കൂലി മുഴുവന്‍ നല്‍കാത്ത മുതലാളിയുടെ ബെന്‍സ് കാര്‍ യുവാവ് കത്തിച്ചു

മെഴ്‌സിഡസിന്റെ ഉടമയുടെ വീട്ടില്‍ യുവാവ് ടൈല്‍സ് പണിക്കായി എത്തിയിരുന്നു. പണി പൂര്‍ത്തിയായക്കിയെങ്കിലും ഇയാള്‍ക്ക് മുതലാളി പണം മുഴുവന്‍ നല്‍കിയിരുന്നില്ല. ജോലി ചെയ്തതിന്റെ കൂലി മുഴുവന്‍ നല്‍കാത്ത മുതലാളിയുടെ ബെന്‍സ് കാര്‍ യുവാവ് കത്തിച്ചു. ഉത്തര്‍പ്രദേശ് നോയിഡയിലെ ഗൗതം ബുദ്ധ നഗറിലാണ് സംഭവം. സംഭവത്തിന്റെ സിസിടിവി ദൃശ്യം സോഷ്യല്‍ മീഡിയയില്‍ വൈറലാണ്. പെട്രോള്‍ ഒഴിച്ച ശേഷം കാറിന് തീയിട്ട യുവാവ് ഓടി രക്ഷപ്പെടുന്നതിന്റെ ദൃശ്യവും സിസിടിവിയില്‍ വ്യക്തമാണ്. സംഭവത്തിന്റെ മുഴുവന്‍ ദൃശ്യങ്ങളും സിസിടിവി ക്യാമറയില്‍ പതിഞ്ഞിട്ടുണ്ട്. 

27 വര്‍ഷത്തിന് ശേഷം മൈക്രോസോഫ്റ്റ് ഇന്റര്‍നെറ്റ് എക്‌സ്‌പ്ലോറര്‍ അടച്ചുപൂട്ടുന്നു;... Read More

മെഴ്‌സിഡസിന്റെ ഉടമയുടെ വീട്ടില്‍ യുവാവ് ടൈല്‍സ് പണിക്കായി എത്തിയിരുന്നു. പണി പൂര്‍ത്തിയായക്കിയെങ്കിലും ഇയാള്‍ക്ക് മുതലാളി പണം മുഴുവന്‍ നല്‍കിയിരുന്നില്ല. കൂലിയുമായി ബന്ധപ്പെട്ട് ഒരുപാട് തവണ മുതലാളിയുമായി സംസാരിച്ചെങ്കിലും ഫലമുണ്ടായില്ല.തുടര്‍ന്ന് യുവാവ് ബെന്‍സ് കാര്‍ കത്തിക്കുകയായിരുന്നുവെന്നാണ് റിപ്പോര്‍ട്ട്. ബൈക്കില്‍ എത്തിയ യുവാവ് റോഡരികില്‍ നിര്‍ത്തിയിട്ടിരുന്ന കാറില്‍ പെട്രോള്‍ ഒഴിച്ച് തീ കൊളുത്തുന്നകയായിരുന്നു.

ടെസ്ലയുടെ ഡ്രൈവറില്ലാ കാര്‍ ഈ വര്‍ഷം... Read More

കാറില്‍ തീ പടര്‍ന്ന് പിടിച്ചതിന് പിന്നാലെ ഇയാള്‍ ബൈക്കില്‍ കയറി സ്ഥലത്ത് നിന്ന് രക്ഷപ്പെടുന്നതും സിസിടിവി ദൃശ്യങ്ങളിലുണ്ട്. സംഭവത്തില്‍ കേസെടുത്ത പോലീസ് സിസിടിവി ദൃശ്യങ്ങള്‍ പരിശോധിച്ചാണ് പ്രതിയെ തിരിച്ചറിഞ്ഞത്. ഇയാളുടെ അറസ്റ്റ് രേഖപ്പെടുത്തിയിട്ടുണ്ട്. കേസില്‍ വിശദമായ അന്വേഷണം തുടരുകയാണെന്ന് പോലീസ് അറിയിച്ചു. പ്രതിയുടെ പേര് വിവരങ്ങള്‍ പുറത്തുവിട്ടിട്ടില്ല. സംഭവത്തെ അനുകൂലിച്ചും പ്രതികൂലിച്ചും സോഷ്യല്‍ മീഡിയയില്‍ ചര്‍ച്ച നടക്കുന്നുണ്ട്.