സെയിൽസ് രംഗത്ത് ഏറ്റവും കൂടുതൽ എതിർപ്പ് നേരിടുന്ന 5 കാര്യങ്ങളെ കുറിച്ചാണ് ഇവിടെ പറയുന്നത്.

പ്രൈസ്

നിങ്ങളുടെ പ്രോഡക്റ്റിന് വളരെ വില കൂടുതലാണ് എന്ന് പറയാറുള്ള കസ്റ്റമർ ഒരുപാടുണ്ട്. ഈ പ്രൈസിന്റെ കാര്യത്തിൽ പല സെയിൽസും നടക്കാതെ പോകാറുണ്ട്.

ബ്രാൻഡുകൾ

ചില ആളുകൾക്ക് ചില ബ്രാൻഡുകൾ മാത്രമായിരിക്കും സംതൃപ്തിയുണ്ടാവുക. ചിലർ പറയാറുണ്ട് എനിക്ക് ആ ബ്രാൻഡ് ഉപയോഗിക്കുമ്പോളാണ് സംതൃപ്തി ഉണ്ടാകുക നിങ്ങളുടെ ബ്രാൻഡ് അത്ര പോരാന്നൊക്കെ പറയാറുണ്ട്.

മാറ്റത്തിന് തയ്യാറാകാത്തവർ

ചിലർക്ക് പ്രോഡക്ടുകൾ മാറ്റി ഉപയോഗിക്കാൻ വളരെ ബുദ്ധിമുട്ടാണ്. ഉദാഹരണമായി ചില ആൾക്കാർ പറയാറുണ്ട് ഞാൻ കുറെ വർഷമായി ഈ പ്രോഡക്റ്റാണ് ഉപയോഗിക്കുന്നത്. ഇത് മാറ്റി ഉപയോഗിക്കാൻ എനിക്ക് താല്പര്യമില്ല എന്ന് പറയുന്ന ആൾക്കാർ.

പ്രോഡക്റ്റിനോട് വിശ്വാസമില്ലാത്തവർ

ഉദാഹരണമായി ചിലർ പറയാറുണ്ട് നിങ്ങളുടെ പ്രോഡക്റ്റ് പുതിയതാണ് നിങ്ങളുടെ ഉൽപ്പന്നം നല്ലതാണോയെന്ന് എനിക്ക് അറിയില്ല എന്നൊക്കെ. നിങ്ങളുടേത് നല്ല ബ്രാൻഡ് അല്ല എന്ന് ചിന്തിക്കുന്ന ആളുകൾ.

സമയത്തെക്കുറിച്ച് പറയുക

എനിക്കിപ്പോൾ തിരക്കാണ് പിന്നെ ഞാൻ സംസാരിക്കാം എന്ന് പറഞ്ഞ് ഒഴിഞ്ഞുമാറി പോകുന്ന ചില ആളുകളുണ്ട്.

ഇതൊക്കെയാണ് സെയിൽസ് രംഗത്തെ പ്രധാനപ്പെട്ട ഒബ്ജക്ഷനുകൾ.

സെയിൽസിൽ ഒബ്ജക്ഷൻ അഥവാ എതിർപ്പ് ഉണ്ടാവുക എന്നത് സ്വാഭാവികമായ കാര്യമാണ്. അതിനെ നേരിടേണ്ടത് എങ്ങനെയെന്ന് നോക്കാം.

• ഒരു കസ്റ്റമർ ഒബ്ജക്ഷൻ പറഞ്ഞാൽ അതിൽ വിഷമിച്ച് അവരോട് സെയിൽസിനെ കുറിച്ച് പറയാതെ പിന്നോട്ട് പോകരുത് . മിക്കവാറും ഒബ്ജക്ഷൻ പറയുന്നത് നിങ്ങളുടെ പ്രോഡക്റ്റിനെ കുറിച്ച് കൂടുതൽ അറിയുന്നതിന് വേണ്ടി ആയിരിക്കാം. അതുകൊണ്ട് അവർ പറയുന്ന എതിർപ്പിനെ സ്വാഗതം ചെയ്യാനുള്ള മനോഭാവം ഉണ്ടാവണം.
• പ്രൈസിനെ കുറിച്ചാണ് ഒബ്ജക്ഷൻ എങ്കിൽ മറ്റു കമ്പനികളെ കുറ്റം പറയാതെ നിങ്ങളുടെ പ്രോഡക്റ്റിന്റെ വില കൂടാനുള്ള പ്രത്യേകതകളെ കുറിച്ച് കസ്റ്റമറിനെ പറഞ്ഞു മനസ്സിലാക്കുക. ഉദാഹരണമായി പ്രോഡക്റ്റിന് ക്വാളിറ്റി കൂടുതലാണ് സർവീസ് കൂടുതൽ വർഷം കിട്ടുന്നതാണ് എന്നുള്ള കാര്യങ്ങൾ അവരോട് പറയാം.
• കസ്റ്റമർ നിങ്ങളുടെ സാധനം വാങ്ങിക്കുവാൻ വിശ്വാസ്യത കുറവ്, പേടി, പഴയ ബ്രാൻഡിൽ നിന്നും മാറുവാൻ മടി ഇങ്ങനെയുള്ളവ ആണെങ്കിൽ. നിങ്ങളുടെ പ്രോഡക്റ്റിന്റെ പഴയ കസ്റ്റമറുടെ ഫീഡ്ബാക്ക്, നിങ്ങളുടെ പ്രോഡക്റ്റിന്റെ ബെനിഫിറ്റ്, ഫീച്ചേഴ്സ് എന്നിവ പറഞ്ഞു കൊടുക്കുക. ഫീച്ചേഴ്സ് നെക്കാളും നിങ്ങളുടെ പ്രോഡക്റ്റ് വാങ്ങിയാൽ കിട്ടുന്ന ബെനിഫിറ്റിനെ കുറിച്ചാണ് കൂടുതൽ സംസാരിക്കേണ്ടത്. ഇത് ഒക്കെ പറഞ്ഞ് കസ്റ്റമറെ മനസ്സിലാക്കി കൊടുക്കുക. ഇങ്ങനെ ചെയ്താൽ ഈ മൂന്ന് എതിർപ്പുകളെയും മറികടക്കാൻ നിങ്ങൾക്ക് സാധിക്കും.

ഒരു കസ്റ്റമർ സാധനം വാങ്ങുന്നതിന് മുൻപ് 80 ശതമാനം ആളുകളും എതിർപ്പുകൾ പറയുമെന്ന് മനസ്സിലാക്കാം. അതുകൊണ്ട് നിങ്ങളുടെ പ്രോഡക്റ്റിനെ കുറിച്ച് വ്യക്തമായി മനസ്സിലാക്കി കസ്റ്റമർ ചോദിക്കാൻ സാധ്യതയുള്ള ചോദ്യങ്ങൾക്ക് ഉത്തരം എഴുതി തയ്യാറാക്കി പ്രിപ്പയർ ചെയ്ത് പോവുകയാണെങ്കിൽ നിങ്ങൾക്ക് വളരെ എളുപ്പത്തിൽ സെയിൽസ് നടത്താൻ സാധിക്കും.

സെയിൽസ് പ്രസന്റേഷൻ, കമ്മ്യൂണിക്കേഷൻ; സെയിൽസ്മാന്മാർ ശ്രദ്ധിക്കേണ്ട കാര്യങ്ങൾ... Read More

സെയിൽസിനെക്കുറിച്ചുള്ള ടിപ്പുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക.