സെയിൽസ് പ്രൊഫഷൻ എല്ലാവരും ഇഷ്ടപ്പെടുന്ന ജോലിയാണ് എന്ന് പറയാൻ കഴിയില്ല. പക്ഷേ ഏതൊരു വ്യക്തിക്കും സെയിൽസിന്റെ മർമ്മം അറിയാമെങ്കിൽ മാത്രമേ ആ ജോലി മുന്നോട്ടു കൊണ്ടുപോകാൻ സാധിക്കുകയുള്ളൂ. ഉദാഹരണമായി നിങ്ങൾക്ക് എന്ത് കഴിവുണ്ടെങ്കിലും അതിനെ സമർത്ഥമായി വിൽക്കാൻ കഴിഞ്ഞില്ലെങ്കിൽ ആ കഴിവിൽ യാതൊരു അർത്ഥവുമില്ല. നിങ്ങൾക്ക് പ്രസംഗിക്കാൻ അറിയാം പക്ഷേ ആ കഴിവിനെ മറ്റുള്ളവരിലേക്ക് എത്തിക്കാൻ കഴിഞ്ഞാൽ മാത്രമാണ് ആ കഴിവുകൊണ്ട് നിങ്ങൾക്ക് ഗുണമുണ്ടാകുന്നത്. നിങ്ങൾക്കുണ്ടാകുന്ന കഴിവിനെ തന്ത്രങ്ങളെ നിങ്ങളുടെ പ്രോഡക്ടുകളെ സമ്പത്തിനെ വർദ്ധിപ്പിക്കുവാനും അത് മറ്റുള്ളവരിലേക്ക് എത്തിക്കുവാനും ഉള്ള കഴിവുണ്ടാകണം. വിജയിച്ച എല്ലാ വ്യക്തികളുടെയും ലക്ഷണം അവർക്ക് നന്നായി സെയിൽസ് നടത്തുവാൻ കഴിഞ്ഞു എന്നുള്ളതാണ്. സെയിൽസ് എന്നത് ഒരിക്കലും ഒരു സെയിൽസ്മാൻ അല്ലെങ്കിൽ കടയിൽ ജോലിക്ക് നിൽക്കുന്ന ഒരാൾ മാത്രം ചെയ്യേണ്ട ജോലിയല്ല, എല്ലാവരുടെയും ജീവിതത്തിലും അറിഞ്ഞിരിക്കേണ്ട ഒരു പ്രധാനപ്പെട്ട കാര്യമാണ് എന്ന കാര്യത്തിൽ യാതൊരുവിധ സംശയവുമില്ല. അതുകൊണ്ടുതന്നെ സാധാരണ ഏതൊരു വ്യക്തിക്കും സെയിൽസിനെ കുറിച്ച് സാമാന്യ ബോധ്യം ഉണ്ടാകണം. എന്തൊക്കെയാണ് ആ സാമാന്യബോധങ്ങൾ എന്നതിനെ കുറിച്ചാണ് ഇന്ന് ഇവിടെ പറയുന്നത്.

