ലോകത്തെ ഗോതമ്പ് കയറ്റുമതിയുടെ ഒരു ശതമാനത്തില്‍ താഴെ മാത്രമാണ് ഇന്ത്യയുടെ പങ്ക്

ഉക്രെയ്‌നില്‍ നിന്നും റഷ്യയില്‍ നിന്നും ഏറ്റവും കൂടുതല്‍ ഗോതമ്പ് ഇറക്കുമതി ചെയ്യുന്ന രാജ്യങ്ങളിലൊന്നായ ഈജിപ്ത്, ഇന്ത്യയെ ഗോതമ്പ് വിതരണക്കാരായി അംഗീകരിച്ചതായി വാണിജ്യ-വ്യവസായ മന്ത്രി പിയൂഷ് ഗോയല്‍ പറഞ്ഞു. റഷ്യയും ഉക്രെയ്നും തമ്മിലുള്ള സംഘര്‍ഷം മൂലം ആഗോള വിപണിയില്‍ ഗോതമ്പിന്റെ ലഭ്യതയില്‍ ഗണ്യമായ കുറവുണ്ടായി. ഇരു രാജ്യങ്ങളും ഗോതമ്പിന്റെ പ്രധാന ഉത്പാദകരും കയറ്റുമതിക്കാരുമാണ്. ഈജിപ്ത് 2020 ല്‍ റഷ്യയില്‍ നിന്ന് 1.8 ബില്യണ്‍ ഡോളറും ഉക്രെയ്‌നില്‍ നിന്ന് 610.8 മില്യണ്‍ ഡോളറും മൂല്യമുള്ള ഗോതമ്പ് ഇറക്കുമതി ചെയ്തിരുന്നജിപ്ത് ഇന്ത്യയെ ഗോതമ്പ് വിതരണക്കാരനായി അംഗീകരിച്ചു. നമ്മുടെ ധാന്യപ്പുരകള്‍ നിറഞ്ഞു കവിയുന്നു, ലോകത്തെ സേവിക്കാന്‍ ഞങ്ങള്‍ തയ്യാറാണ്. ഗോയല്‍ ട്വീറ്റില്‍ പറഞ്ഞു. ഇന്ത്യയുടെ ഗോതമ്പ് കയറ്റുമതി കഴിഞ്ഞ വര്‍ഷം ഇതേ കാലയളവിലെ 340.17 ദശലക്ഷം ഡോളറില്‍ നിന്ന് 2021-22 ഏപ്രില്‍-ജനുവരിയില്‍ 1.74 ബില്യണ്‍ ഡോളറായി ഉയര്‍ന്നു. 2019-20ല്‍ ഗോതമ്പ് കയറ്റുമതി 61.84 മില്യണ്‍ ഡോളറായിരുന്നു, ഇത് 2020-21ല്‍ 549.67 മില്യണ്‍ ഡോളറായി ഉയര്‍ന്നു. ഇന്ത്യയുടെ ഗോതമ്പ് കയറ്റുമതി പ്രധാനമായും അയല്‍ രാജ്യങ്ങളിലേക്കാണ്. യെമന്‍, അഫ്ഗാനിസ്ഥാന്‍, ഖത്തര്‍, ഇന്തോനേഷ്യ തുടങ്ങിയ പുതിയ ഗോതമ്പ് വിപണികളിലേക്ക് ഇന്ത്യ കടന്നിരിക്കുകയാണ്.
ബംഗ്ലാദേശ്, നേപ്പാള്‍, യുണൈറ്റഡ് അറബ് എമിറേറ്റ്‌സ്, ശ്രീലങ്ക, യെമന്‍, അഫ്ഗാനിസ്ഥാന്‍, ഖത്തര്‍, ഇന്തോനേഷ്യ, ഒമാന്‍, മലേഷ്യ എന്നിവയാണ്  ഇന്ത്യന്‍ ഗോതമ്പ് ഇറക്കുമതി ചെയ്യുന്ന ആദ്യ പത്ത് രാജ്യങ്ങള്‍.ലോകത്തെ ഗോതമ്പ് കയറ്റുമതിയുടെ 1 ശതമാനത്തില്‍ താഴെ മാത്രമാണ് ഇന്ത്യയുടെ പങ്ക്. എന്നിരുന്നാലും, അതിന്റെ വിഹിതം 2016-ലെ 0.14 ശതമാനത്തില്‍ നിന്ന് 2020-ല്‍ 0.54 ശതമാനമായി വര്‍ദ്ധിച്ചു. 2020-ലെ ലോകത്തിലെ മൊത്തം ഉല്‍പ്പാദനത്തിന്റെ 14.14 ശതമാനം വിഹിതമുള്ള ഗോതമ്പ് ഉല്‍പ്പാദിപ്പിക്കുന്ന രണ്ടാമത്തെ വലിയ രാജ്യമാണ് ഇന്ത്യ.ഇന്ത്യ പ്രതിവര്‍ഷം 107.59 ദശലക്ഷം ടണ്‍ ഗോതമ്പ് ഉത്പാദിപ്പിക്കുന്നു, അതില്‍ ഒരു വലിയ ഭാഗം ആഭ്യന്തര ഉപഭോഗത്തിലേക്ക് പോകുന്നു.

