വേനല്‍ക്കാലത്ത് കൃത്യമായ ജലസേചനം ഇല്ലെങ്കില്‍ ചെടികള്‍ വാടി/ഉണങ്ങി പോകും

ടെറസ് കൃഷി വലിയ ചെലവുള്ള സംഭവം ആണെന്നാണ് പലരുടെയും വിചാരം. പൊളി ഹൌസ് പോലെയുള്ള കൃഷി രീതികള്‍ ടെറസ് കൃഷിയില്‍ ഉപയോഗിക്കാം. എന്നാല്‍ നമുക്ക് വീട്ടില്‍ വേണ്ട പച്ചക്കറികള്‍ ഉത്പാദിപ്പിക്കാന്‍ പൊളി ഹൌസ് ഒന്നും വെണ്ട. ഓപ്പണ്‍ കൃഷി രീതികള്‍ മാത്രം മതി. ചെലവ് അധികം ആവശ്യമില്ലാത്തതാണ് അവ.

ഇനി കൃഷി ചെയ്യാന്‍ ടെറസ് തന്നെ വേണമെന്നില്ല, നിങ്ങള്‍ക്ക് അത്യാവശ്യം സ്ഥലം ഉണ്ടെങ്കില്‍ അവ തന്നെയാണ് നല്ലത്. സ്ഥല പരിമിതി, കൃഷി സ്ഥലത്ത് ആവശ്യത്തിനു സൂര്യ പ്രകാശം ലഭിക്കാത്തവര്‍ ഇവരൊക്കെയാണ് ടെറസ് കൃഷി ചെയ്യേണ്ടത്.

ടെറസ് കൃഷിയുടെ മേന്മകള്‍

1, സ്ഥലപരിമിതി മറികടക്കാം
2, സൂര്യപ്രകാശം നന്നായി ലഭിക്കുന്നു
3, കീട ബാധ കുറവ്

കാലാവസ്ഥ അനുയോജ്യമല്ലെങ്കിലും ഈ കൃഷിയിലൂടെ ലാഭം കൊയ്യാം... Read More

ടെറസ് കൃഷിയുടെ പോരായ്മകള്‍

കൃത്യമായ പരിചരണം ആവശ്യമാണ് , കൃത്യമായ ജലസേചനം, വളപ്രയോഗം ഇവ ആവശ്യമാണ്. ചെടികള്‍ക്ക് നാം കൊടുക്കുന്ന വെള്ളം, വളം മാത്രം ഉപയോഗപ്പെടുത്താനെ സാധിക്കു. വേനല്‍ക്കാലത്ത് കൃത്യമായ ജലസേചനം ഇല്ലെങ്കില്‍ ചെടികള്‍ വാടി/ഉണങ്ങി പോകും.

ടെറസിനു ദോഷം സംഭവിക്കുമോ ?

ഇനി ചിലരുടെ സംശയം ഇതാണ്. ഒരിക്കലുമില്ല, നിങ്ങള്‍ രാസ വള/കീടനാശിനി പ്രയോഗം ഒഴിവാക്കിയാല്‍ മാത്രം മതി. കൂടാതെ ചെടികള്‍ വെക്കുന്ന ചട്ടികള്‍/ഗ്രോ ബാഗ് ഇവയ്ക്കു താഴെ ഇഷ്ട്ടിക വെച്ചാല്‍ കൂടുതല്‍ നല്ലത്,ഊര്‍ന്നിറങ്ങുന്ന ജലം അവ ആഗിരണം ചെയ്തു കൊള്ളും.

എങ്ങിനെ നടും

കഴിവതും പ്ലാസ്റ്റിക് ചാക്കുകള്‍/കവറുകള്‍ ഒഴിവാക്കുക. അവ മാസങ്ങള്‍ക്കുള്ളില്‍ പൊടിഞ്ഞു പോകും. നിങ്ങള്‍ കൃഷി തന്നെ മടുത്തു പോകും. ദയവായി പ്ലാസ്റ്റിക് ചാക്കുകള്‍/കവറുകള്‍ ഒഴിവാക്കുക. വില കുറവില്‍ പ്ലാസ്റ്റിക് കന്നാസുകള്‍ ലഭിക്കുമെങ്കില്‍ (ആക്രി കടകളിലും മറ്റും) അവ ഉപയോഗിക്കാം. പക്ഷെ നന്നായി കഴുകി വൃത്തിയാക്കിയത്തിനു ശേഷം മാത്രം എടുക്കുക. അത്തരം കന്നാസുകള്‍ മുകള്‍ ഭാഗം മുറിച്ചു ഉപയോഗിക്കാം. അടിവശത്ത് ചെറിയ ദ്വാരങ്ങള്‍ ഇടാന്‍ മറക്കരുത്.

ചെടി ചട്ടികള്‍ - ഇവ പക്ഷേ ചെലവ് കൂടിയ രീതിയാണ്. ഒരു ചെടി ചട്ടിക്കു തന്നെ 100 രൂപ അടുത്ത് വരും, ഉപയോഗ ശൂന്യമായവ ഉണ്ടെകില്‍ അവ ഉപയോഗപ്പെടുത്തുക.

മറ്റേതൊരു കൃഷിയില്‍ നിന്നും ലഭിക്കുന്ന ലാഭത്തേക്കാള്‍ കൂടുതല്‍ ഉറപ്പാക്കാം ... Read More

ഗ്രോ ബാഗുകള്‍ - ടെറസ് കൃഷിക്ക് ഏറ്റവും ഉത്തമം ആണ് ഗ്രോ ബാഗുകള്‍

നടീല്‍ മിശ്രിതം - മണ്ണ് ലഭ്യമെങ്കില്‍ അത് തന്നെ നിറയ്ക്കുക, കൂടെ ഉണങ്ങിയ ചാണകപ്പൊടി, കരിയിലകള്‍, നിയോപീറ്റ് പോലെയുള്ള ചകിരി ചോറ് ഇവയും ചേര്‍ത്ത് ഇളക്കി ഉപയോഗിക്കാം. നിറയ്ക്കുമ്പോള്‍ ഒരിക്കലും കുത്തി നിറയ്ക്കരുത്. അതെ പോലെ മുഴുവന്‍ ഭാഗവും നിറയ്ക്കരുത്, മുക്കാല്‍ ഭാഗം മാത്രം നിറയ്ക്കുക.

ഏതു തരം കൃഷി ആണെങ്കിലും ഇത്തരത്തിലുള്ള കാര്യങ്ങള്‍ ഒക്കെ മനസിലാക്കിയതിന് ശേഷം മാത്രം പ്രവര്‍ത്തനം ആരംഭിക്കുക. എങ്കില്‍ മാത്രമേ വിജയം നേടാന്‍ സാധിക്കുകയുള്ളൂ.