ഏഴ് ലോഹ കമ്പനികളെ കൂടെ മാതൃ കമ്പനിയുമായി ലയിപ്പിച്ച്  ടാറ്റ ഗ്രൂപ്പ് 

ടാറ്റ സ്റ്റീലിന്റെ ഏഴ് അനുബന്ധ സ്ഥാപനങ്ങളെ മാതൃ കമ്പനിയുമായുള്ള സംയോജനത്തിന് ബോര്‍ഡ് അനുമതി നല്‍കിയതിനെത്തുടര്‍ന്ന് ഇന്ന് ആദ്യ വ്യാപാരത്തില്‍ ടാറ്റ സ്റ്റീലിന്റെ ഓഹരികള്‍ക്ക് 4 ശതമാനം ഉയര്‍ച്ച ഉണ്ടായി. ബിഎസ്ഇയില്‍ ടാറ്റ സ്റ്റീല്‍ സ്റ്റോക്ക് 103.65 രൂപയില്‍ നിന്ന് 107.90 രൂപയില്‍ ഇന്ന് ഉയര്‍ന്ന നിലവാരത്തിലെത്തി. നേരത്തെ 2.46 ശതമാനം ഉയര്‍ന്ന് 106.20 രൂപയില്‍ വ്യാപാരം ആരംഭിച്ചു. കമ്പനിയുടെ വിപണി മൂല്യം ഇന്ന് 1.28 ലക്ഷം കോടി രൂപയായി ഉയര്‍ന്നു.ടാറ്റ സ്റ്റീലിന്റെ മൊത്തം 21.94 ലക്ഷം ഓഹരികള്‍ ബിഎസ്ഇയില്‍ 23.35 കോടി രൂപയുടെ വിറ്റുവരവായി മാറി. രണ്ട് ദിവസത്തെ തകര്‍ച്ചയ്ക്ക് ശേഷമാണ് ഓഹരികള്‍ നേട്ടമുണ്ടാക്കിയത്.എന്നിരുന്നാലും ടാറ്റ സ്റ്റീലിന്റെ ഓഹരികള്‍ ഒരു വര്‍ഷത്തിനുള്ളില്‍ 20.27 ശതമാനം നഷ്ടപ്പെടുകയും 2022 ല്‍ 5.35 ശതമാനം കുറയുകയും ചെയ്തു.ഒരു മാസത്തിനുള്ളില്‍ സ്റ്റോക്ക് 2.19 ശതമാനം നഷ്ടമായി.

വിപണി മൂല്യത്തില്‍ ടാറ്റ ഗ്രൂപ്പിനെ മറികടന്ന് അദാനി ഗ്രൂപ്പ്... Read More

കൂടുതല്‍ മെച്ചപ്പെട്ട പ്രവര്‍ത്തനങ്ങള്‍ക്കയി ടാറ്റ സ്റ്റീല്‍ അനുബന്ധ കമ്പനികളെ ലയിപ്പിക്കുകയാണ്.
ടാറ്റ സ്റ്റീല്‍ ലോംഗ് പ്രോഡക്ട്സ്, ടാറ്റ മെറ്റാലിക്സ്, ദി ടിന്‍പ്ലേറ്റ് കമ്പനി ഓഫ് ഇന്ത്യ, ടിആര്‍എഫ്, ഇന്ത്യന്‍ സ്റ്റീല്‍ ആന്‍ഡ് വയര്‍ പ്രോഡക്ട്സ്, ടാറ്റ സ്റ്റീല്‍ മൈനിംഗ്, എസ് ആന്റ് ടി മൈനിംഗ് എന്നിവയുടെ സംയോജനത്തിന് ടാറ്റ സ്റ്റീലിന്റെ ബോര്‍ഡ് അനുമതി നല്‍കി. വ്യാഴാഴ്ച ചേര്‍ന്ന കമ്പനിയുടെ ബോര്‍ഡ് യോഗത്തിലാണ് തീരുമാനമെടുത്തതെന്ന് എക്സ്ചേഞ്ച് ഫയലിംഗ് അറിയിച്ചു.ഷെയര്‍ഹോള്‍ഡര്‍ മൂല്യം സൃഷ്ടിക്കുന്നതിനായി ലയിച്ച സ്ഥാപനങ്ങളുടെ വിഭവങ്ങള്‍ ശേഖരിക്കുമെന്ന് ടാറ്റ സ്റ്റീല്‍ പറഞ്ഞു.ലയനങ്ങള്‍ പരസ്പരം സൗകര്യങ്ങള്‍ കൂടുതല്‍ കാര്യക്ഷമമായി വിനിയോഗിക്കുമെന്നും ടാറ്റാ ഗ്രൂപ്പ്. ഷെയര്‍ മാര്‍ക്കറ്റിനെ ഇത് ഏത് രീതിയില്‍ ബാധിക്കുമെന്ന ആശങ്കയിലാണ് നിക്ഷേപകര്‍.