കൊച്ചി: ഇന്ത്യയിലെ മുൻനിര എസ്.യു.വി നിർമ്മാതാക്കളായ മഹീന്ദ്ര ആൻഡ് മഹീന്ദ്ര ലിമിറ്റഡ് 'ബിഗ് ഡാഡി ഓഫ് എസ്.യു.വീസ്' എന്ന് വിശേഷണമുള്ള സ്കോർപിയോ-എൻ മോഡലിന്റെ കാർബൺ പതിപ്പ് പുറത്തിറക്കി. സ്കോർപിയോ എൻ മോഡലിന്റെ വിൽപ്പന രണ്ട് ലക്ഷം കൈവരിച്ചതിന്റെ ഭാഗമായാണ് കമ്പനി പുതിയ വകഭേദം പുറത്തിറക്കിയത്.

പ്രത്യേകമായി നിർമ്മിച്ച ഇന്റീരിയറുകളോടെയാണ് കാർബൺ പതിപ്പ് എത്തുന്നത്. പ്രീമിയം ലെതറെറ്റ് സീറ്റുകളും കോൺട്രാസ്റ്റ് ഡെക്കോ-സ്റ്റിച്ചിംഗും ഉപയോഗിച്ച് ടോൺ-ഓൺ-ടോൺ ശൈലിയെ എടുത്തുകാണിക്കുന്നതാണ് സ്കോർപിയോ-എൻ കാർബണിന്റെ ഇന്റീരിയറുകൾ. മെറ്റാലിക് ബ്ലാക്ക് തീമും കാർബൺ പതിപ്പിനെ വേറിട്ടതാക്കുന്നു. കറുപ്പ് നിറത്തിലെ അലോയ് വീലുകൾ, ഡാർക്ക് ഗാൽവാനോ ