ഡൗണ്‍ഡിറ്റക്ടര്‍, വാട്ട്സ്ആപ്പിനെക്കുറിച്ച് 11,000-ത്തിലധികം തകരാറുകള്‍ റിപ്പോര്‍ട്ട് ചെയ്തു

ഏറ്റവും ജനപ്രിയമായ സന്ദേശമയയ്ക്കല്‍ പ്ലാറ്റ്ഫോമുകളിലൊന്നായ വാട്ട്സ്ആപ്പ് പ്രവര്‍ത്തനരഹിതമായതായി റിപ്പോര്‍ട്ട്. ലോകമെമ്പാടുമുള്ള ഉപയോക്താക്കള്‍ ട്വിറ്റര്‍, ഇന്‍സ്റ്റാഗ്രാം തുടങ്ങിയ സോഷ്യല്‍ മീഡിയ പ്ലാറ്റ്ഫോമുകളില്‍ ആപ്പില്‍ സന്ദേശങ്ങള്‍ അയയ്ക്കാന്‍ കഴിയാത്തതിനെക്കുറിച്ചുള്ള പോസ്റ്റുകള്‍ നിറഞ്ഞു തുടങ്ങിയിരിക്കുന്നു. വെബ്സൈറ്റുകളിലും ആപ്ലിക്കേഷനുകളിലുമുടനീളമുള്ള തകരാറുകള്‍ ട്രാക്ക് ചെയ്യുന്ന ജനപ്രിയ വെബ്സൈറ്റായ ഡൗണ്‍ഡിറ്റക്ടര്‍, വാട്ട്സ്ആപ്പിനെക്കുറിച്ച് 11,000-ത്തിലധികം തകരാറുകള്‍ റിപ്പോര്‍ട്ട് ചെയ്തു.ഇറ്റലിയില്‍ നിന്നും തുര്‍ക്കിയില്‍ നിന്നുമുള്ള സോഷ്യല്‍ മീഡിയ ഉപയോക്താക്കളും സന്ദേശങ്ങള്‍ അയയ്ക്കാന്‍ കഴിയാത്തതിനെ കുറിച്ച് പോസ്റ്റുചെയ്തു.

ഇനി വാട്‌സാപ്പും ഫേസ്ബുക്കും ഉപയോഗിക്കുന്നത് നേരവും കാലവും നോക്കി മതി ... Read More

''ചില ആളുകള്‍ക്ക് നിലവില്‍ സന്ദേശങ്ങള്‍ അയയ്ക്കുന്നതില്‍ പ്രശ്നമുണ്ടെന്ന് ഞങ്ങള്‍ക്കറിയാം, കഴിയുന്നത്ര വേഗത്തില്‍ എല്ലാവര്‍ക്കും വാട്ട്സ്ആപ്പ് പുനഃസ്ഥാപിക്കാന്‍ ഞങ്ങള്‍ ശ്രമിക്കുന്നു,'' വാട്ട്സ്ആപ്പിന് പുറമെ ഫേസ്ബുക്കിന്റെയും ഇന്‍സ്റ്റാഗ്രാമിന്റെയും ഉടമസ്ഥതയിലുള്ള കമ്പനിയായ മെറ്റയുടെ വക്താവ് പറഞ്ഞു.ട്വിറ്ററിലും മറ്റ് പ്ലാറ്റ്ഫോമുകളിലും #WhatsAppDown എന്ന ഹാഷ്ടാഗോടുകൂടിയ ഒരു മെമ്മെ ഫെസ്റ്റ് ആരംഭിച്ചു. തങ്ങളുടെ ഇന്റര്‍നെറ്റ് സേവനമാണ് പ്രശ്നമെന്നാണ് പല ഉപയോക്താക്കളും ആദ്യം കരുതിയത്. 

സക്കര്‍ബര്‍ഗ്ഗിന് വാട്‌സ് ആപ്പ് ഏണി തന്നെ ; ലാഭ വളര്‍ച്ച കണ്ടെത്താനാകുന്നില്ല ... Read More

മെറ്റയുടെ ഉടമസ്ഥതയിലുള്ള ജനപ്രിയ ഇന്‍സ്റ്റന്റ് കമ്മ്യൂണിക്കേഷന്‍ അപ്ലിക്കേഷനായ വാട്ട്സ് ആപ്പ് വഴി   ഇന്ത്യയിലെ വാട്ട്സ്ആപ്പ് ഉപയോക്താക്കള്‍ക്ക് നിലവില്‍ സന്ദേശങ്ങള്‍ അയക്കാനും സ്വീകരിക്കാനും കഴിയില്ല.നിലവില്‍ വാട്ട്സ്ആപ്പ് ഗ്രൂപ്പുകളില്‍ ഒരു സന്ദേശം അയക്കുന്നത് അസാധ്യമാണ് .കൂടാതെ വ്യക്തിഗത ചാറ്റുകകളെയും വലിയ തോതില്‍ തകരാറ് ബാധിച്ചുവാട്ട്സ്ആപ്പ് വെബിനെയും തകരാറുകള്‍ ബാധിച്ചു.