ജോലിയുടെ ഭാഗമായി ദീർഘസമയം ഇരുന്നു ജോലിചെയ്യുന്നവരുടെ എണ്ണം കൂടിവരുന്നു. ദീർഘനേരം ഇരിക്കുന്നത് പുകവലിയോളം ദോഷം ചെയ്യും എന്ന് പഠനങ്ങൾ പറയുന്നു. കുറേസമയം ഇരുന്നുള്ള ജോലി ഒരു അപകടകാരിയാണ് പക്ഷേ നമ്മൾ ആരും അത് ശ്രദ്ധിക്കുന്നില്ല എന്ന് മാത്രം. ഈയൊരു കാരണം കൊണ്ട് തന്നെ ശരീരത്തിന് വേണ്ടത്ര വ്യായാമം ലഭിക്കുന്നില്ല. വർക്ക് ഫ്രം ഹോം സംവിധാനമെല്ലാം കൂടുതൽ സജീവമായതോടെ ഇരുന്നുള്ള ജോലിക്കാരുടെ എണ്ണവും കൂടി.

ഏറെ നേരം ഇരുന്നു കൊണ്ടും നിന്നുകൊണ്ടും ജോലി ചെയ്യുന്നത് അപകടമാണ്. എന്നാൽ, നിന്നുകൊണ്ട് ജോലി ചെയ്യുന്നവരെ അപേക്ഷിച്ചു ഇരുന്നു കൊണ്ട് ജോലി ചെയ്യുന്നവർക്കാണ് കൂടുതൽ പ്രശ്നങ്ങൾ ഉണ്ടാവുക.

മണിക്കൂറുകൾ ഓളം ഇരുന്ന് ജോലി ചെയ്യുന്നവരാണെങ്കിൽ ആരോഗ്യത്തിന്റെ കാര്യത്തിൽ കൂടുതൽ ശ്രദ്ധിക്കേണ്ടിയിരിക്കുന്നു.

• കൂടുതൽ സമയം ഇരുന്ന് ജോലി ചെയ്യുന്നവർക്ക് ഫാറ്റ് അടിയാനുള്ള സാധ്യത വളരെ കൂടുതലാണ്. അത്തരക്കാർക്ക് ഹൃദ്രോഗത്തിനും വളരെയധികം സാധ്യതയുണ്ട്.
• ദീർഘനേരം ഇരുന്ന് ജോലി ചെയ്യുന്നത് നിങ്ങളുടെ മാനസികാരോഗ്യത്തെ ദോഷകരമായി ബാധിക്കും. ഓർമ്മക്കുറവ്, വിഷാദം എന്നിവയും ഉണ്ടാകും.
• ഏറെ നേരം ഇരിക്കുന്നത് ശ്വാസകോശത്തിന്റെ കപ്പാസിറ്റിയെ ബാധിക്കുന്നു.
• ദീർഘനേരം ഇരിക്കുന്നത് കാരണം കലോറി വളരെ കുറഞ്ഞ അളവിൽ മാത്രമേ ഉപയോഗിക്കപ്പെടുന്നുള്ളൂ. ഇത് വണ്ണം കൂടാനും ശരീരത്തിലെ കൊളസ്ട്രോൾ കൂട്ടാനും കാരണമാകുന്നു.
• കൂടുതൽ സമയം ഇരിക്കുന്നത് എല്ലുകളുടെ ബലക്ഷയത്തിനൊപ്പം, പുറംഭാഗം, കഴുത്ത് സന്ധികൾ തുടങ്ങിയിടങ്ങളിൽ വേദനയുണ്ടാക്കുന്നു.
• കൂടുതൽ സമയം ഇരുന്നു ജോലിചെയ്യുമ്പോൾ കാലുകൾക്കു സ്ട്രെസ് കൂടുതലായി കൊടുക്കേണ്ടി വരുന്നു, ഇത് വേരിക്കോസ് വെയ്ൻ ഉണ്ടാകാൻ കാരണമാകുന്നു.
• പ്രത്യക്ഷത്തിൽ ദീർഘനേരം ഇരിക്കുന്നത് നിങ്ങളുടെ ശരീരത്തെ ദോഷകരമായി ബാധിക്കുക മാത്രമല്ല നിങ്ങളുടെ തലച്ചോറിനെയും നശിപ്പിക്കുമെന്നു പഠനങ്ങൾ പറയുന്നു.

എന്നാൽ, ദീർഘ നേരം ഇരുന്നുകൊണ്ടുള്ള ജോലി ചെയ്യുനതുവഴിയുള്ള പ്രശ്നങ്ങൾ തരണം ചെയ്യാനും വഴിയുണ്ട്. അല്പം ശ്രദ്ധിക്കണം എന്ന് മാത്രം. ഇരുന്നു ജോലി ചെയ്യുന്നവർ ഓരോ അരമണിക്കൂർ കൂടുമ്പോഴും എഴുന്നേറ്റ് രണ്ടു മിനിറ്റ് നടക്കുന്നത് ഏറെ നല്ലതാണ്. ഇത് ശരീരത്തിലെ രക്ത ചംക്രമണ വ്യവസ്ഥയ്ക്ക് ഉണർവ്വ് പകരും. കൂടാതെ, എഴുനേറ്റു നിൽക്കുക, ലഘുവ്യായാമങ്ങൾ ചെയ്യുക, ഇടക്കിടെ നിവരുകയും കുനിയുകയും ചെയ്യുക തുടങ്ങിയ കാര്യങ്ങളും ഏറെ സഹായകമാണ്.

കുട്ടികളിലെ ആരോഗ്യകരമായ ഭക്ഷണ രീതി... Read More

ലോക്കൽ എക്കോണമി എന്ന ഈ ന്യൂസ് പോർട്ടൽ ജനങ്ങളെ ലോക്കൽ ടു ഗ്ലോബൽ എന്ന നിലയിൽ ഉയർത്തുക എന്നതാണ് ലക്ഷ്യമാക്കുന്നത്. ഈ പോർട്ടലിൽ രാവിലെ പോസിറ്റീവ് വാർത്തകൾ മാത്രമാണ് പോസ്റ്റ് ചെയ്യുന്നത്. രാവിലെ നെഗറ്റീവ് വാർത്ത കേൾക്കാതെ പോസിറ്റീവ് വാർത്തകൾ മാത്രം വായിക്കാൻ ആഗ്രഹിക്കുന്ന ആൾക്കാർ ഈ പോർട്ടൽ സബ്സ്ക്രൈബ് ചെയ്യുക, ഫോളോ ചെയ്യുക.