ചെറിയ തോതിലുള്ള ബിസിനസ് ആരംഭിക്കാന്‍ കുറഞ്ഞ മുതല്‍മുടക്ക് മതി. ചെറിയ മെഷിനറികള്‍ അടക്കം ആകെ ഒരുലക്ഷം രൂപ മുതല്‍ ഒന്നര ലക്ഷം രൂപ വരെയുണ്ടെങ്കില്‍ ഈ ബിസിനസ് തുടങ്ങാം

ദൈന്യദിന ജീവിതത്തില്‍ നമുക്ക് ഒഴിവാക്കാന്‍ സാധിക്കാത്ത ഒരു വസ്തുവാണ് ഉപ്പ്.ഇതില്ലാതെ ഒരു ദിവസം പോലും നമുക്ക് ആലോചിക്കാന്‍ സാധ്യമല്ല.ഉപ്പ് ഉപയോഗിക്കാത്ത മനുഷ്യരില്ലെന്ന് തന്നെ വേണം പറയാന്‍. പഞ്ചസാര വേണ്ടെന്ന് വെച്ചാലും, ഉപ്പില്ലാത്ത ഭക്ഷണം കഴിക്കാന്‍ ആരും തയ്യാറാവില്ല. ഭക്ഷ്യാ ആവശ്യങ്ങള്‍ക്ക് പുറമെ രാസ മേഖലകളിലെ പ്രവര്‍ത്തനത്തിനും ഉപ്പ് പ്രധാന അസംസ്‌കൃത വസ്തുവാണ്. അതുകൊണ്ട് തന്നെ ഉപ്പ് വ്യവസായങ്ങളും സംരംഭങ്ങളുമൊക്കെ എന്നും നിലനില്‍ക്കുന്നവയാണ്. കടലോര മേഖലകള്‍ കൂടുതലുള്ള കേരളത്തില്‍ ഒരു ഉപ്പ് നിര്‍മാണ സംരംഭത്തിന്റെ സാധ്യതകള്‍ കൂടുതലാണ്.  അതുകൊണ്ട്  ഉപ്പ് ബിസിനസ് ലാഭകരമായി ചെയ്യാന്‍ സാധിക്കുന്ന ഒരു ബിസിനസ്സാണ്.  ചെറിയതോതിലും ഭാവിയില്‍ വ്യാവസായിക അടിസ്ഥാനത്തിലും വികസിപ്പിക്കാവുന്ന ബിസിനസ്സാണിത്.

കല്യാണം കഴിഞ്ഞു വെറുതെ ഇരിക്കാൻ തോന്നിയില്ല, വീട്ടിലിരുന്ന് വരുമാനം നേടാൻ എന്റെ ഇഷ്ടം ബിസിനസാക്കി മാറ്റി; സന്തോഷത്തോടെ ബിസിനസ്‌ ചെയ്ത് നിവ്യ... Read More

വളരെ ലളിതമായ ഒരു പ്രക്രിയകള്‍ മാത്രമേ അയോഡൈസ്ഡ് ഉപ്പ് ഉല്‍പ്പാദനത്തിന് ആവശ്യമുള്ളൂ.വിലാസം തെളിയിക്കുന്ന സര്‍ട്ടിഫിക്കറ്റ്, റേഷന്‍കാര്‍ഡ്, വൈദ്യുതി ബില്‍, ബാങ്ക് അക്കൗണ്ടും പാസ്ബുക്കും,  ഫോട്ടോ ഇമെയില്‍-ഐഡി, ഫോണ്‍ നമ്പര്‍, പാന്‍ കാര്‍ഡ്, ആധാര്‍ കാര്‍ഡ്, വോട്ടര്‍ ഐഡി കാര്‍ഡ്, എന്നിവയെല്ലാം ഉപ്പ് മൊത്തവ്യാപാരത്തിന് ആവശ്യമായ രേഖകളാണ്.

ഫാന്റസി സ്‌പോര്‍ട്‌സ് ഹബ്ബായി ഇന്ത്യ;6000 കോടിയുടെ ബിസിനസ്‌ ... Read More

മാലിന്യം എന്നു പറഞ്ഞ് പുഛിക്കല്ലേ...ഇതുപോലെ ലാഭം ഉറപ്പായ ബിസിനസ് വേറെയില്ല... Read More

ബിസിനസിലേക്ക്

വാണിജ്യരീതിയില്‍ ചെയ്യുന്നതിന് മുന്‍പ് വ്യവസ്ഥകളെയും ലൈസന്‍സുകളെയും കുറിച്ച് വിശദമായി അറിയാന്‍ ആദ്യം നിങ്ങളുടെ സംസ്ഥാന, പ്രാദേശിക റവന്യൂ വകുപ്പുകളുമായി ബന്ധപ്പെടുക. ഉപ്പ് മിക്സുകളും, ഉപ്പ് ഉല്‍പന്നങ്ങളും, പാക്കിങ്ങിനും ആവശ്യമായ സൗകര്യങ്ങള്‍ എന്താണെന്ന് പ്രാദേശികതലത്തിലുള്ള ആരോഗ്യ ഏജന്‍സിയുമായി ബന്ധപ്പെടുകയും അന്വേഷിക്കുകയും ചെയ്യുന്നത് നല്ലതാണ്.

