ഏറ്റവും ഇന്ധനക്ഷമതയുള്ള കോംപാക്ട് എസ്യുവിയാണ് ബ്രെസ്സ

ഇന്ത്യന്‍ കാര്‍ വിപണിയിലെ ലീഡര്‍ മാരുതി സുസുക്കി ഇന്ത്യ (MSIL) തങ്ങളുടെ വരാനിരിക്കുന്ന പുതിയ വിറ്റാര ബ്രെസ്സയിലൂടെ SUV സെഗ്മെന്റിലെ 50 ശതമാനം വിപണി വിഹിതം പിടിക്കാന്‍ ലക്ഷ്യമിടുന്നു.
എസ്യുവി ഇതര വിഭാഗത്തില്‍ കമ്പനിക്ക് 67 ശതമാനം വിപണി വിഹിതമുണ്ടെങ്കിലും, എസ്യുവി വിഭാഗത്തിലെ സ്ഫോടനാത്മകമായ വളര്‍ച്ചയും പുതിയ കാലത്തെ ഉപഭോക്താക്കളെ ആകര്‍ഷിക്കുന്ന മോഡലുകളുടെ അഭാവവും കമ്പനിയുടെ മൊത്തത്തിലുള്ള വിപണി വിഹിതം കുറച്ചിരുന്നു. ആ അഭാവം ബ്രെസ്സ നികത്തുമെന്നാണ് കമ്പനിയുടെ പ്രതീക്ഷ. 

7.5 ലക്ഷം യൂണിറ്റുകള്‍ വിറ്റു

പുതിയ വിറ്റാര ബ്രെസ്സയുടെ ബുക്കിംഗ് ആരംഭിച്ചതായി തിങ്കളാഴ്ച കമ്പനി പ്രഖ്യാപിച്ചു. കോംപാക്റ്റ് എസ്യുവി ബ്രെസ്സ 2016 ല്‍ പുറത്തിറക്കിയ ശേഷം 7.5 ലക്ഷത്തിലധികം യൂണിറ്റുകള്‍ വിറ്റഴിച്ചു. നിലവില്‍ ഏറ്റവും കൂടുതല്‍ വിറ്റഴിക്കപ്പെടുന്ന കോംപാക്റ്റ് എസ്യുവിയും ബ്രെസ്സയാണ്. പ്രതിമാസം 10,000 ബ്രെസ്സയുടെയൂണിറ്റുകള്‍ വില്‍ക്കുന്നുണ്ട്. പുതിയ ബ്രെസ്സ കൂടുതല്‍ ഉപഭോക്താക്കളെ കൊണ്ടുവരുമെന്ന് കമ്പനി പ്രതീക്ഷിക്കുന്നു.

മാരുതി ഇലക്ട്രിക് വാഹനങ്ങള്‍ എപ്പോള്‍ പുറത്തിറക്കും... Read More

വാങ്ങുന്നയാളുടെ അഭിരുചിക്കനുസരിച്ച് പുതിയ സാങ്കേതികവിദ്യയും സവിശേഷതകളും ഉള്‍പ്പെടുത്തിക്കൊണ്ട് പുതിയ ബ്രെസ്സയ്ക്ക് വ്യത്യസ്ത പൊസിഷനിംഗ് ഉണ്ടായിരിക്കും.

''കോംപാക്ട് എസ്യുവി സെഗ്മെന്റിലെ ഉപഭോക്തൃ മാനദണ്ഡം മാറുകയാണ്. നേരത്തെ, ഡിസൈന്‍, ബ്രാന്‍ഡ്, മൈലേജ് എന്നിവയായിരുന്നു ഉപഭോക്താവിന്റെ തീരുമാനങ്ങളിലെ പ്രധാന മാനദണ്ഡം. ഇപ്പോള്‍ തീരുമാനങ്ങളില്‍ മറ്റൊരു പ്രധാന ഘടകമുണ്ട്. അതായത് സാങ്കേതികവിദ്യയും സവിശേഷതകളും. ഇത് കോംപാക്റ്റ് എസ്യുവിയില്‍ മാത്രമല്ല, സെഗ്മെന്റുകളിലുടനീളം, വാങ്ങുന്നവര്‍ സാങ്കേതികവിദ്യയും സവിശേഷതകളും തേടുന്നു,'' എംഎസ്ഐഎല്‍ സീനിയര്‍ എക്സിക്യൂട്ടീവ് ഡയറക്ടര്‍ (മാര്‍ക്കറ്റിംഗ് & സെയില്‍സ്) ശശാങ്ക് ശ്രീവാസ്തവ ഒരു ദേശീയ മാധ്യമത്തോട് പറഞ്ഞു.

