മാനസികമായും ശാരീരികമായും നിത്യജീവിതത്തിൽ നമ്മെ അലട്ടുന്ന കാര്യങ്ങൾ ഒരുപാടുണ്ട്. വീട്ടിലെ ഉത്തരവാദിത്തങ്ങൾ, ഓഫീസിലെ ടെൻഷൻ എന്നുവേണ്ട നിത്യജീവിതത്തിൽ നമ്മെ അലട്ടുന്ന കാര്യങ്ങൾക്ക് അവസാനമില്ല. നിരന്തരമുള്ള ഇത്തരം ടെൻഷനിൽ നിന്ന് മോചനം ആഗ്രഹിക്കാത്തവരുമില്ല. എന്നാൽ ഉത്തരം സമ്മർദങ്ങൾ മറികെടക്കാം.

• നമുക്ക് എല്ലാവർക്കും ഇഷ്ടമുള്ള എന്തെങ്കിലും പ്രവർത്തികൾ ഉണ്ടാകും. ഇത്തരത്തിൽ നമുക്ക് സന്തോഷം നൽകുന്ന കാര്യങ്ങൾ കണ്ടെത്തി അത് ചെയ്യുകയാണ് വേണ്ടത്. എന്ത് കാര്യമായാലും നിങ്ങൾക്കിഷ്ടപ്പെടുന്ന കാര്യം ചെയ്യാൻ എന്നും കഴിഞ്ഞില്ലങ്കിലും ആഴ്ചയിൽ രണ്ടു ദിവസമെങ്കിലും ഇതിനായി സമയം കണ്ടെത്തുക.
• സമ്മർദ്ദം തടയാനുള്ള ഏറ്റവും നല്ല മാർഗമാണ് നടത്തം. വ്യായാമത്തിലൂടെ ശരീരം എൻട്രോഫിൻ പുറപ്പെടുവിക്കുകയും അത് ഉൻമേഷം പകരുകയും ചെയ്യും. എന്നും രാവിലെ ഒരു മണിക്കൂർ എങ്കിലും നടക്കുന്നത് നല്ലതാണ്.
• മനസ്സിനെ ശക്തിപ്പെടുത്താനുള്ള ഉത്തമ മാർഗ്ഗമാണ് യോഗ. സ്ഥിരമായി യോഗ ചെയ്യുന്നവരിൽ പോസിറ്റീവ് ചിന്തകൾ കൂടുതലാണ്. എന്നും കുറച്ച് സമയം യോഗ ചെയ്താൽ അതിന്റെ ഉന്മേഷം ദിവസം മുഴുവൻ അനുഭവിക്കാം.
• വീട്ടിൽ ചെയ്യുന്ന ജോലികൾ മടുപ്പിക്കുന്നുണ്ടെങ്കിൽ ആ ജോലികൾ വ്യത്യസ്തമായി ചെയ്യാൻ ശ്രമിക്കണം. അടുക്കള ജോലികൾക്കിടയിൽ പാട്ടുകേൾക്കുകയോ പഞ്ചാത്തലത്തിൽ ഇഷ്ടമുള്ള ടി വി പരിപാടികൾ കാണുകയോ ചെയ്യുന്നത് സന്തോഷകരമായി ജോലി ചെയ്യാൻ സഹായിക്കും. ഇതുപോലെ വ്യത്യസ്ഥമായി ജോലികൾ ചെയ്താൽ സ്ഥിരം തോന്നുന്ന മടുപ്പും സമ്മർദ്ദവും ഇല്ലാതാക്കാം.
• പാട്ടുപാടുന്നത് ടെൻഷൻ കുറയ്ക്കാൻ നല്ലതാണ്. പാട്ടുപാടാൻ കഴിവുള്ളവർ പോലും ചിലപ്പോൾ ജീവിതത്തിലെ തിരക്കുകൾക്കിടയ്ക്ക് അതൊക്കെ മറക്കും എന്നാൽ പാടുന്നത് സമ്മർദ്ദം കുറയ്ക്കുമെന്നാണ് പഠനങ്ങൾ പറയുന്നത്.
• നല്ല സുഗന്ധങ്ങൾ ചിലപ്പോൾ സമ്മർദ്ദം കുറയ്ക്കും. മുല്ലപ്പു, ലാവൻഡർ എന്നിവയുടെ മണം സ്ട്രസ് ഹോർമോണായ കോർട്ടിസോളിന്റെ അളവ് കുറയ്ക്കുന്നു.
• ഓറഞ്ച്, മുന്തിരി, സ്ട്രോബറി, എന്നിവയിൽ വിറ്റാമിൻ സി അടങ്ങിയിരിക്കുന്നു. ഇതിന്റെ ജ്യൂസുകൾ സമ്മർദ്ദം കുറയ്ക്കാൻ സഹായകമാണ്. ഓറഞ്ച് ജ്യൂസിൽ അടങ്ങിയിരിക്കുന്ന വിറ്റാമിൻ സി സ്ട്രസ്സ് ഹോർമോണായ കോർട്ടിസോൾ കുറയ്ക്കുന്നതിനു സഹായിക്കുന്നു.
• അലങ്കോലമായ മുറികളിൽ സമയം ചെലവിടുന്നത് സമ്മർദ്ദം കൂട്ടുവാൻ കാരണമാകും. അതിനാൽ വൃത്തിയുള്ള മുറിയിൽ ഇരിക്കാൻ ശ്രദ്ധിക്കുക.

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക.

ചോക്ലേറ്റ് കുട്ടികളിലുണ്ടാക്കുന്ന പാർശ്വഫലങ്ങൾ... Read More