ബിസിനസ് പ്രൊജക്ട് റിപ്പോര്‍ട്ടില്‍ വേണ്ട പ്രധാന വിവരങ്ങള്‍ എന്തൊക്കെയാണ്?  ... Read More

വൃത്തിയുള്ളതും ലൈസന്‍സുള്ളതുമായ ഒരു സാനിറ്ററി സൗകര്യം ആവശ്യമാണ്.  ആളുകളെ ജോലിക്കെടുക്കാന്‍ താല്‍പ്പര്യമുണ്ടെങ്കില്‍, ഐ.ആര്‍.എസുമായും, സംസ്ഥാന തൊഴില്‍, വ്യവസായ വകുപ്പുമായും തൊഴില്‍ സുരക്ഷാ ഏജന്‍സിയുമായും ബന്ധപ്പെടാം.
1987 ബി.ഐ.എസ് മാനദണ്ഡങ്ങള്‍ അനുസരിച്ച്, 30 പി.പി.എം അയോഡിന്‍ ലഭിക്കുന്നതിന്, 50 പി.പി.എം പൊട്ടാസ്യം അയോഡേറ്റ് ചേര്‍ക്കേണ്ടതുണ്ട്. അതിനാല്‍, പ്രധാന അസംസ്‌കൃത വസ്തുവായി നിങ്ങള്‍ക്ക് ഭക്ഷ്യ ഗ്രേഡ് ഉപ്പ് ആവശ്യമാണ്. കൂടാതെ, നിങ്ങള്‍ക്ക് സാങ്കേതിക ഗ്രേഡ് പൊട്ടാസ്യം അയോഡേറ്റ് 40, 25 ppm ആവശ്യമാണ്. അവസാനമായി, ബള്‍ക്ക് പാക്കേജിംഗിനായി പോളിത്തീന്‍ പൗച്ച് ബാഗുകളും, പുറം കാര്‍ഡ്ബോര്‍ഡ് കാര്‍ട്ടണുകളും പോലുള്ള വസ്തുക്കള്‍ ആവശ്യമാണ്.

എല്ലാവര്‍ക്കും പ്രാവര്‍ത്തികമാക്കാവുന്ന ചെറുകിട ബിസിനസ് ആശയമിതാ... Read More

വിപണനം 

നിങ്ങളുടെ ഉല്‍പ്പന്നങ്ങള്‍ക്കായി ലേബലുകളും പാക്കേജിംഗും വികസിപ്പിക്കുന്നത് പ്രയോജനകരമായിരിക്കും. ഇത് നിങ്ങളുടെ ഉല്‍പ്പന്നത്തിന്റെ വിലയെ തീര്‍ച്ചയായും സ്വധീനിക്കും. പ്ലാസ്റ്റിക് ബാഗുകള്‍ ഉപയോഗിക്കുന്നതാണ് നല്ലത്. കാരണം അവ വിലകുറഞ്ഞതും ഉല്‍പ്പന്നം പുറത്തുകാണിക്കാന്‍ എളുപ്പവുമാണ്. ഉല്‍പ്പന്നം സൂക്ഷ്മമായി പരിശോധിക്കാന്‍ ഉപഭോക്താക്കളെ പ്രേരിപ്പിക്കുന്ന ആകര്‍ഷകമായ ലേബല്‍ ഉള്‍പ്പെടുത്തുന്നത് ഉറപ്പാക്കുക.

സാധനങ്ങള്‍ ശ്രദ്ധിക്കപ്പെടുന്നതിനായി .റസ്റ്റോറന്റുകള്‍, വീട്ടമ്മമാര്‍ എന്നിവരെ ഇതിനായി ഉപയോഗപ്പെടുത്താം. പ്രാദേശിക റീട്ടെയില്‍ വിപണിക്കൊപ്പം, ഇ-കൊമേഴ്‌സ്, രാജ്യാന്തര വിപണികളും ഉപയോഗപ്പെടുത്താം. വന്‍കിട കമ്പനികളുമായി കരാറിലെത്തുന്നതും വരുമാനം വര്‍ദ്ധിപ്പിക്കും.