ആപ്പിളിന്റെ ദീർഘകാലത്തെ പ്രവർത്തന പാരമ്പര്യം ഇന്ത്യയിലേക്കും വ്യാപിപ്പിക്കുന്നതിൽ ആവേശഭരിതരാണ്

ഇന്ത്യയിൽ ഉൽപ്പാദനവും റീട്ടെയിൽ സാന്നിധ്യവും വർധിപ്പിച്ചുകൊണ്ട് 25 വർഷികം ആഘോഷിക്കുന്ന വേളയിലാണ് ആപ്പിളിന്റെ പ്രഖ്യാപനം. 1.5 ലക്ഷൺ ഡെവലപ്പർ ജോലികൾ ആണ് ആപ്പിൾസ്റ്റോർ തുറക്കുന്നതിലൂടെ ലഭിക്കുക. ഐഫോണിന്റെ ആഗോള ഉപയോക്തൃ അടിത്തറ ശക്തമാക്കുന്നതിന്റെ ഭാഗമായി ആണ് കൂടുതൽ ഇന്ത്യൻ ഡെവലപ്പർമാരെ കമ്പനി നിയമിക്കുന്നത്. ഇന്ത്യയിൽ ആപ്പിൾ ഇപ്പോൾ 10 ലക്ഷം ആളുകൾക്ക് തൊഴിൽ നൽകുന്നു. രാജ്യത്തെ ഡെവലപ്പർമാർക്കുള്ള പ്രതിഫലം ആപ്പിൾ 2018 മുതൽ മൂന്നിരട്ടിയിലധികം വർധിച്ചിട്ടുണ്ട്. കൂടാതെ ബെംഗളൂരുവിലെ ഐഒഎസ് ആപ്പ് ഡിസൈൻ ആൻഡ് ഡെവലപ്മെന്റ് ആക്സിലറേറ്റർ 15,000-ലധികം ഡെവലപ്പർമാർക്കായി വിവിധ സെഷനുകൾ സംഘടിപ്പിക്കുന്നുണ്ട്.

ഇന്ത്യയ്ക്ക് മനോഹരമായ ഒരു സംസ്കാരവും അവിശ്വസനീയമായ ഊർജ്ജവുമാണുള്ളത്. ആപ്പിളിന്റെ ദീർഘകാലത്തെ പ്രവർത്തന പാരമ്പര്യം ഇന്ത്യയിലേക്കും വ്യാപിപ്പിക്കുന്നതിൽ ആവേശഭരിതരാണ്. ഉപഭോക്താക്കളെ പിന്തുണയ്ക്കുക, പ്രാദേശികമായി നിക്ഷേപം നടത്തുക, പുതുമയാന്ന സേവനങ്ങളിലൂടെ മെച്ചപ്പെട്ട ഭാവി കെട്ടിപ്പടുക്കാൻ ഒരുമിച്ച് പ്രവർത്തിക്കുക. ഇതാണ് ലക്ഷ്യമെന്ന് ആപ്പിൾ സിഇഒ ടിം കുക്ക് പറഞ്ഞു.

ഇന്ത്യയിൽ എല്ലാം നന്നായി നടന്നു പോകുന്നു, ഇനിയും പരിഷ്‌കാരങ്ങൾ തുടരും: കേന്ദ്ര ധനമന്ത്രി... Read More

സിൽവർ ജൂബിലി ആഘോഷങ്ങളുടെ ഭാഗമായി, മുംബൈയിലും ഡൽഹിയിലും ആപ്പിൾ പുതിയ സ്റ്റോറുകൾ തുറക്കുകയാണ്. ഇന്ത്യയിൽ കമ്പനി വലിയ തോതിൽ ബിസിനസ് വിപുലീകരിക്കുകയാണ്. ഇന്ത്യയിലെ നിർമ്മാണ യൂണിറ്റുകളുടെ അടിസ്ഥാന സൗകര്യങ്ങളും കമ്പനി വർധിപ്പികയാണ്. 2017 ൽ കമ്പനി ഇന്ത്യയിൽ ഐഫോൺ നിർമ്മിക്കാൻ തുടങ്ങിയിരുന്നു. അതിനുശേഷം, ഐഫോൺ മോഡലുകൾ അസംബിൾ ചെയ്യുന്നതിനുംഫോൺ ഘടകങ്ങൾ നിർമ്മിക്കുന്നതിനുമായി കമ്പനി മറ്റ് കമ്പനികളുമായി ചേർന്ന് പ്രവർത്തിക്കുന്നുണ്ട്. 2022-ൽ ആരംഭിച്ച, ആപ്പിളിന്റെ അഞ്ച് കോടി ഡോളളിന്റെ സപ്ലയർ എംപ്ലോയി ഡെവലപ്മെന്റ് ഫണ്ട്, പുതിയ നൈപുണ്യ വികസനം, തൊഴിലാളികളുടെ അവകാശങ്ങൾ സംബന്ധിച്ച അവബോധം, മറ്റ് പഠന അവസരങ്ങൾ എന്നിവയെക്കുറിച്ച് ജീവനക്കാരെ ബോധവൽക്കരിക്കുന്നു.

ഇന്ത്യൻ ആപ്പ് ഡെവലപ്പർമാരുമായുള്ള ഇടപഴകൽ വർധിപ്പിക്കാൻ ആപ്പിൾ ശ്രമിക്കുന്നുണ്ടെങ്കിലും കൂടുതൽ കാര്യങ്ങൾ ചെയ്യാനാകുമെന്ന് വിദഗ്ധർ പറയുന്നു. ആപ്പിളിന്റെ പ്രവർത്തനം ഇന്ത്യൻ ഡവലപ്പർമാർക്ക് അ ആഗോള ഉപഭോക്തൃ അടിത്തറ നൽകി.ഇത് ഈ രംഗത്തെ ബിസിനസുകൾക്ക് മികച്ച ലാഭവിഹിതം നൽകി. ആപ്പിൾ പോലുള്ള ആപ്പ് സ്റ്റോറുകളുമായുള്ള സഹകരണം ഡവലപ്പർമാർ ബില്ലിംഗ് സംവിധാനങ്ങൾ, സൈബർ സുരക്ഷാ പ്രോട്ടോക്കോളുകൾ, മാർക്കറ്റിംഗ് മുതലായവയിൽ വരുത്തേണ്ട ഇടപെടലുകൾ കുറയ്ക്കുന്നു. മികച്ച വരുമാനവും ലഭിക്കും. ട്വിറ്റർ പോലുള്ള വലിയ ആപ്ലിക്കേഷനുകൾ ഡ്യുവൽ പേയ്മെന്റ് സംവിധാനം പിന്തുടരുന്നു. ഇത് മിക്ക ചെറിയ ഡെവലപ്പർമാർക്കും സ്വീകാര്യമല്ല. അതിനാൽ, ഡവലപ്പർമാരുടെ വളർച്ച സുഗമമാക്കുന്നതിന് ആപ്പിളിന് രാജ്യത്ത് കൂടുതൽ കാര്യങ്ങൾ ചെയ്യാൻ കഴിഞ്ഞേക്കും.