ഒരു അഡ്ജുഡിക്കേഷൻ കമ്മിറ്റി ലംഘനങ്ങൾ വിലയിരുത്തുകയും പിഴയുടെ അളവ് നിർണ്ണയിക്കുകയും ചെയ്യുന്നു

വിവിധ നിയമ ലംഘനങ്ങൾ ചൂണ്ടിക്കാട്ടി റിസർവ് ബാങ്ക് ഓഫ് ഇന്ത്യ നാല് സഹകരണ ബാങ്കുകൾക്ക് പണ പിഴ ചുമത്തി. രാജ്കോട്ടിലെ സഹകരണ ബാങ്ക്, തെലങ്കാന സ്റ്റേറ്റ് കോഓപ്പറേറ്റീവ് അപെക്സ് ബാങ്ക് ലിമിറ്റഡ്, ബിഹാർ സ്റ്റേറ്റ് കോഓപ്പറേറ്റീവ് ബാങ്ക് ലിമിറ്റഡ്, ജോവായ് കോഓപ്പറേറ്റീവ് അർബൻ ബാങ്ക് ലിമിറ്റഡ് എന്നിവയാണ് പിഴ അടയ്ക്കേണ്ട ബാങ്കുകൾ. 

അനധികൃത ഇടപാടുകൾ റിപ്പോർട്ട് ചെയ്യാതിരിക്കുന്നതുൾപ്പെടെയുള്ള മാനദണ്ഡങ്ങൾ ലംഘിച്ചതിന് രാജ്കോട്ട് ബാങ്കിന്  10 ലക്ഷം രൂപ പിഴ ചുമത്തി. പണം ട്രാൻസ്ഫർ ചെയ്യുന്നതിൽ പരാജയപ്പെട്ടതിന് രണ്ട് ലക്ഷം രൂപ തെലങ്കാന സ്റ്റേറ്റ് കോപ്പ് ബാങ്കിന് പിഴ ചുമത്തി.  ബിഹാർ സ്റ്റേറ്റ് കോഓപ്പറേറ്റീവ് ബാങ്കിന്  60 ലക്ഷം രൂപ പിഴ ചുമത്തി. ജോവായ് സഹകരണ ബാങ്കിന് ഇന്റർ-ബാങ്ക് എക്സ്പോഷർ പരിധി ലംഘിച്ചതിനും അതിന്റെ അക്കൗണ്ടുകളുടെ അപകടസാധ്യത വർഗ്ഗീകരണത്തിന്റെ ആനുകാലിക അവലോകനം നടത്തുന്നതിൽ പരാജയപ്പെട്ടതിനും ആർബിഐ 6 ലക്ഷം രൂപ പിഴ ചുമത്തി.

ആശ്വാസം വാർത്ത; ആധാർ കാർഡ് പുതുക്കൽ സമയപരിധി നീട്ടി ... Read More

എൻഫോഴ്സ്മെന്റ് വകുപ്പാണ് ആർബിഐയുടെ എൻഫോഴ്സ്മെന്റ് പ്രവർത്തനങ്ങൾക്ക് ചുക്കാൻ പിടിക്കുന്നത്.  2017 ഏപ്രിലിൽ ആർബിഐയുടെ ഇഎഫ്ഡി രൂപീകരിച്ചു. പരിശോധനാ റിപ്പോർട്ടുകൾ, അപകടസാധ്യത വിലയിരുത്തൽ റിപ്പോർട്ടുകൾ, സൂക്ഷ്മപരിശോധനാ റിപ്പോർട്ടുകൾ എന്നിവയിൽ നിന്ന് നടപടിയെടുക്കാവുന്ന ലംഘനങ്ങൾ ഇഎഫ്ഡി  തിരിച്ചറിയുന്നു, മാർക്കറ്റ് ഇന്റലിജൻസ് റിപ്പോർട്ടുകൾ, ഉന്നത മാനേജ്മെന്റിൽ നിന്നുള്ള റഫറൻസുകൾ, പരാതികൾ എന്നിവയും അന്വേഷണത്തിനായി ഉപയോഗിക്കുന്നു.

ഒരു അഡ്ജുഡിക്കേഷൻ കമ്മിറ്റി ലംഘനങ്ങൾ വിലയിരുത്തുകയും പിഴയുടെ അളവ് നിർണ്ണയിക്കുകയും ചെയ്യുന്നു. ഇങ്ങനെ ചുമത്തിയ പിഴ ആർബിഐ ഒരു പ്രസ് റിലീസിന്റെ രൂപത്തിലും നിയന്ത്രിത സ്ഥാപനം വെളിപ്പെടുത്തൽ മാനദണ്ഡങ്ങൾക്കനുസൃതമായും വെളിപ്പെടുത്തും. നിയന്ത്രിത സ്ഥാപനം ഒരു നിശ്ചിത കാലയളവിനുള്ളിൽ പിഴ അടയ്ക്കേണ്ടതുണ്ട്