്യയിലെ ഉൽപ്പാദനം പ്രോത്സാഹിപ്പിക്കുക തുടങ്ങിയ നിർണായക വശങ്ങളിൽ ശ്രദ്ധ കേന്ദ്രീകരിക്കുന്ന സ്റ്റാർട്ടപ്പുകൾക്കും സംരംഭകർക്കും ഒരു ലോഞ്ച്പാഡായി സിഒഇ പ്രവർത്തിക്കും. ധനസമ്പാദനം, കഴിവുകളുടെ വിടവ് എന്നിവ പോലുള്ള ദീർഘകാല വെല്ലുവിളികളെ അഭിമുഖീകരിക്കുന്നതിലൂടെ, ഇന്ത്യയുടെ ഗെയിമിംഗ്, സംവേദനാത്മക വിനോദ വ്യവസായത്തിന്റെ ഭാവി രൂപപ്പെടുത്തുന്നതിൽ സിഒഇ ഒരു പ്രധാന പങ്ക് വഹിക്കും.

സമീപകാല യുഎസ്ഐഎസ്പിഎഫ് റിപ്പോർട്ട് അനുസരിച്ച്, 2034-ഓടെ ഇന്ത്യയുടെ സംവേദനാത്മക വിനോദ മേഖല 60 ബില്യൺ ഡോളറായി വളരുമെന്നും 2 ദശലക്ഷത്തിലധികം തൊഴിലവസരങ്ങൾ സൃഷ്ടിക്കുമെന്നും പ്രതീക്ഷിക്കുന്നു. ഹാക്കത്തോണുകൾ, ശിൽപശാലകൾ, വേഗത കൂട്ടാനുള്ള പരിപാടികൾ, ക്യൂറേറ്റ് ചെയ്ത പിച്ച് ഇവന്റുകൾ എന്നിവയിലൂടെ സ്റ്റാർട്ടപ്പുകളെ പരിപോഷിപ്പിച്ചുകൊണ്ട് ഈ സാധ്യതകൾ പ്രയോജനപ്പെടുത്തുന്നതിനാണ് ഡിപിഐഐടി-വിൻസോ പങ്കാളിത്തം രൂപകൽപ്പന ചെയ്തിരിക്കുന്നത്.

ഇതിന് പുറമെ, ഇന്ത്യയിലെ മികച്ച ഗെയിം ഡെവലപ്പർമാരെ തിരിച്ചറിയുന്നതിനും അവരെ ഉപദേശിക്കുന്നതിനുമുള്ള വിൻസോയുടെ ഒരു പ്ലാറ്റ്ഫോമായ മുൻനിര ടെക് ട്രയംഫ് പ്രോഗ്രാമിനെ (ഭാരത് എഡിഷൻ) ഈ ധാരണാപത്രം വിപുലീകരിക്കുകയും ചെയ്യും. ഗെയിം ഡെവലപ്പേഴ്സ് കോൺഫറൻസ് (ജിഡിസി), ഗെയിംസ്കോം ലാറ്റം തുടങ്ങിയ ആഗോള ഫോറങ്ങളിൽ ഈ പ്രോഗ്രാം ഇതിനകം തന്നെ ഇന്ത്യയുടെ ഗെയിമിംഗ് കഴിവുകൾ പ്രദർശിപ്പിച്ചിട്ടുണ്ട്. ഇനി ഇപ്പോൾ ഡിപിഐഐടിയുടെ പിന്തുണയിലൂടെ അതിന്റെ സ്വാധീനം വർദ്ധിക്കും.

നിർമ്മാതാവും കയറ്റുമതിക്കാരനും എന്ന നിലയിലുള്ള ഇന്ത്യയുടെ സാധ്യതകൾ പ്രയോജനപ്പെടുത്തുന്നതിലെ സുപ്രധാന നാഴികക്കല്ലാണ് ഈ പങ്കാളിത്തമെന്ന് ഡിപിഐഐടി ജോയിന്റ് സെക്രട്ടറി ജോയിന്റ് സഞ്ജീവ് സിംഗ് കൂട്ടിച്ചേർത്തു. ''വിൻസോയുമായുള്ള ഞങ്ങളുടെ സഹകരണത്തിലൂടെ, നവീകരണം പ്രോത്സാഹിപ്പിക്കുക, സംരംഭകത്വം പ്രോത്സാഹിപ്പിക്കുക, ആഗോള നിലവാരത്തിലുള്ള ഉൽപ്പന്നങ്ങൾ നിർമ്മിക്കാൻ സ്റ്റാർട്ടപ്പുകളെ ശാക്തീകരിക്കുക എന്നിവയാണ് ഞങ്ങൾ ലക്ഷ്യമിടുന്നത്. ഇന്ത്യയെ സംവേദനാത്മക ടെക്നോളജിയിൽ ഒരു നേതാവാക്കി മാറ്റുക, സ്വാശ്രയ ഇന്ത്യ എന്ന പ്രധാനമന്ത്രി മോദിയുടെ ദർശനത്തിന് അർത്ഥപൂർണമായി സംഭാവന നൽകുക എന്നിങ്ങനെയുള്ള ഞങ്ങളുടെ കാഴ്ചപ്പാടുമായി ഈ സംരംഭം യോജിക്കുന്നു.''

