ഒരു ബിസിനസുകാരൻ എങ്ങനെയൊക്കെയാണ് അവസരങ്ങൾ കണ്ടെത്തേണ്ടത്. ബിസിനസുകാരന്റെ ഏറ്റവും പ്രധാനപ്പെട്ട ക്വാളിറ്റി ആണ് അവസരങ്ങൾ കണ്ടെത്തുകയെന്നത്. എന്നാൽ അവസരങ്ങൾ കണ്ടെത്തുന്നതിന് വേണ്ടിയിട്ട് ചില കഴിവുകളും, നൈപുണ്യങ്ങളും എപ്പോഴും വളർത്തിയെടുക്കാൻ വേണ്ടി ശ്രമിച്ചുകൊണ്ടേയിരിക്കണം അവയിൽ ചിലതാണ് താഴെ പറയുന്നത്.

ആത്മവിശ്വാസം

ആത്മവിശ്വാസം ഇല്ലാത്ത ഒരാളിനെ സംബന്ധിച്ചിടത്തോളം അവസരങ്ങൾ കണ്ടെത്തുക വളരെ പ്രയാസമാണ്. തന്റെ കഴിവിലുള്ള ഉറച്ച വിശ്വാസം ഒരു സംരംഭകന് ഉണ്ടാകണം.

അറിവ്

ബിസിനസുകാരന് ഉണ്ടാകേണ്ട അറിവ് എപ്പോഴും സമ്പാദിച്ചുകൊണ്ടിരിക്കണം. നിങ്ങൾ പ്രവർത്തിക്കുന്ന മേഖലയെക്കുറിച്ച് അറിവില്ലെങ്കിൽ അവസരങ്ങളെ കുറിച്ചൊന്നും അറിയാൻ സാധ്യതയില്ല.

ശുഭാപ്തി വിശ്വാസം

എപ്പോഴും പോസിറ്റീവായി ചിന്തിക്കാനുള്ള മൈൻഡ് സെറ്റ് നിങ്ങൾക്കുണ്ടാകണം. ചിലപ്പോൾ ബിസിനസ്സിൽ നെഗറ്റീവായ കാര്യങ്ങൾ സംഭവിച്ചു കൊണ്ടേയിരിക്കാം. ഇങ്ങനെ വിചാരിക്കുന്ന പോലെ കാര്യങ്ങൾ നീങ്ങിയില്ലയെങ്കിലും ശുഭാപ്തി വിശ്വാസം കൈവിടരുത്. ഏതൊരു പ്രവർത്തിയും ശുഭാപ്തി വിശ്വാസമുള്ള ആളിനെ സംബന്ധിച്ചിടത്തോളം പ്രവർത്തിക്കുവാനുള്ള ഊർജ്ജം കിട്ടിക്കൊണ്ടിരിക്കും.

എന്താണ് സാമ്പത്തിക സമൃദ്ധി? സാമ്പത്തിക സമൃദ്ധിയുള്ളവരുടെ ലക്ഷണങ്ങൾ... Read More

ദീർഘവീക്ഷണം

അവസരങ്ങളെ ദീർഘവീക്ഷണത്തോടുകൂടി കാണുവാനുള്ള കഴിവ് ഉണ്ടാകണം. നാളെ ഉണ്ടാകാൻ പോകുന്ന മാറ്റങ്ങളെക്കുറിച്ച് മുൻകൂട്ടി കണ്ടു പ്രവർത്തിക്കാൻ കഴിയുന്നവനാണ് ഒരു നല്ല സംരംഭകൻ.

മികച്ച ബന്ധങ്ങൾ ഉള്ളവർ

നല്ല ബന്ധങ്ങൾ ഉണ്ടെങ്കിൽ മികച്ച അവസരങ്ങൾ അവരിലൂടെ നിങ്ങളെ തേടിയെത്തും. അങ്ങനെയുള്ള ബന്ധങ്ങളാണ് സംരംഭകൻ നേടിയെടുക്കേണ്ടത്.

സ്ഥിരോത്സാഹം

എപ്പോഴും പ്രവർത്തിച്ചു കൊണ്ടിരിക്കുക. എപ്പോഴാണ് അവസരങ്ങൾ വന്ന് ചേരുന്നതെന്ന് പറയാൻ കഴിയില്ല. അതുകൊണ്ട് സ്ഥിരോത്സാഹത്തോടുകൂടി പ്രവർത്തിച്ചു കൊണ്ടിരിക്കുക. സ്ഥിരോത്സാഹം ഉള്ളയാൾ കൺഫർട്ടബിൾ സോണിൽ നിന്നും പുറത്ത് കടക്കണം.

ചെറുകിട സംരംഭകർക്കും സംരംഭം ആരംഭിക്കാൻ ഉദ്ദേശിക്കുന്നവർക്കുമുള്ള ടിപ്പുകൾ നിരന്തരം ലഭിക്കുവാൻ വേണ്ടി ഞങ്ങളെ ഫോളോ ചെയ്യുക.