ഇന്ത്യയില്‍ ഗോതമ്പ് കൃഷി ചെയ്യുന്ന പ്രധാന സംസ്ഥാനങ്ങള്‍ ഉത്തര്‍പ്രദേശ്, പഞ്ചാബ്, ഹരിയാന, മധ്യപ്രദേശ്, രാജസ്ഥാന്‍, ബിഹാര്‍, ഗുജറാത്ത് എന്നിവയാണ്.ഈജിപ്തില്‍ നിന്നുള്ള അഗ്രികള്‍ച്ചര്‍ ക്വാറന്റൈന്‍, പെസ്റ്റ് റിസ്‌ക് അനാലിസിസ് ഉദ്യോഗസ്ഥര്‍ മഹാരാഷ്ട്ര, മധ്യപ്രദേശ്, പഞ്ചാബ് എന്നിവിടങ്ങളിലെ വിവിധ സംസ്‌കരണ യൂണിറ്റുകള്‍, തുറമുഖ സൗകര്യങ്ങള്‍, ഫാമുകള്‍ എന്നിവ സന്ദര്‍ശിച്ചു.റഷ്യ-ഉക്രെയ്ന്‍ സംഘര്‍ഷം കാരണം വിതരണം തടസ്സപ്പെട്ടതിനാല്‍ ഇതര സ്രോതസ്സുകളില്‍ നിന്ന് ധാന്യം ശേഖരിക്കാനുള്ള സാധ്യതകള്‍ തേടുന്ന വിവിധ ഗോതമ്പ് ഇറക്കുമതി ചെയ്യുന്ന രാജ്യങ്ങളുമായി നിരവധി വ്യാപാര ചര്‍ച്ചകള്‍ക്കും കൂടിക്കാഴ്ചകള്‍ക്കും ശേഷമാണ് ഈജിപ്ഷ്യന്‍ പ്രതിനിധി സംഘത്തിന്റെ ഇന്ത്യാ സന്ദര്‍ശനം.
കഴിഞ്ഞ മാസം ദുബായ് സന്ദര്‍ശന വേളയില്‍ ഗോയല്‍ ഈജിപ്തിലെ ആസൂത്രണ, സാമ്പത്തിക വികസന മന്ത്രി ഹലാ എല്‍-സെയ്ദിനെയും കാണുകയും ഈജിപ്തിന്റെ ഭക്ഷ്യസുരക്ഷ ഉറപ്പാക്കുന്നതിനായി ഉയര്‍ന്ന നിലവാരമുള്ള ഗോതമ്പ് നല്‍കാനുള്ള ഇന്ത്യയുടെ സന്നദ്ധത ചര്‍ച്ച ചെയ്യുകയും ചെയ്തിരുന്നു.2021-ല്‍ ഈജിപ്ത് 6.1 ദശലക്ഷം ടണ്‍ ഗോതമ്പ് ഇറക്കുമതി ചെയ്തു, ആഫ്രിക്കന്‍ രാജ്യത്തേക്ക് ഗോതമ്പ് കയറ്റുമതി ചെയ്യാന്‍ കഴിയുന്ന അംഗീകൃത രാജ്യങ്ങളുടെ പട്ടികയില്‍ ഇന്ത്യ ഉള്‍പ്പെട്ടിരുന്നില്ല.ഈ വര്‍ഷം ഈജിപ്തിലേക്ക് 3 ദശലക്ഷം ടണ്‍ ഗോതമ്പ് കയറ്റുമതി ചെയ്യാനാണ് ഞങ്ങള്‍ ലക്ഷ്യമിടുന്നതെന്ന് അഗ്രികള്‍ച്ചറല്‍ ആന്‍ഡ് പ്രോസസ്ഡ് ഫുഡ് പ്രൊഡക്സ് എക്സ്പോര്‍ട്ട് ഡെവലപ്മെന്റ് അതോറിറ്റി (എപിഇഡിഎ) ചെയര്‍മാന്‍ അംഗമുത്തു പറഞ്ഞു.വടക്കേ ആഫ്രിക്കന്‍ രാജ്യത്തിന്റെ ഗോതമ്പ്, പഞ്ചസാര ഇറക്കുമതി നിയന്ത്രിക്കുന്ന ഈജിപ്തിലെ പൊതു സംഭരണ ഏജന്‍സിയായ ജനറല്‍ അതോറിറ്റി ഓഫ് സപ്ലൈസ് ആന്റ് കമ്മോഡിറ്റീസില്‍ രജിസ്റ്റര്‍ ചെയ്യാന്‍ APEDA ഇന്ത്യയുടെ കയറ്റുമതിക്കാരെ നേരത്തെ അറിയിച്ചിരുന്നു.

