- Trending Now:
Sections
Sections
ന്യൂഡല്‍ഹി: ഒരു ലക്ഷത്തിലധികം അപ്രന്റീസുകളെ നിയമിക്കുന്നതിന് പിന്തുണ നല്‍കുന്നതിനും തൊഴിലുടമകളെ സഹായിക്കുന്നതിനുമായി സ്‌കില്‍ ഇന്ത്യ ഏപ്രില്‍ 21 ന് രാജ്യത്തുടനീളം 700 ലധികം സ്ഥലങ്ങളില്‍ ഒരു ദിവസം നീണ്ടുനില്‍ക്കുന്ന 'അപ്രന്റീസ്ഷിപ്പ് മേള' സംഘടിപ്പിക്കുന്നു.
പവര്‍, റീട്ടെയില്‍, ടെലികോം, ഐടി/ഐടിഇഎസ്, ഇലക്ട്രോണിക്സ്, ഓട്ടോമോട്ടീവ് തുടങ്ങി 30-ലധികം മേഖലകളില്‍ പ്രവര്‍ത്തിക്കുന്ന, രാജ്യത്തുടനീളമുള്ള 4000-ലധികം കമ്പനികള്‍ ഈ മെഗാ ഇവന്റില്‍ പങ്കെടുക്കും.
രാജ്യത്തുടനീളം സ്‌കില്‍ ഹബുകള്‍ സ്ഥാപിക്കാനൊരുങ്ങി കേന്ദ്രസര്‍ക്കാര്‍... Read More
കൂടാതെ, വെല്‍ഡര്‍, ഇലക്ട്രീഷ്യന്‍, ഹൗസ്‌കീപ്പര്‍, ബ്യൂട്ടീഷ്യന്‍, മെക്കാനിക്ക് തുടങ്ങി 500-ലധികം ട്രേഡുകളില്‍ ഏര്‍പ്പെടാനും തിരഞ്ഞെടുക്കാനും ആഗ്രഹിക്കുന്ന യുവതി-യുവാക്കള്‍ക്ക് അവസരമുണ്ട്. നൈപുണ്യ വികസന-സംരംഭകത്വ മന്ത്രാലയവും രാജ്യത്തെ സംരംഭങ്ങള്‍ നിയമിക്കുന്ന അപ്രന്റീസുകളുടെ എണ്ണം വര്‍ദ്ധിപ്പിക്കുന്നതിന് നിരവധി ശ്രമങ്ങള്‍ നടത്തിയിട്ടുണ്ട്.
നൈപുണ്യമുള്ള തൊഴിലാളികളുടെ വിതരണത്തിലും ഡിമാന്‍ഡിലുമുള്ള വിടവ് നികത്തുകയും തൊഴില്‍ പരിശീലനത്തിലൂടെയും മികച്ച തൊഴിലവസരങ്ങള്‍ ഉറപ്പാക്കുകയും ചെയ്യുന്നതിലൂടെ ഇന്ത്യന്‍ യുവാക്കളുടെ അഭിലാഷങ്ങള്‍ നിറവേറ്റുക എന്നതാണ് ലക്ഷ്യം. അഞ്ചാം ക്ലാസെങ്കിലും പാസായവര്‍, 12-ാം ക്ലാസില്‍ വിജയം നേടിയവര്‍, നൈപുണ്യ പരിശീലന സര്‍ട്ടിഫിക്കറ്റ് ഉള്ളവര്‍, ഐടിഐ വിദ്യാര്‍ഥികള്‍, ഡിപ്ലോമയുള്ളവര്‍, ബിരുദധാരികള്‍ എന്നിവര്‍ക്ക് അപ്രന്റീസ്ഷിപ്പ് മേളയില്‍ അപേക്ഷിക്കാന്‍ അര്‍ഹതയുണ്ട്.
പുസ്തകങ്ങളിലും ക്ലാസുകളിലും പഠിക്കേണ്ടതല്ലെ സംരംഭകത്വം ???
... Read More
സാധ്യതയുള്ള അപേക്ഷകര്‍ക്ക് അപ്രന്റീസ്ഷിപ്പ് മേളയില്‍ പങ്കെടുക്കുന്നതിലൂടെ നിരവധി ആനുകൂല്യങ്ങള്‍ ലഭിക്കും. അവര്‍ക്ക് സ്‌പോട്ട് ഓഫര്‍ ചെയ്യുന്ന അപ്രന്റീസ്ഷിപ്പുകള്‍ നേടാനും നേരിട്ട് വ്യവസായ എക്‌സ്‌പോഷര്‍ ലഭിക്കാനുമുള്ള വലിയ അവസരമുണ്ട്. തുടര്‍ന്ന്, പുതിയ കഴിവുകള്‍ വികസിപ്പിക്കുന്നതിനുള്ള സര്‍ക്കാര്‍ മാനദണ്ഡങ്ങള്‍ക്കനുസൃതമായി അവര്‍ക്ക് പ്രതിമാസ സ്‌റ്റൈപ്പന്റ് ലഭിക്കും . ഉദ്യോഗാര്‍ത്ഥികള്‍ക്ക് നാഷണല്‍ കൗണ്‍സില്‍ ഫോര്‍ വൊക്കേഷണല്‍ എജ്യുക്കേഷന്‍ ആന്‍ഡ് ട്രെയിനിംഗ് (NCVET) അംഗീകരിച്ച സര്‍ട്ടിഫിക്കറ്റുകള്‍ ലഭിക്കും, പരിശീലനത്തിന് ശേഷം അവരുടെ തൊഴില്‍ സാധ്യത വര്‍ദ്ധിപ്പിക്കുന്നു.
കേരളത്തിലെ കേന്ദ്രങ്ങളും കൂടുതല്‍ വിവരങ്ങള്‍ക്കും https://www.dgt.gov.in/appmelaapril22/ എന്ന ലിങ്ക് പരിശോധിക്കുക
The Local Economy is an online business news portal based in Kerala. International, national and local news related to business will reach the.
More..
ThelocalEconomy.in Copyright (c) 2024. All Rights Reserved.
.png)
.png)
.png)
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.