സെയിൽസ്മാൻമാർ ഫോൺ വിളിച്ച് കസ്റ്റമറുമായി സംസാരിക്കേണ്ട സന്ദർഭങ്ങൾ പലപ്പോഴും ഉണ്ടാകാറുണ്ട്. സെയിൽസ്മാൻമാർ ഫോണിൽ സംസാരിക്കുന്നതിനു മുമ്പ് എന്തൊക്കെ തയ്യാറെടുക്കുക നടത്തണം എന്നാണ് ഇന്ന് പറയുന്നത്. ഇത് ടെലി മാർക്കറ്റിങ്ങിനെക്കുറിച്ച് അല്ല സൂചിപ്പിക്കുന്നത് ദൈനദിനമായി സെയിൽസ്മാൻമാർ കസ്റ്റമറോഡ് ഫോണിൽ സംസാരിക്കുന്നതിനെ കുറിച്ചാണ്.

• ഫോൺ കോൾ വിളിക്കുന്നതിന് മുൻപ് തന്നെ വിളിക്കുന്ന ആളിനെക്കുറിച്ച് വിശദമായി മനസ്സിലാക്കിയതിനു ശേഷം വിളിക്കുക. ചിലപ്പോൾ പുതിയ കസ്റ്റമറിനെയാണ് ഇങ്ങനെ വിളിക്കേണ്ടി വരികയെങ്കിൽ പരിപൂർണ്ണമായ കാര്യങ്ങൾ മനസ്സിലാക്കാൻ കഴിഞ്ഞെന്നു വരില്ല എങ്കിലും അവരെ കുറിച്ച് കഴിയുന്ന വിവരങ്ങൾ ശേഖരിക്കാൻ ശ്രവിക്കുക.
• ഫോൺ കാൾ നടത്തുന്നതിന് വേണ്ടി എല്ലാ ദിവസവും ഒരു നിശ്ചിതസമയം മാറ്റിവയ്ക്കുക.
• ഒരു മണിക്കൂറിൽ നടത്തുന്ന ഫോൺകോളിന്റെ എണ്ണം തീരുമാനിക്കുക.
• വിളിക്കുന്നതിന് മുൻപായിട്ട് ഒരു സ്ക്രിപ്റ്റ് തയ്യാറാക്കുക. കസ്റ്റമറുമായി എങ്ങനെ ഒരു റാപ്പോ ബിൽഡ് ചെയ്യണം, പ്രോഡക്റ്റിനെക്കുറിച്ചുള്ള ഡീറ്റെയിൽസ് എന്നിവയെക്കുറിച്ച് ഒരു സ്ക്രിപ്റ്റ് തയ്യാറാക്കുക.
• അമിതമായി സൗഹൃദം കാണിക്കുന്ന ശൈലിയിൽ സംസാരിക്കരുത്. വളരെ നിയന്ത്രിതമായ ശൈലിയിൽ സംസാരിക്കാൻ ശ്രമിക്കുക. വളരെ പോസിറ്റീവ് മനോഭാവമുള്ള ഒരാളാണെന്ന് നിങ്ങളുടെ ശബ്ദത്തിൽ ഉണ്ടാകണം.
• ആത്മവിശ്വാസം പ്രകടിപ്പിക്കുകയും വളരെ മാന്യമായ രീതിയിലും ആകണം സംസാരിക്കേണ്ടത്.
• സംസാരത്തിന്റെ ഗതി വേഗം വളരെ തിരക്കിട്ടോ സാവധാനത്തിലോ ആകരുത്. അമിതമായ വേഗം പരിഭ്രമത്തെ കാണിക്കും.
• MANT നോക്കി വേണം ഒരു കസ്റ്റമറിനെ സംസാരിക്കാൻ തിരഞ്ഞെടുക്കേണ്ടത്.
• ഉചിതമായ സമയത്ത് വിളിക്കുന്നത് തീരുമാനമെടുക്കുന്നവരോട് സംസാരിക്കാൻ നിങ്ങളെ സഹായിക്കും. എപ്പോഴും ഏത് സമയത്തും വിളിക്കരുത്. സമയം വളരെ പ്രധാനപ്പെട്ടതാണ് ഉചിതമായ സമയത്താണ് വിളിക്കുന്നതെന്ന് ഉറപ്പിക്കുക.
• കസ്റ്റമർ നോട് സംസാരിക്കുമ്പോൾ ഒരു പേനയും നോട്ട്ബുക്കും എപ്പോഴും കരുതുക. കസ്റ്റമറിനെ വിളിക്കുമ്പോൾ അവർ ചിലപ്പോൾ മറ്റൊരു സമയത്ത് അപ്പോയിൻമെന്റ് തന്നേക്കാം ആ സമയം ഉടൻ തന്നെ കുറിച്ച് ഇടുക. ആ സമയത്ത് തിരിച്ചു വിളിക്കാൻ വേണ്ടി ശ്രമിക്കുക.
• മറ്റ് പ്രോഡക്ടുകളെക്കുറിച്ച് മോശമായി ഒരു കാര്യങ്ങളും സംസാരിക്കരുത്. മറ്റ് സെയിൽസ്മാൻമാരെ കുറിച്ച് നെഗറ്റീവായ കാര്യങ്ങൾ ഒരിക്കലും പറയരുത്.
• ആളുകളെ വിളിക്കുമ്പോൾ അവരുടെ പദവിക്കനുസരിച്ച് അതിസംബോധന ചെയ്യുക.
• കസ്റ്റമറിന്റെ പേര് ശരിയായ രീതിയിലാണ് ഉച്ചരിക്കുന്നത് എന്ന് ഉറപ്പിക്കുക.
• കസ്റ്റമറിനോട് സംസാരിക്കുമ്പോൾ അവരുടെ അനുവാദം ചോദിച്ചതിനു ശേഷം മാത്രം നിങ്ങളുടെ പ്രോഡക്റ്റിനെ കുറിച്ച് സംസാരിക്കുക.
• ഫോൺ കോളുകൾ വളരെ നീട്ടിക്കൊണ്ടുപോകരുത്. വളരെ കറക്റ്റ് ആയ രീതിയിൽ ആവശ്യമുള്ള കാര്യങ്ങൾ മാത്രം പറയുക.

സെയിൽസിനെക്കുറിച്ചുള്ള ടിപ്പുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക

സെയിൽസ് രംഗത്ത് വിജയിക്കുന്നതിൽ റിലേഷൻഷിപ്പ് ബിൽഡ് ചെയ്യുന്നതിനുള്ള പ്രാധാന്യം... Read More