20 ആടുകളെയാണ് ഒരു യൂണിറ്റില്‍ വളര്‍ത്തുന്നത്

കോട്ടയം : സംസ്ഥാന സര്‍ക്കാര്‍ അധികാരത്തിലേറി  ഒരു വര്‍ഷം പൂര്‍ത്തിയാകുമ്പോള്‍ ജില്ലയില്‍ മൃഗ സംരക്ഷണ വകുപ്പ്  പൂര്‍ത്തീകരിക്കുന്നത്  4.28 കോടി  രൂപയുടെ പദ്ധതികള്‍ .

വളര്‍ത്തുമൃഗങ്ങള്‍ക്ക് രാത്രി കാലങ്ങളില്‍ അടിയന്തിര ചികിത്സക്കുള്ള സൗകര്യങ്ങള്‍ 11 ബ്ലോക്കുകളിലും  ഏര്‍പ്പെടുത്തി . ആടുവളര്‍ത്തല്‍ പ്രോത്സാഹിപ്പിക്കുന്നതിന്  43.76 ലക്ഷം രൂപയുടെ രണ്ട് പദ്ധതികള്‍ നടപ്പാക്കി. 

ഇറച്ചിക്കോഴി മികച്ച വരുമാനം നേടിത്തരും; ഇവയെ സംരക്ഷിക്കാന്‍ ആന്റിബയോട്ടിക്ക് കൂടിയേ തീരു ... Read More

വ്യാവസായികാടിസ്ഥാനത്തില്‍ ആടുകളെ വളര്‍ത്തുന്നതിനുള്ള 20 ലക്ഷം രൂപയുടെ പദ്ധതിയില്‍  20 യൂണിറ്റുകള്‍ ആരംഭിച്ചു.  20 ആടുകളെയാണ് ഒരു യൂണിറ്റില്‍ വളര്‍ത്തുന്നത്. 

നാഷണല്‍ ലൈവ് സ്റ്റോക്ക് മിഷന്‍- റൂറല്‍ ബാക്ക് യാര്‍ഡ് ഗോട്ട് ഡെവലപ്പ്‌മെന്റ് സ്‌കീമില്‍ തലയോലപ്പറമ്പ്, ടി. വിപുരം, മണിമല, അയ്മനം ഗ്രാമപഞ്ചായത്തുകളിലായി  40 യൂണിറ്റുകളും  ആരംഭിച്ചു. ഒരു മുട്ടനാടും  10 പെണ്ണാട്ടുകളുമടങ്ങുന്ന ഇത്തരം യൂണിറ്റുകള്‍ക്കായി  23. 76 ലക്ഷം രൂപ  ചെലവഴിച്ചു. തലനാട്  മാതൃകാ പഞ്ചായത്ത് വികസനത്തിനായി 5 ലക്ഷം  രൂപയും  മെയില്‍ കാഫ് ഫാറ്റനിംഗിനായി  13. 80 ലക്ഷം രൂപയും ചെലവഴിച്ചു. 

പശുക്കള്‍ക്ക് വിരമരുന്ന് കൊടുക്കുന്നവര്‍ ഈ കാര്യങ്ങള്‍ ശ്രദ്ധിക്കണം... Read More

മണര്‍കാട് പൗള്‍ട്രി ഫാമിന്റെ വികസനത്തിനായി  1.58 കോടി രൂപയുടെ പ്രവര്‍ത്തനങ്ങളാണ് നടപ്പാക്കി വരുന്നത്. ഫാമിലെ പൗള്‍ട്രി ഷെഡുകളുടെ നവീകരണത്തിനായി 29 ലക്ഷം രൂപയും  40 കെ.വി ജനറേറ്റര്‍ സ്ഥാപിക്കുന്നതിന് 14 ലക്ഷം രൂപയും ചെലവഴിച്ചു. 89 ലക്ഷം രൂപ ചെലവില്‍ നിര്‍മിക്കുന്ന രണ്ട് പൗള്‍ട്രി ഷെഡുകളുടെ നിര്‍മ്മാണം പൂര്‍ത്തീകരിച്ചു. 26 ലക്ഷം രൂപ ചെലവില്‍ മണര്‍കാട് ഫാം ഓഫീസ്, ക്വാര്‍ട്ടേഴ്‌സ് നവീകരണം, ചുറ്റുമതില്‍ നിര്‍മ്മാണം എന്നിവയുടെ നിര്‍മ്മാണം പുരോഗമിക്കുകയാണ്. 12.85 ലക്ഷം  രൂപ ചെലവഴിച്ച് 

കോടിമത ജില്ലാ വെറ്ററിനറി കേന്ദ്രത്തിലെ ഓപ്പറേഷന്‍ തിയറ്റര്‍ ആധുനീകവത്ക്കരിച്ചു.   45 ലക്ഷം രൂപ വിനിയോഗിച്ച്  വൈക്കം, കാഞ്ഞിരപ്പള്ളി, കോട്ടയം, പരിയാരം(പുതുപ്പള്ളി), പാലാ, ചങ്ങനാശേരി വെറ്ററിനറി പോളിക്ലിനിക്കുകളിലെ ലബോറട്ടറി സേവനങ്ങള്‍  വര്‍ദ്ധിപ്പിച്ചു. 

പാമ്പാടി മൃഗാശുപത്രിക്ക് 70 ലക്ഷത്തിന്റെയും കൊഴുവനാല്‍ മൃഗാശുപത്രിക്ക്  37 ലക്ഷത്തിന്റെയും  മേതിരി വെറ്ററിനറി സബ് സെന്ററിന്  അഞ്ച് ലക്ഷം രൂപയുടെയും കെട്ടിടം  നിര്‍മ്മിച്ചു.