• നാം ജീവിക്കുന്നതിന് വ്യക്തമായ ലക്ഷ്യം ഉണ്ടാകണം.
• ആ ലക്ഷ്യത്തെ എങ്ങനെ സമൃദ്ധമായി ഉപയോഗിക്കാം എന്ന് അറിയാമായിരിക്കണം.
• ആ ലക്ഷ്യത്തിൽ ഉറച്ച വിശ്വാസം ഉണ്ടാകണം.
• ആ ലക്ഷ്യത്തിലേക്ക് എത്തുവാൻ വേണ്ടി ഒരുപാട് കഴിവുകൾ ഉണ്ട്.ആ കഴിവുകളിൽ ഏറ്റവും പ്രധാനപ്പെട്ട ഒന്നാണ് സെയിൽസ് ചെയ്യുവാനുള്ള കഴിവ്. കമ്മ്യൂണിക്കേറ്റ് സ്കിൽസ് ക്രിയേറ്റീവ് സ്കില്ല് ഇതെല്ലാം കൂടി ചേർന്നതാണ് സെയിൽസ് എന്ന് പറയുന്നത്. നിങ്ങൾക്ക് എന്ത് മൂല്യം ഉണ്ട് എന്ന് പറഞ്ഞിട്ട് കാര്യമില്ല അത് മറ്റുള്ളവരിലേക്ക് എത്തിക്കുവാനുള്ള പ്രാവീണ്യം ഉണ്ടാകണം. അങ്ങനെ എത്തിക്കാൻ ശ്രമിക്കുന്നതിനെയാണ് വേണമെങ്കിൽ സെയിൽസ് എന്ന് പറയാം.
• നിങ്ങൾക്ക് നിങ്ങളെ തന്നെ വിൽക്കാൻ സാധിക്കണം.മറ്റുള്ളവർക്കിടയിൽ നിങ്ങൾ പ്രാധാന്യമുള്ള ആളാണ് എന്ന് തോന്നിപ്പിക്കാൻ കഴിയണം. അങ്ങനെ തോന്നിപ്പിക്കുക എന്നത് കൃത്രിമം ആകരുത് അതിനുള്ള കഴിവ് ഉണ്ടാക്കിയെടുക്കുക. നിങ്ങൾ വിൽക്കാൻ കഴിയുന്ന പ്രോഡക്ടിന് മൂന്ന് ക്വാളിറ്റികൾ ഉണ്ടാകണം

1. നല്ല ക്വാളിറ്റി ഉള്ള പ്രോഡക്റ്റ് ആയിരിക്കണം.
2. അതിന്റെ വില എല്ലാവർക്കും താങ്ങാവുന്നതാണ്.
3. ആ പ്രോഡക്റ്റിന്റെ സർവീസ് നല്ലതായിരിക്കണം.

ഇതുപോലെ നിങ്ങളിലും ക്വാളിറ്റികൾ ഉണ്ടായിരിക്കണം.

• നിങ്ങൾ മൂല്യമുള്ള ആളുകളായിരിക്കണം.
• ആ മൂല്യത്തെ മറ്റുള്ളവർക്ക് ഉപയോഗപ്പെടുത്തുന്നതിന് പറഞ്ഞു കൊടുക്കുന്നതിനുള്ള കഴിവ് നിങ്ങൾക്കുണ്ടാകണം.
• മറ്റുള്ളവരുടെ ആവശ്യങ്ങൾക്ക് നിങ്ങളെക്കൊണ്ട് സഹായിക്കാൻ കഴിയണം.

ഈ മൂന്ന് കാര്യങ്ങൾക്കും സെയിൽസുമായി വളരെ ബന്ധമുണ്ട് എന്ന് മനസ്സിലാക്കാൻ കഴിയും.ഉദാഹരണമായി ഒരു ഗ്രന്ഥകർത്താവിന്റെ കാര്യം നോക്കാം.നിങ്ങൾ ഒരു പുസ്തകം എഴുതി എന്ന് വിചാരിക്കുക.ആ പുസ്തകം എഴുതി എന്ന് പറഞ്ഞിട്ട് കാര്യമില്ല ആ പുസ്തകത്തിനെ സമർത്ഥമായി വിൽക്കാനുള്ള കഴിവുണ്ടാകണം. അതിനുവേണ്ടി നേരത്തെ പറഞ്ഞ മൂന്ന് കാര്യങ്ങൾ നിങ്ങൾക്ക് ഉണ്ടാകണം.

• ഒന്ന് നിങ്ങളുടെ പുസ്തകം വളരെ നിലവാരം ഉള്ളതായിരിക്കണം.
• നല്ല കവറുകളിൽ അച്ചടിച്ച് നല്ല ചിത്രങ്ങളും അടിക്കുറിപ്പുകളോടുകൂടി വിൽക്കാൻ സാധിക്കണം.
• മൂന്നാമത്തെ കാര്യം അത് ആളുകൾക്ക് വാങ്ങാൻ സാമ്പത്തിക നിലവാരത്തിൽ ഉള്ളതായിരിക്കണം.

