ഉന്മേഷദായകമായ വെറുമൊരു ദാഹശമനി മാത്രമല്ല ഈ കരിക്കിൻ വെള്ളം. വിറ്റാമിനും ധാതുലവണങ്ങളും പോഷകങ്ങളും എൻസൈമുകളും കൊണ്ട് സമൃദ്ധമാണ് ഈ കല്പവൃക്ഷക്കനി. രസക്കൂട്ടുകളോ രാസചേരുവകളോ ഇല്ലാത്ത ഈ പ്രകൃതിപാനീയത്തെ വെല്ലാൻ ലോകത്തൊരു ദാഹശമനിയ്ക്കുമാവില്ല. മാംസ്യഹേതുക്കളായ അമിനോ ആസിഡും രാസത്വരകങ്ങളും ദഹനസഹായിയായ ഡയറ്ററി ഫൈബറും വിറ്റാമിൻ-സി, പൊട്ടാസ്യം, മെഗ്നീഷ്യം, മാംഗനീസ് എന്നീ ധാതുക്കളും ഇതിൽ അടങ്ങിയിട്ടുണ്ട്. കൊഴുപ്പിന്റെയും ക്ലോറൈഡിന്റെയും പാർശ്വഫലങ്ങളെ കുറിച്ചൂള്ള ഭീതിയും വേണ്ട.100 മില്ലി ലിറ്റർ ഇളനീരിൽ 250 മില്ലി ഗ്രാം പൊട്ടാസ്യവും 105 മില്ലി ഗ്രാം സോഡിയവും അടങ്ങിയിട്ടുണ്ട്. ആന്റിഓക്സിഡന്റായി പ്രവർത്തിക്കുന്ന വിറ്റാമിൻ സി യും ഇതിൽ വേണ്ടുവോളമുണ്ട്.

• ശരീരഭാരം കുറക്കുന്നതിന് ഇളനീർ വളരെ നല്ലതാണ്. ഭക്ഷണത്തോടുള്ള അത്യാർത്തിക്ക് ശമനം വരുത്തുന്ന ഈ പാനീയത്തിൽ കൊഴുപ്പിന്റെ അംശം തീരെ കുറവാണ്.
• ശരീരത്തിൽ പഞ്ചസാരയുടെ അളവ് നിയന്ത്രിതമായി നിർത്താൻ ആവശ്യമായ പോഷകങ്ങളുടെ അളവ് വേണ്ടുവോളമുള്ളതിനാൽ പ്രമേഹ രോഗികൾക്ക് ഈ പാനീയം അത്യുത്തമവുമാണ്.
• കരിക്കിൻ വെള്ളത്തിൽ ലീനമായ പൊട്ടാസ്യം, മെഗ്നീഷ്യം ധാതുക്കൾ കിഡ് നിയിലെ കല്ലിനെ അലിയിച്ചുകളയും.
• മുഖക്കുരു, കലകൾ, ചുളിവുകൾ, ചർമ്മം വലിഞ്ഞുണ്ടാകുന്ന പാടുകൾ, മേദസ്സ്, എക്സിമ എന്നിങ്ങനെ ഒരുപാട് ചർമ്മ പ്രശ്നങ്ങൾക്കും ഇളനീർ പരിഹാരമാണ്. കിടക്കാൻ നേരം ഈ കലകളിൽ നീർ പുരട്ടി കിടന്നുറങ്ങുകയേ വേണ്ടൂ. രണ്ടോ മൂന്നോ ആഴ്ചകൊണ്ട് ഫലം നിശ്ചയം.
• ദഹനക്കേടു പോലുള്ള രോഗങ്ങൾ നിമിത്തം ശരീരത്തിന്റെ ജലാംശം നഷ്ടമായവർക്ക് പൊട്ടാസ്യവും സോഡിയവും അടങ്ങിയിട്ടുള്ള ഇളനീർ അമൂല്യമായ ഔഷധമാണ്.
• ലോറിക് ആസിഡിന്റെ കലവറയാണ് കരിക്ക്. അണുബാധ തടയാൻ ഇത് നല്ലതാണ്. ഇളനീർ എന്നും കുടിക്കുന്നത് മൂത്ര സംബന്ധമായ രോഗങ്ങളെ തടയും.
• വയറിളക്കം നിമിത്തം ശരീരത്തിലെ ജലത്തിന്റെ അനുപാതം നഷ്ടമായ രോഗികൾക്ക് ഇളനീർ നല്ലൊരു സിദ്ധൌഷധമാണ്.

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക.

കൗമാരക്കാർക്കിടയിലെ ആത്മഹത്യാ ചിന്തകൾ: രക്ഷിതാക്കൾക്ക് അറിയേണ്ടതെല്ലാം... Read More