കോഡിംഗ്, ആനിമേഷൻ, ഗെയിം ഡിസൈൻ, വികസനം എന്നിവയിൽ അത്യാധുനിക വൈദഗ്ധ്യമുള്ള പ്രൊഫഷണലുകളെ സജ്ജരാക്കുന്നതിലൂടെ ഈ മേഖലയിലെ പ്രതിഭകളുടെ വിടവ് നികത്തുന്നതിലും ധാരണാപത്രം ശ്രദ്ധ കേന്ദ്രീകരിക്കുന്നു. സംവേദനാത്മക വിനോദ സംരംഭങ്ങൾ, വ്യവസായ പ്രമുഖരിൽ നിന്നുള്ള മാർഗനിർദേശം, നിക്ഷേപകരുമായുള്ള നേരിട്ടുള്ള ബന്ധങ്ങൾ എന്നിവയ്ക്കായി വിൻസോയുടെ 50 ദശലക്ഷം ഡോളർ ഫണ്ട് ലഭിക്കുന്നതിനുള്ള അവസരങ്ങൾ സിഒഇ സ്റ്റാർട്ടപ്പുകൾക്ക് നൽകും.

വ്യവസായ പങ്കാളികളുമായി സഹകരിച്ച് സംരംഭകർക്കായി അഭിവൃദ്ധിപ്പെടുന്ന ഒരു ആവാസവ്യവസ്ഥ കെട്ടിപ്പടുക്കുന്നതിനുള്ള ഞങ്ങളുടെ പ്രതിബദ്ധതയുടെ തെളിവാണ് ഈ സംരംഭം. ''സ്രോതസ്സുകളും മെന്റർഷിപ്പും ആഗോള എക്സ്പോഷറും നൽകുന്നതിലൂടെ, ഞങ്ങൾ സ്റ്റാർട്ടപ്പുകൾ സൃഷ്ടിക്കുക മാത്രമല്ല, ആഗോള ഗെയിമിംഗ് വ്യവസായത്തിൽ ഇന്ത്യയെ മുൻനിരയിൽ നിർത്തുന്നത്തിനുള്ള കഴിവുകളുടെ നവീകരണത്തിന്റെ ഒരു വഴി കൂടി നിർമ്മിക്കുകയാണ്.'' ഡിപിഐഐടി ഡയറക്ടർ (സ്റ്റാർട്ടപ്പ് ഇന്ത്യ) ഡോ. സുമീത് കുമാർ ജരാങ്കൽ ഊന്നിപ്പറഞ്ഞു.

വിൻസോയുടെ സഹസ്ഥാപകയായ സൗമ്യ സിംഗ് റാത്തോഡ് പറഞ്ഞു, ''ഞങ്ങളെപ്പോലുള്ള സംരംഭകരെ ഇന്ത്യയിൽ ഇരുന്ന് ലോകത്തെ കുറിച്ച് സ്വപ്നം കാണാനും കെട്ടിപ്പടുക്കാനും ഉയർത്തുവാനും പ്രാപ്തരാക്കുന്നതിൽ ആണിക്കല്ലായി പ്രവർത്തിക്കുന്ന ഡിപിഐഐടിയുമായി പങ്കാളിയാകാൻ കഴിഞ്ഞതിൽ ഞങ്ങൾക്ക് അഭിമാനമുണ്ട്. ഈ ധാരണാപത്രം നവീനത വളർത്തുക മാത്രമല്ല ചെയ്യുക. മറിച്ച് ആഗോളതലത്തിൽ ഇന്ത്യൻ ഉൽപന്നങ്ങളും ബൗദ്ധിക സ്വത്തുക്കളും സ്ഥാപിക്കുന്ന ഒരു ആവാസവ്യവസ്ഥ സൃഷ്ടിക്കുന്നതിനുള്ള ഒരു പരിവർത്തന ഘട്ടം കൂടിയാണ്. നേരിട്ടുള്ള വിദേശ നിക്ഷേപം പ്രോത്സാഹിപ്പിക്കുന്നതിലൂടെയും ലോകോത്തര പ്രതിഭകളെ പരിപോഷിപ്പിക്കുന്നതിലൂടെയും ഭാവിക്കായി-തയ്യാറായ ഐപി സൃഷ്ടിക്കുന്നതിന് നേതൃത്വം നൽകുന്നതിലൂടെയും ഞങ്ങൾ സംവേദനാത്മക വിനോദത്തിന്റെ ഒരു പുതിയ യുഗത്തിന് അടിത്തറ പാകുകയാണ്. സ്റ്റാർട്ടപ്പ് മഹാകുംഭ മേളയിൽ ബഹുമാനപ്പെട്ട പ്രധാനമന്ത്രിയുടെ ആഹ്വാനത്തിൽ നിന്ന് പ്രചോദനം ഉൾക്കൊണ്ട്, ഗെയിമിംഗിലും സാങ്കേതിക വിദ്യയിലും ഇന്ത്യയെ ആഗോള നേതാവാക്കി മാറ്റാനുള്ള ഞങ്ങളുടെ പ്രതിജ്ഞയായാണ് ഞങ്ങൾ ഇതിനെ കാണുന്നത്.'