വെറ്റിനറി സർജൻ നിയമനം; കൂടിക്കാഴ്ച്ച ഡിസംബർ മൂന്നിന്

മൃഗസംരക്ഷണ വകുപ്പ് ജില്ലയിൽ ബ്ലോക്കടിസ്ഥാനത്തിൽ നടപ്പിലാക്കിയ വീട്ടുപടിക്കൽ രാത്രികാല മൃഗചികിത്സാ സേവനം പ്രവർത്തനത്തിനായി വെറ്റിനറി സർജൻ തസ്തികയിലേക്ക് കരാർ അടിസ്ഥാനത്തിൽ 89 ദിവസത്തേക്ക് താൽക്കാലിക നിയമനം നടത്തുന്നു. മഞ്ചേശ്വരം, കാസർകോട്, പരപ്പ, കാഞ്ഞങ്ങാട്, ബ്ലോക്കിലാണ് നിയമനം. വേറ്റിനറി സയൻസിൽ ബിരുദവും കേരള വെറ്റിനറി കൗൺസിൽ രജിസ്ട്രേഷനുമാണ് യോഗ്യത. കൂടിക്കാഴ്ച്ച ഡിസംബർ 3 ന് രാവിലെ 11 ന് ജില്ലാ മൃഗസംരക്ഷണ ഓഫീസിൽ നടക്കും. ഫോൺ 04994 255483.

ക്ലർക്ക് ഒഴിവ്

മലമ്പുഴ ഉദ്യാനത്തിൽ ഡി.ടി.പി.സി യുമായി ബന്ധപ്പെട്ട എല്ലാ പ്രവർത്തനങ്ങളും സുഗമമായി നടത്തുന്നതിന് ഹെഡ് വർക്സ് സബ് ഡിവിഷൻ മലമ്പുഴ കാര്യാലയത്തിലേക്ക് ക്ലർക്കിനെ ആവശ്യമുണ്ട്. ഉദ്യോഗാർഥികൾ ബിരുദധാരികളും, മലയാളം, ഇംഗ്ലീഷ് കമ്പ്യൂട്ടർ ടൈപ്പിങ് പരിജ്ഞാനമുള്ള 35 വയസ്സിൽ കവിയാത്ത പ്രായമുള്ളവരും ആയിരിക്കണം. മലമ്പുഴ,അകത്തേത്തറ, പുതുപ്പരിയാരം ഗ്രാമപഞ്ചായത്തുകളുടെ പരിധിയിലുള്ള ഉദ്യോഗാർഥികളെയാണ് പരിഗണിക്കുന്നത്. ഒരു വർഷത്തെ കരാറടിസ്ഥാനത്തിൽ പ്രതിമാസം 21,175- രൂപ വേതനത്തിലാണ് നിയമനം. അപേക്ഷയും ബയോഡാറ്റയും യോഗ്യത സർട്ടിഫിക്കറ്റുകളുടെ പകർപ്പും eemalampuzhadivision@gmail.com എന്ന വിലാസത്തിൽ നവംബർ 30 ന് വൈകിട്ട് അഞ്ച് മണിക്കുള്ളിൽ നൽകേണ്ടതാണെന്ന് എക്സിക്യൂട്ടീവ് എൻജിനീയർ അറിയിച്ചു.

ഗസ്റ്റ് ഫാക്കൽറ്റി നിയമനം

ഐ.എച്ച്.ആർ.ഡി.യുടെ കീഴിൽലുള്ള പാലക്കാട് ജില്ലയിലെ കോളേജ് ഓഫ് അപ്ലൈഡ് സയൻസ് അയിലൂരിൽ ഇംഗ്ലീഷ് ഗസ്റ്റ് ഫാക്കൽറ്റി നിയമനത്തിനായി അപേക്ഷ ക്ഷണിച്ചു. 55 ശതമാനം മാർക്കോ തത്തുല്യമായ ഗ്രേഡോടു കൂടിയ ബിരുദാനന്തര ബിരുദവും യുജിസി നെറ്റ്/ പിഎച്ച്ഡി യുമാണ് യോഗ്യത. നവംബർ 30 ന് രാവിലെ 10 ന് അഭിമുഖം നടക്കും. ഉദ്യോഗാർത്ഥികൾ യോഗ്യത തെളിയിക്കുന്ന സർട്ടിഫിക്കറ്റുകളുടെ അസ്സലും രണ്ടു ശരി പകർപ്പുകളും സഹിതം ഓഫീസിൽ നേരിട്ട് ഹാജരാക്കണം. ഫോൺ: 04923 241766, 8547005029.

ഹോസ്റ്റൽ വനിതാഗാർഡ് ഒഴിവ്

ഇടപ്പള്ളി ബ്ലോക്ക് പഞ്ചായത്തിന്റെ എസ്സി വർക്കിംഗ് വിമൻസ് ഹോസ്റ്റലിലെ രാത്രികാല ഷിഫ്റ്റിലേക്ക് 40 നും 50 നും മധ്യേ പ്രായമുള്ള എസ്എസ്എൽസി പാസായ പരിചയ സമ്പന്നരായ വനിതാ ഗാർഡിനെ ആവശ്യമുണ്ട്. അപേക്ഷകൾ വയസ് തെളിയിക്കുന്ന സർട്ടിഫിക്കറ്റുകൾ സഹിതം ഡിസംബർ 10 നുള്ളിൽ തപാൽ മുഖേനയോ bdoeda@gmail.com മെയിൽ മുഖാന്തിരമോ ലഭിച്ചിരിക്കണം. വിലാസം -സെക്രട്ടറി, ഇടപ്പള്ളി ബ്ലോക്ക് പഞ്ചായത്ത്, കുസുമഗിരി പി.ഒ., കാക്കനാട് പിൻ - 682030, എറണാകുളം.

തൊഴിൽ വാർത്ത അപ്ഡേറ്റുകൾ ദിവസവും മുടങ്ങാതെ ലഭിക്കുവാൻ ഞങ്ങളുടെ വാട്ട്സാപ്പ് ഗ്രൂപ്പിൽ https://chat.whatsapp.com/IZAO7EDaYvsFNyyudtePy6 ഈ ലിങ്കിലൂടെജോയിൻ ചെയ്യുകയോ 8086441054 എന്ന നമ്പറിലേക്ക് വാട്ട്സാപ്പിൽ മെസേജ് അയക്കുകയോ ചെയ്യുക.