കൊച്ചി: പ്രാദേശിക കൈത്തറിയുടെ വളർച്ചയ്ക്കും സുസ്ഥിര ഫാഷൻ സങ്കൽപ്പങ്ങൾക്കും പ്രത്യേക പ്രാധാന്യം നൽകി ആമസോൺ ഇന്ത്യയുടെ ദേശീയ കൈത്തറി ദിനാഘോഷം. വ്യാപാരികൾക്ക് വേണ്ടിയുള്ള ആമസോൺ ഇന്ത്യയുടെ മുഖ്യ പരിപാടികളിൽ ഒന്നായ ആമസോൺ കരിഗറിൻറെ ഭാഗമായി സംഘടിപ്പിക്കുന്ന കൈത്തറി ദിനാഘോഷത്തിൽ കൈത്തറി വ്യവസായത്തിൻറെ വർദ്ധിച്ചുവരുന്ന പ്രാധാന്യത്തിൻറെ ബോധവത്ക്കരണം, രാജ്യമാകെയുള്ള കൈത്തറി ഉത്പ്പന്നങ്ങളുടെ പ്രദർശനം, പ്രാന്തവത്ക്കരിക്കപ്പെട്ട നെയ്ത്ത് തൊഴിലാളികളുടെ സാമ്പത്തിക ഉന്നമനം എന്നിവയാണ് ലക്ഷ്യമിടുന്നത്.

രാജ്യത്തെ 25 സംസ്ഥാനങ്ങളിൽ നിന്നുള്ള 1.5 ലക്ഷം ഉത്പ്പന്നങ്ങൾ ഉപഭോക്താക്കൾക്ക് വാങ്ങിക്കാൻ ഈ പരിപാടി അവസരമൊരുക്കും. ബിശ്വ ബംഗ്ല, പന്തോയിബി, ഗർവി ഗുജറാത്ത്, ഹൗസ് ഓഫ് ഹിമാലയാസ് തുടങ്ങി 35ൽ പരം സംസ്ഥാന എംപോറിയങ്ങളിൽ നിന്നുള്ള വിവിധതരം ഉത്പ്പന്നങ്ങളും കൈത്തറി ദിനാഘോഷത്തിൻറെ ഭാഗമായി ആമസോൺ ഇന്ത്യ അവതരിപ്പിക്കുന്നുണ്ട്.

18 ലക്ഷത്തോളം വരുന്ന കരകൗശല കലാകാരൻമാരുടെ ജീവിതത്തെ മുന്നോട്ടുകൊണ്ടുപോകാൻ സഹായിക്കുന്ന ആമസോൺ കരിഗർ പരിപാടിയിലൂടെ കൈ കൊണ്ടുണ്ടാക്കിയ 2 ലക്ഷം ഉത്പന്നങ്ങൾ ലഭ്യമാകും. ഇതിൽ കലാമേന്മയും ഗുണനിലവാരവും കൊണ്ട് അപൂർവ്വമായ 470ൽ അധികം ഉത്പന്നങ്ങൾ ഉൾപ്പെടും. 2500ൽ അധികം പ്രമുഖ നെയ്ത്തുകാർ, സഹകരണ സംഘങ്ങൾ, കരകൗശല വിദഗ്ധർ, സർക്കാർ സ്ഥാപനങ്ങൾ, ടെക്സ്റ്റൈൽസ്, കൊട്ടേജ് ഇൻഡസ്ട്രീസ്, ട്രൈബൽ വെൽഫെയർ തുടങ്ങി വിവിധ മന്ത്രാലയങ്ങൾ എന്നിവയെ ഓൺലൈനായി അണിനിരത്തിക്കൊണ്ടാണ് ആമസോൺ കരിഗർ പരിപാടി നടപ്പിലാക്കുന്നത്.

കൂടുതൽ സ്ഥലങ്ങളിലേക്ക് അനായാസം പറക്കാം: എയർ ഇന്ത്യ എക്സ്പ്രസ് സ്കൂട്ടുമായി ചേർന്ന് വെർച്വൽ ഇൻറർലൈൻ ആരംഭിച്ചു... Read More

കരകൗശല തൊഴിലാളികളുടെയും നെയ്ത്തുകാരുടെയും സമൂഹങ്ങളെ ഇ-കൊമേഴ്സ് ഉപയോഗിച്ച് ശാക്തീകരിക്കുന്നതിനും അവരുടെ ബിസിനസ്സ് കെട്ടിപ്പടുക്കുന്നതിനും വിപുലമായ അവരുടെ ഉൽപ്പന്നങ്ങളുടെ സുസ്ഥിരമായ ഉപയോഗം പ്രോത്സാഹിപ്പിക്കുന്നതിനും തങ്ങൾ പ്രതിജ്ഞാബദ്ധരാണ് ആമസോൺ ഇന്ത്യ സെയിൽസ് ഡയറക്ടർ ഗൗരവ് ഭട്നാഗർ പറഞ്ഞു.