കൊച്ചി: സോണി ഇന്ത്യ വ്ളോഗ് ക്യാമറ ഇസഡ് വി സീരീസിലെ ഏറ്റവും പുതിയ രണ്ടാം തലമുറ ക്യാമറ ഇസഡ് വി-1 II പുറത്തിറക്കി. ഉപഭോക്താക്കൾ കൂടുതലായും ആവശ്യപ്പെട്ട വിപണിയിലെ മുൻനിര ഫീച്ചറുകളുമായാണ് അൾട്രാ വൈഡ് ആംഗിൾ സൂം വ്ളോഗിങ് ക്യാമറയായ ഇസഡ് വി-1 II ക്യാമറ അവതരിപ്പിച്ചിരിക്കുന്നത്. ഇസഡ് വി-1 നേക്കാൾ വിശാലമായ ആംഗിളിൽ ആകർഷകമായ ഫോട്ടോജെനിക് ഇമേജ് നിലവാരത്തോടെ കൂടുതൽ ആകർഷകമായ ഉള്ളടക്കങ്ങൾ സൃഷ്ടിക്കാൻ ഇസഡ് വി-1 II വ്ളോഗർമാരെ സഹായിക്കും.

1.0 ടൈപ്പ് എക്സ്മോർ ആർഎസ് ഇമേജ് സെൻസർ, ബിയോൻസ് എക്സ് ഇമേജ് പ്രോസസിങ് എഞ്ചിൻ, ഇസഡ്ഇഐഎസ്എസ് വേരിയോ-സോനാർ ടി 18-50എംഎം എഫ്1.84 ലെൻസ് എന്നിവ ഉപയോഗിച്ച് വിവിധ തലങ്ങളിലുള്ള ഉള്ളടക്കങ്ങൾ പകർത്താൻ ഇസഡ് വി-1 II ക്രിയേറ്റർമാരെ സഹായിക്കും. മുഴുവൻ സീനിനൊപ്പം ആകർഷകമായ ഫോട്ടോജെനിക് ഇമേജ് പകർത്തുന്നത് എളുപ്പമാക്കുന്നതാണ് 18എംഎം വൈഡ് ആംഗിൾ വ്യൂ ഫീച്ചർ. 18-50 എംഎം ഒപ്റ്റിക്കൽ സൂമും ക്ലിയർ ഇമേജ് സൂമും ചിത്രങ്ങളെ സുഗമമായി വലുപ്പത്തിലാക്കാനും സഹായകരമാവും.

ബൊക്കെ സ്വിച്ചുള്ള 1.0 ടൈപ്പ് സെൻസർ, സിനിമാറ്റിക് വ്ളോഗ് സെറ്റിങ്, ക്രിയേറ്റീവ് ലുക്ക്, ഫാസ്റ്റ് ഹൈബ്രിഡ് എഎഫ് സിസ്റ്റം, റിയൽടൈം ഐ എഎഫ്, ബിൽറ്റ്-ഇൻ മൈക്രോഫോൺ, ഫേസ് പ്രയോറിറ്റി എഇ, സോഫ്റ്റ് സ്കിൻ ഇഫക്റ്റ്, പ്രോഡക്ട് ഷോകേസ് സെറ്റിങ്, എസ്&ക്യൂ ഷൂട്ട് മോഡ്, ബിൽറ്റ്-ഇൻ എൻഡി ഫിൽട്ടർ തുടങ്ങിയ ഫീച്ചറുകളും ഇസഡ് വി-1 IIൽ ഉൾക്കൊള്ളിച്ചിട്ടുണ്ട്.

മൂല്യവർദ്ധിത സേവനങ്ങളുമായി സ്വർണവായ്പ വിതരണം ശക്തിപ്പെടുത്തി ഡിബിഎസ് ബാങ്ക്... Read More

2023 സെപ്റ്റംബർ 25 മുതൽ സോണി സെൻറർ, ആൽഫ ഫ്ളാഗ്ഷിപ്പ് സ്റ്റോറുകൾ, സോണി അംഗീകൃത ഡീലർമാർ, ഇ-കൊമേഴ്സ് വെബ്സൈറ്റുകൾ (ആമസോൺ, ഫ്ലിപ്കാർട്ട്) എന്നിവയിലും ഇന്ത്യയിലെ പ്രമുഖ ഇലക്ട്രോണിക് സ്റ്റോറുകളിലും ഇസഡ് വി-1 II വ്ളോഗ് ക്യാമറ ലഭ്യമാവും. 86,990 രൂപയാണ് വില.