തലമുടി മുതൽ പേശികൾ വരെയുള്ളവയുടെ ആരോഗ്യത്തിന് പരമ പ്രധാനമാണ് പ്രോട്ടീൻ. എന്നാൽ പലപ്പോഴും ഭക്ഷണശീലത്തിലെ പാളിച്ചകൾ കൊണ്ട് ഒരു വ്യക്തിക്ക് ദിവസവും ആവശ്യമായ പ്രോട്ടീൻ ലഭിക്കാറില്ല. ഇത് മസ്തിഷ്കം ഉൾപ്പടെയുള്ള ശരീരത്തിൻറെ പ്രവർത്തനങ്ങളെ ബാധിക്കും. പ്രോട്ടീൻ ആവശ്യത്തിന് ലഭ്യമല്ലാതെ വരുമ്പോൾ ശരീരം പലതരത്തിൽ നമ്മളെ അക്കാര്യം അറിയിക്കാൻ ശ്രമിക്കാറുണ്ട്. എന്നാൽ ഈ സൂചനകൾ പലപ്പോഴും നമുക്ക് തിരിച്ചറിയാൻ സാധിക്കാറില്ല. പ്രോട്ടീൻ ആവശ്യത്തിന് ശരീരത്തിലില്ലെങ്കിൽ ശരീരം കാണിക്കുന്ന ലക്ഷണങ്ങൾ ഇവയാണ്.

മധുരത്തോടുള്ള ആസക്തി

പ്രോട്ടീൻ കുറയുമ്പോൾ രക്തത്തിലെ പഞ്ചസാരയുടെ അളവും കുറയും. ഇതാണ് മധുരമുള്ള ഭക്ഷണം കഴിക്കാൻ നമ്മളെ പ്രേരിപ്പിക്കുന്നതിന് പിന്നിലെ രഹസ്യം. എന്നാൽ മധുരം അടങ്ങിയ ഭക്ഷണം എത്ര കഴിച്ചാലും ഈ കൊതി മാറില്ല. കാരണം ശരീരത്തിനാവശ്യം മധുരമല്ല പ്രോട്ടീനാണ് എന്നത് തന്നെ. ശ്രദ്ധിച്ചില്ലെങ്കിൽ മധുരം അധികം കഴിക്കുന്നതിൻറെ ആരോഗ്യപ്രശ്നങ്ങൾ കൂടി ലഭിക്കും.

പേശി, സന്ധിവേദന

ഇവയ്ക്കും പ്രോട്ടീൻ കുറവ് കാരണമാകും. സന്ധികളിൽ ഉള്ള സിനോവിയൽ ഫ്ലൂയിഡ് പ്രധാനമായും പ്രോട്ടീൻ നിർമിതമാണ്. ഇതാണ് സന്ധികളിൽ ഈർപ്പം നൽകി വേദനയൊഴിവാക്കുന്നത്. പ്രോട്ടീന്റെ കുറവ് ഈ ഫ്ളൂയിഡിന്റെ അഭാവത്തിന് കാരണമാകും. ഫലം സന്ധിവേദന.

ക്ഷീണം

പ്രോട്ടീൻ കുറവ് രക്തത്തിലെ പഞ്ചസാര കുറയ്ക്കുമെന്ന് നേരത്തെ പറഞ്ഞിരുന്നല്ലോ. ഇത് മറ്റ് ചില പ്രത്യാഘാതങ്ങൾ കൂടി ശരീരത്തിലുണ്ടാക്കും-തളർച്ചയും ക്ഷീണവും അനുഭവപ്പെടും. അതിനാൽ ഉത്സാഹക്കുറവ് തോന്നുന്നതും ചിലപ്പോൾ പ്രോട്ടീൻ കുറവിൻറെ ലക്ഷണമായേക്കാം.

ഉറക്കക്കുറവ്

ഉറക്കകുറവും ഉറക്കത്തിനിടയിൽ ഉണരുന്നതുമെല്ലാം പ്രോട്ടീൻ കുറവിൻറെ മറ്റു ചില ലക്ഷണങ്ങളാണ്.

പരിഹാരം

• ഒന്ന് ശ്രദ്ധിച്ചാൽ ഭക്ഷണത്തിലൂടെ തന്നെ ഈ കുറവുകൾ മാറ്റാവുന്നതെ ഉള്ളു.ഒരു ശരാശരി പുരുഷന് ഒരു ദിവസം വേണ്ടത് 56-60 ഗ്രാം വരെ പ്രോട്ടീനാണ്. സ്ത്രീക്ക് 48- 52 ഗ്രാം വരെയും.
• നോൺ വെജിറ്റേറിയൻ ശീലമുള്ളവരാണെങ്കിൽ ഏറ്റവും എളുപ്പമാർഗ്ഗമാണ് മാംസം കഴിക്കുക എന്നുള്ളത്.
• 100 ഗ്രാം മാംസത്തിൽ 28 ഗ്രാം പ്രോട്ടീൻ അടങ്ങിയിരിക്കും. ചിക്കനിൽ ഇത് 29 ഗ്രാമാണ്.
• മുട്ടയും പ്രോട്ടീൻ ഉള്ളിലെത്താൻ നല്ല ഭക്ഷണമാണ്. ഒരു മുട്ടയിൽ എഴു ഗ്രാം വരെ പ്രോട്ടീൻ ഉണ്ടാകും. പക്ഷെ മുട്ട മാത്രം കഴിച്ച് ഒരു ദിവസത്തെ പ്രോട്ടീൻ തികയ്ക്കാൻ കഴിയില്ല.
• ചോറിൽ 100 ഗ്രാമിൽ രണ്ട് ഗ്രാം മാത്രവും ഗോതമ്പിൽ 10 ഗ്രാമുമാണ് പ്രോട്ടീൻ അടങ്ങിയിരിക്കുന്നത് എന്നതിനാൽ ഇവ കൊണ്ടും ഒരു ദിവസത്തെ പ്രോട്ടീൻ തികക്കാനാകില്ല.
• പ്രോട്ടീന് ഏറ്റവും മികച്ച ധാന്യം കിഡ്നി ബീൻസ് ആണ്. 100 ഗ്രാമിൽ 24 ഗ്രാം പ്രോട്ടീനാണ് അടങ്ങിയിരിക്കുന്നത്. അതായത് ഏതാണ്ട് റെഡ് മീറ്റിന് തുല്യം.
• പനീറാണ് മറ്റൊരു വഴി. 100 ഗ്രാമിൽ 19 ഗ്രാം പ്രോട്ടീൻ ലഭിക്കും.
• നിലക്കടലയും പ്രോട്ടീൻ ഉള്ളിലെത്താൻ മികച്ച ഭക്ഷണമാണ്.26 ഗ്രാം പ്രോട്ടീനാണ് നിലക്കടലയിൽ ഉള്ളത്. എന്നാൽ നിലക്കടലയിൽ കൊഴുപ്പിൻറെ അംശം കൂടുതലായിരിക്കും.
• ഒരു ഗ്ലാസ് പാലിലും ഏതാണ്ട് 14 ഗ്രാം പ്രോട്ടീൻ അടങ്ങിയിട്ടുണ്ട്.

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക.

ആരോഗ്യഗുണങ്ങളാൽ സമ്പന്നമായ യോഗർട്ട്... Read More