ലിന്‍ഷാസ് ഫാബ്രിക്സ് എന്ന അവരുടെ സ്റ്റാര്‍ട്ടപ്പ് മലപ്പുറം കേന്ദ്രീകരിച്ചാണ് പ്രവര്‍ത്തിക്കുന്നത്
 

സ്റ്റാര്‍ട്ടപ്പ് എന്നൊക്കെ കേള്‍ക്കുമ്പോള്‍ പലരുടെയും മനസ്സില്‍ ആദ്യം ഓടിയെത്തുക എക്‌സിക്യൂട്ടീവ് ലുക്കില്‍ വരുന്ന സുമുഖനായ ഒരു യുവാവ് അല്ലെങ്കില്‍ യുവതിയെ ആയിരിക്കും. എന്നാല്‍ ആശയം ഉണ്ടെങ്കില്‍ ആര്‍ക്കും സ്റ്റാര്‍ട്ടപ്പ് തുടങ്ങാമെന്ന് കാണിച്ചു തന്നിരിക്കുകയാണ് അന്‍പത് വയസ്സ് പ്രായം വരുന്ന രണ്ട് മധ്യ വയസ്‌ക്കര്‍. 

ആവശ്യക്കാര്‍ക്ക് ഇന്ധനം വീട്ടിലോ അല്ലെങ്കില്‍ അവരുടെ സ്ഥാപനങ്ങളിലോ എത്തിച്ചു നല്‍കുന്ന മൊബൈല്‍ യൂണിറ്റ് സൗകര്യമാണ് അഞ്ചു വര്‍ഷമായി മലപ്പുറത്ത് പെട്രോള്‍ പമ്പ് നടത്തിയിരുന്ന ഹൈദരലിയും ജപ്പാനില്‍ റിഫൈനറിയില്‍ ജോലി ചെയ്ത അനുഭവസമ്പത്തുമായി മലപ്പുറം സ്വദേശി കുഞ്ഞിമുഹമ്മദും ഒരുക്കിയിരിക്കുന്നത്. ലിന്‍ഷാസ് ഫാബ്രിക്സ് എന്ന അവരുടെ സ്റ്റാര്‍ട്ടപ്പ് മലപ്പുറം കേന്ദ്രീകരിച്ചാണ് പ്രവര്‍ത്തിക്കുന്നത്. 
 

സ്ത്രീകള്‍ക്ക് ഏറ്റവും ആവശ്യം ഫൈനാന്‍ഷ്യല്‍ ഫ്രീഡമാണ്-ഗീതു ശിവകുമാര്‍ ... Read More

പെട്രോള്‍ പമ്പില്‍ പോയി ഇന്ധനം നിറയ്ക്കുമ്പോള്‍ നമ്മള്‍ എങ്ങനെയാണോ ഇന്ധനത്തിന്റെ അളവും വിലയും അറിയുന്നത് അതുപോലെ തന്നെയുള്ള സംവിധാനമാണ് ഇവര്‍ ഒരുക്കിയിരിക്കുന്നത്.

അഡാപ്റ്റിബിലിറ്റിയാണ് ബിസിനസ് ചെയ്യുന്ന ഒരാളുടെ വിജയം: ഗീതു ശിവകുമാര്‍ ... Read More

അങ്ങനെ മാര്‍ച്ച് മാസത്തില്‍ ഒരു മിനി ലോറി വാങ്ങുകയും അത് ടാങ്കറായി മാറ്റുകയുമായിരുന്നു. അതിനായി 35 ലക്ഷത്തോളം രൂപ ചെലവ് വന്നു. വെറും ഒരു മാസത്തിനുള്ളില്‍ സംരംഭം വിജയിച്ചതോടെ 6 വാഹനങ്ങള്‍ കൂടി വാങ്ങി സേവനം വര്‍ധിപ്പിച്ചു. 4000 ലിറ്റര്‍ കാപ്പാസിറ്റിയുള്ള ചെറിയ വാഹനങ്ങളായതിനാല്‍ ഉള്‍പ്രദേശങ്ങളില്‍ കൂടി സേവനം എത്തിക്കാനാകുന്നുണ്ടെന്ന് അവര്‍ പറയുന്നു. ദൂരം കുറഞ്ഞ പ്രദേശങ്ങളില്‍ സാധാരണ ഡീലര്‍ കമ്മീഷന്‍ മാത്രമേ ഈടാക്കുന്നുള്ളൂ. എന്നാല്‍ ഉള്‍പ്രദേശങ്ങളിലേക്ക് എത്തിക്കാന്‍ ചെറിയൊരു കമ്മീഷന്‍ കൂടി ഈടാക്കേണ്ടി വരുന്നുണ്ടെന്ന് സംരംഭകര്‍ പറയുന്നു. സംരംഭം കേരളം മുഴുവന്‍ വ്യാപിപ്പിക്കാന്‍ ഇവര്‍ പദ്ധതിയിടുന്നുണ്ട്.