മുടികൊഴിച്ചിൽ, താരൻ തുടങ്ങിയ പ്രശ്നങ്ങളായിരിക്കും മിക്കവാറും പേരെ അലട്ടുന്നത്.മുടിയുടെ സ്വാഭാവിക ആരോഗ്യത്തിനു ചെയ്യാവുന്ന ചില കാര്യങ്ങളെക്കുറിച്ചറിയൂ.

• നാളികേരപ്പാലും നാരങ്ങാനീരും എടുത്ത് തലയിലും മുടിയിലും പുരട്ടി മസാജ് ചെയ്യുക. ചൂടുള്ള വെള്ളത്തിൽ മുക്കിപ്പിഴിഞ്ഞ ടവൽ മുടിയിൽ കെട്ടി വയ്ക്കാം. ആഴ്ചയിൽ ഒന്നുരണ്ടു ദിവസം ഇങ്ങനെ ചെയ്യുന്നത് നല്ലതാണ്.
• മുട്ടയും ഒലീവ് ഓയിലും കൂട്ടിച്ചേർത്ത് മുടിയിലും തലയിലും തേച്ചു പിടിപ്പിക്കാം. ഇത് ഉണങ്ങിയ ശേഷം കഴുകിക്കളയാം.
• പാലും വെള്ളവും യോജിപ്പിച്ച് മുടിയിൽ സ്പ്രേ ചെയ്യുക. ഇതിന് ശേഷം മുടി ചീകാം. ഇത് ഉണങ്ങിക്കഴിഞ്ഞാൽ വെള്ളം കൊണ്ട് തല കഴുകാം. നല്ല കണ്ടീഷണറിന്റെ ഗുണം ഇതിൽ നിന്നും ലഭിക്കും.
• ആഴ്ചയിൽ രണ്ടു തവണയെങ്കിലും ആവണക്കെണ്ണ കൊണ്ട് മുടി മസാജ് ചെയ്യുക. ആവണെക്കെണ്ണ മുടി വളരാൻ മാത്രമല്ലാ, തലയ്ക്ക് തണുപ്പു നൽകുന്നതിനും പ്രധാനമാണ്.
• പുളിപ്പിച്ച കഞ്ഞിവെള്ളം ദിവസവും മുടിയിൽ പുരട്ടുന്നത് വരണ്ട മുടിയ്ക്ക് തിളക്കവും മിനുസവും നൽകാൻ മികച്ചതാണ്. കഞ്ഞിവെള്ളം ഹെയർ പായ്ക്കുകളിലും ഉപയോഗിയ്ക്കാം. ഉലുവയും കഞ്ഞിവെള്ളവും കലർത്തിയ മിശ്രിതവും ഏറെ ഗുണം നൽകുന്ന ഒന്നാണ്.
• എണ്ണ ഉപയോഗിച്ച് മുടി മസാജ് ചെയ്യുന്നത് മുടിയുടെ ആരോഗ്യം മെച്ചപ്പെടുത്തും. എണ്ണ ചെറുതായി ചൂടാക്കി മസാജ് ചെയ്യുന്നതാണ് കൂടുതൽ ഗുണകരം.
• കറ്റാർ വാഴ ഇലയിൽ നിന്ന് ജെൽ ചുരണ്ടിയെടുത്ത് ഇതിലേയ്ക്ക് വിറ്റാമിൻ ഇ ഓയിൽ ക്യാപ്സ്യൂൾ പൊട്ടിച്ചൊഴിക്കുക.ഇത് തലയിലും മുടിയിലും മസാജ് ചെയ്ത് 1 മണിക്കൂർ ശേഷം, സാധാരണപോലെ മുടി കഴുകുക, ഷാംപൂ ചെയ്യുക.
• മുടിയിൽ വൃത്തിയുള്ള ബ്രഷും, ചീപ്പുകളും ഉപയോഗിക്കുക. അവ ഉപയോഗശേഷം വൃത്തിയാക്കി വെയ്ക്കുക.

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക.

കാപ്പിയുടെ ആരോഗ്യഗുണങ്ങളും ശരീരത്തെ ഉന്മേഷത്തോടെ നിർത്തുന്ന രഹസ്യങ്ങളും... Read More