കോഴിവളര്‍ത്തല്‍ ഒരു മികച്ച സംരംഭ മാതൃകയായി തന്നെ ഇന്നത്തെ കാലത്ത് തുടങ്ങാവുന്നതാണ്

വീട്ടമ്മമാര്‍ക്ക് മികച്ച ഒരു വരുമാന മാര്‍ഗ്ഗം വീട്ടുവളപ്പില്‍ തന്നെ ഒരുക്കാനാവുന്നതാണ്.നാടന്‍ മുട്ടയ്ക്ക് നല്ല ഡിമാന്‍ഡുള്ള കാലഘട്ടമാണ് ഇന്ന്.അതുകൊണ്ടുതന്നെ ഒരു സംരംഭമായി തുടങ്ങുവാന്‍ ഏറ്റവും മികച്ചത് നാടന്‍ കോഴി വളര്‍ത്തലാണ്. കോഴിവളര്‍ത്തല്‍ ഒരു മികച്ച സംരംഭ മാതൃകയായി തന്നെ ഇന്നത്തെ കാലത്ത് തുടങ്ങാവുന്നതാണ്.

സ്റ്റാര്‍ട്ടപ്പ് സംരംഭം: വായ്പയ്ക്ക് അപേക്ഷിക്കാം... Read More

ഒരു ചെറിയ കൂടില്‍ പിന്നാമ്പുറത്തും, 5 സെന്റ് ഉള്ളവര്‍ക്ക് പോലും അടുക്കളമുറ്റത്തെ ഹൈടെക് കൂടിയാലോ അഴിച്ചിട്ടോ മുട്ടക്കോഴികളെ വളര്‍ത്താവുന്നതാണ്.ജനിതക മിശ്രണം ചെയ്‌തെടുത്ത അത്യുല്‍പാദനശേഷിയുള്ള സങ്കര ഇനങ്ങളാണ് മുട്ടക്കോഴി സംരംഭത്തിലേക്ക് വേണ്ടി മിക്കവരും തിരഞ്ഞെടുക്കുന്നത്. ഇതില്‍ നമ്മുടെ നാട്ടില്‍ ഏറ്റവും കൂടുതല്‍ ഡിമാന്‍ഡ് ഉള്ളത് ബി.വി 380 ആണ്. ഇത് ഹൈടെക് കൂട്ടില്‍ 10 കോഴികള്‍ അടങ്ങുന്ന ചെറിയ യൂണിറ്റായി വളര്‍ത്തി മുട്ടക്കോഴി വളര്‍ത്തല്‍ ആരംഭിക്കാവുന്നതാണ്.ഇതുപോലെ തന്നെയാണ് നാടന്‍ കോഴികളുടെ ഡിമാന്‍ഡ്. 

വനിതാ സംരംഭകര്‍ക്കായി സൗജന്യ സംരംഭകത്വ വര്‍ക്ഷോപ്പ്... Read More

കേരളത്തില്‍ ഏറ്റവും കൂടുതല്‍ ഡിമാന്‍ഡുള്ള നാടന്‍ കോഴി ഇനമാണ് ഗ്രാമപ്രിയ, ഗ്രാമശ്രീ തുടങ്ങിയവ. ഇവയുടെ എണ്ണം 100 വരെ എത്തിയാലും ഒരു വീട്ടമ്മയ്ക്ക് അനായാസം പരിപാലിക്കാന്‍ സാധിക്കുന്നു. ഇവയ്ക്ക് രോഗപ്രതിരോധശേഷി കൂടുതലാണ്. 

സംരംഭകരെ പരാതിയുണ്ടോ ??? ഉടന്‍ പരിഹരിക്കാന്‍ ചാമ്പ്യന്‍സ് ... Read More

ബി വി 380 കോഴികള്‍ ആണെങ്കില്‍ വര്‍ഷം 300 മുട്ട വരെ ലഭ്യമാകുന്നു. ഇവയുടെ മുട്ടയ്ക്ക് തവിട്ടുനിറമാണ് ഉള്ളത്. മുട്ടയുടെ ശരാശരി ഭാരം 60 ഗ്രാം ആണ്. ഇവയില്‍ ചിലത് 5 മാസം എത്തുമ്പോള്‍ തന്നെ മുട്ടയിട്ട് തുടങ്ങുന്നു. ആറുമാസം എത്തിക്കഴിഞ്ഞാല്‍ മുട്ടയുത്പാദനം ചെറുതായി കുറയും. ഒരു വര്‍ഷം മുടങ്ങാതെ മുട്ട ലഭ്യമാക്കുന്നതിനാല്‍ സങ്കര ഇനങ്ങളില്‍ കൂടുതല്‍ പേരും വളര്‍ത്തുന്നത് ഈ ഇനമാണ്. മുട്ട ഉല്പാദനം കുറയുന്നതോടെ ഇവയെ ഇറച്ചി വിലയ്ക്ക് വില്‍ക്കാവുന്നതാണ്. 

കേരളം സംരംഭ സൗഹൃദമാകണം; തദ്ദേശീയ ഉത്പന്നങ്ങളെ കൈവിടരുത് ... Read More

24 ആഴ്ച പ്രായം എത്തുമ്പോള്‍ മുട്ടിയിട്ട് തുടങ്ങുന്ന ഗ്രാമശ്രീ ഇനത്തിന് കേരളത്തില്‍ വലിയ സ്വീകാര്യത ലഭ്യമാകുന്നു. ഇവയുടെ മുട്ട വര്‍ഷം 200 വരെ ആണ്.ഹൈടെക് കൂടില്‍ കോഴി വളര്‍ത്തുന്നതാണ് ഇന്ന് കൂടുതല്‍ പേരും തെരഞ്ഞെടുക്കുന്നത്.കൂട്ടില്‍ വളര്‍ത്തുമ്പോള്‍ സമീകൃത ആഹാരം ഉറപ്പുവരുത്താനും, ശുചിത്വം പാലിക്കുവാനും ശ്രമിക്കുക. സമീകൃത ആഹാരമായ ലെയര്‍ തീറ്റ കോഴികള്‍ക്ക് നല്‍കുന്നത് മുട്ട ഉല്പാദനം വര്‍ദ്ധിപ്പിക്കാന്‍ പ്രധാനമാണ്. കൂടാതെ കൃത്യസമയങ്ങളില്‍ രോഗ പ്രതിരോധ കുത്തിവെപ്പ് എടുക്കേണ്ടതും അത്യാവശ്യമാണ്.ചെറിയ പരിപാലനം കൊടുത്താല്‍ തന്നെ മികച്ച വരുമാനം നേടാവുന്നതാണ്.