കൂടാതെ, കോംപാക്റ്റ് എസ്യുവി സെഗ്മെന്റിലെ ഉപഭോക്താക്കള്‍ ചെറുപ്പക്കാരാണ്. വിറ്റാര ബ്രെസ്സ വാങ്ങുന്നവരില്‍ പകുതിയും ഇപ്പോള്‍ 35 വയസ്സിന് താഴെയുള്ളവരാണ്, കുറച്ച് വര്‍ഷങ്ങള്‍ക്ക് മുമ്പ് ഇത് 30-32 ശതമാനമായിരുന്നു. ഇതിനുപുറമെ, ഡീസലില്‍ നിന്ന് പെട്രോള്‍ മോഡലുകളിലേക്കുള്ള വലിയ മാറ്റം ഉണ്ടായിട്ടുണ്ട്. ഡീസല്‍ എസ്യുവികളുടെ വിഹിതം 2015-16ല്‍ 79 ശതമാനത്തില്‍ നിന്ന് 21 ശതമാനമായി കുറഞ്ഞു.

ഇന്ത്യയിലേക്ക് ഉടന്‍ എത്തുന്നു ഇലക്ട്രിക്ക് ഫോക്സ്വാഗണ്‍ കാറും ... Read More

ഏറ്റവും ഇന്ധനക്ഷമതയുള്ള കോംപാക്ട് എസ്യുവിയാണ് ബ്രെസ്സ. പുതിയ പതിപ്പ് കൂടുതല്‍ ഇന്ധനക്ഷമതയുള്ളതായിരിക്കുമെന്നത് ഉപഭോക്താക്കളെ ആകര്‍ഷിക്കുന്ന പ്രധാന ഘടകങ്ങളില്‍ ഒന്നാണ്. കൂടാതെ, പുതിയ ബ്രെസ്സയില്‍ കാറ്റഗറി-ലീഡിംഗ് ഫീച്ചറുകള്‍ ഉണ്ടാകും. സെഗ്മെന്റില്‍ ഇതാദ്യമായാണ് പുതിയ ഫീച്ചറുകള്‍ അവതരിപ്പിക്കുന്നത്. കൂടാതെ, ഉപഭോക്തൃ മുന്‍ഗണനകള്‍ക്ക് അനുസൃതമായി, പുതിയ ബ്രെസ്സയുടെ ടാഗ്ലൈന്‍ ഞങ്ങള്‍ ചെറുതായി മാറ്റി - 'വിക്കിഡ്‌ലി സ്മൂത്ത്' എന്ന മുന്‍ ടാഗ്ലൈനില്‍ നിന്ന് 'ഹോട്ട് ആന്‍ഡ് ടെക്കി' എന്നതിലേക്ക് മാറ്റിയിട്ടുണ്ട്. മുമ്പത്തെ ബ്രെസ്സയുടെ എല്ലാ നല്ല കാര്യങ്ങളും ഞങ്ങള്‍ മുന്നോട്ട് കൊണ്ടുപോകുമ്പോള്‍, സാങ്കേതികവിദ്യയുടെയും സവിശേഷതകളുടെയും കാര്യത്തില്‍ പുതിയ ബ്രെസ്സയെ കൂടുതല്‍ സമ്പന്നമാക്കാന്‍ ഞങ്ങള്‍ ശ്രമിച്ചിട്ടുണ്ട്, ''ശ്രീവാസ്തവ പറഞ്ഞു.