ഇന്ത്യയില്‍ നിന്നുള്ള ഗോതമ്പ് കയറ്റുമതി വര്‍ധിപ്പിക്കുന്നതിനുള്ള സാധ്യതകള്‍ ആരായുന്നതിനായി മൊറോക്കോ, ടുണീഷ്യ, ഇന്തോനേഷ്യ, ഫിലിപ്പീന്‍സ്, തായ്ലന്‍ഡ്, വിയറ്റ്നാം, തുര്‍ക്കി, അള്‍ജീരിയ, ലെബനന്‍ എന്നീ രാജ്യങ്ങളിലേക്ക് APEDA വ്യാപാര പ്രതിനിധികളെ അയയ്ക്കും.''റഷ്യ-ഉക്രെയ്ന്‍ സംഘര്‍ഷം കാരണം ധാന്യത്തിന്റെ ആഗോള ആവശ്യം വര്‍ദ്ധിച്ചുകൊണ്ടിരിക്കുന്ന സാഹചര്യത്തില്‍ 2022-23 ല്‍ ഇന്ത്യ 10 ദശലക്ഷം ടണ്‍ ഗോതമ്പ് കയറ്റുമതി ചെയ്യുക എന്ന റെക്കോര്‍ഡ് ലക്ഷ്യം വച്ചിട്ടുണ്ട്.ഡയറക്ടറേറ്റ് ജനറല്‍ ഓഫ് ഫോറിന്‍ ട്രേഡിന്റെ കണക്കുകള്‍ പ്രകാരം, 2021-22 ല്‍ ഇന്ത്യ 7 മെട്രിക് ടണ്‍ ഗോതമ്പ് കയറ്റുമതി ചെയ്തു. അതിന്റെ മൂല്യം 2.05 ബില്യണ്‍ ഡോളറാണ്.ബംഗ്ലാദേശ്, യുണൈറ്റഡ് അറബ് എമിറേറ്റ്‌സ്, ഖത്തര്‍, ശ്രീലങ്ക, ഒമാന്‍, മലേഷ്യ തുടങ്ങിയ രാജ്യങ്ങളില്‍ നിന്നുള്ള ഡിമാന്‍ഡാണ് ഗോതമ്പ് കയറ്റുമതിയിലെ വളര്‍ച്ചയ്ക്ക് കാരണമായത്.2020-21 വരെ ആഗോള ഗോതമ്പ് വ്യാപാരത്തില്‍ ഇന്ത്യയ്ക്ക് താരതമ്യേന നാമമാത്രമായ സ്ഥാനമായിരുന്നു. 2019-20ലും 2020-21ലും യഥാക്രമം 0.2 മെട്രിക് ടണ്‍, 2 മെട്രിക് ടണ്‍ ഗോതമ്പ് മാത്രമാണ് ഇന്ത്യക്ക് കയറ്റുമതി ചെയ്യാനായത്.വാണിജ്യ മന്ത്രാലയം ഗോതമ്പ് കയറ്റുമതിക്കായി ഒരു ടാസ്‌ക് ഫോഴ്സ് രൂപീകരിച്ചു, വാണിജ്യം, ഷിപ്പിംഗ്, റെയില്‍വേ എന്നിവയുള്‍പ്പെടെ വിവിധ മന്ത്രാലയങ്ങളില്‍ നിന്നുള്ള പ്രതിനിധികളും APEDA യുടെ കീഴിലുള്ള കയറ്റുമതിക്കാരും.കൂടുതലും അരി കയറ്റുമതിക്കായി ഉപയോഗിക്കുന്ന കാക്കിനട നങ്കൂര തുറമുഖം പ്രവര്‍ത്തിപ്പിക്കുന്ന ആന്ധ്രാപ്രദേശ് മാരിടൈം ബോര്‍ഡ്, ഗോതമ്പ് കയറ്റുമതിക്ക് തങ്ങളുടെ സൗകര്യം ഉപയോഗിക്കാമെന്ന് അറിയിച്ചിട്ടുണ്ട്.