ഇങ്ങനെ മൂന്ന് കാര്യങ്ങൾ ഉണ്ടെങ്കിൽ മാത്രമാണ് ആ പുസ്തകം ആളുകൾ വാങ്ങുകയും മറ്റുള്ളവരിലേക്ക് പ്രചരിപ്പിക്കുകയും ചെയ്യുന്നത്. ഈ മൂന്ന് കാര്യങ്ങളും ചേർന്ന് പുസ്തകം സാമ്പത്തികമായി വലിയ നേട്ടം നിങ്ങൾക്കുണ്ടാകും. അതോടൊപ്പം തന്നെ പ്രശസ്തിയിലേക്ക് കൊണ്ടെത്തിക്കും. അങ്ങനെ നിരവധി കാര്യങ്ങൾ അതിൽ കൂടി സാധിക്കും.

ഇതുപോലെ തന്നെ നിങ്ങൾ ഒരു സിനിമ നടനോ അഭിഭാഷകനോ അധ്യാപകനും ആരുമായിക്കൊള്ളട്ടെ ഈ മൂന്ന് കാര്യങ്ങളും നിങ്ങളിലേക്ക് എത്തിക്കുവാൻ വേണ്ടി ശ്രമിക്കുമ്പോഴാണ് അയാളുടെ ജീവിതത്തിൽ വിജയം എത്തിക്കാൻ കഴിയുക എന്നത് സൂക്ഷ്മമായി പരിശോധിച്ചാൽ മനസ്സിലാവും. ഇതിന് വിരുദ്ധമായി നിങ്ങൾ വലിയ സംഭവമാണ് ആ കഴിവുള്ള ആളാണ് എന്ന വാക്കുകൾ കൊണ്ട് പറഞ്ഞിട്ട് കാര്യമില്ല. അതെ യാഥാർത്ഥ്യമാണ് എന്ന് ജീവിതത്തിൽ കൂടി കാണിച്ചു കൊടുക്കുവാൻ സാധിച്ചാൽ മാത്രമേ വിജയത്തിലേക്ക് എത്തുവാൻ സാധിക്കുകയുള്ളൂ. അങ്ങനെ പോസിറ്റീവ് ആയിട്ടുള്ള ഒരു സെയിൽ തന്ത്രം തീർച്ചയായും നിങ്ങളുടെ ജീവിതത്തിൽ ഉണ്ടാകണം. എങ്കിൽ മാത്രമേ നിങ്ങളെ മുന്നോട്ടു നയിക്കുവാൻ സാധിക്കുകയുള്ളൂ. ഏതൊരു പ്രോഡക്റ്റ് വിൽക്കുന്നതിന് മുൻപേ സ്വയം വിൽക്കുക എന്നുള്ള കാര്യം നിങ്ങളെ മറ്റുള്ളവരുടെ മുൻപിൽ ബോധ്യപ്പെടുത്തിയാൽ മാത്രമേ ഇഷ്ടപ്പെട്ടാൽ മാത്രമേ നിങ്ങളിൽ നിന്നും ഏതൊരു പ്രോഡക്റ്റ് വാങ്ങുകയുള്ളൂ എന്നറിയാമല്ലോ. അത് തന്നെ ആദ്യം നിങ്ങളെ സ്വയം ഒരു നല്ല പ്രോഡക്റ്റ് ആയി കാണുകയും അത് മറ്റുള്ളവർക്ക് ഉപയോഗപ്പെടുത്തുവാനും നിങ്ങൾക്ക് കഴിയണം.

കസ്റ്റമർ ഫീഡ്ബാക്ക്: സെയിൽസിൽ വിജയം നേടാൻ ഉള്ള രഹസ്യം... Read More

സെയിൽസിനെക്കുറിച്ചുള്ള ടിപ്പുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക.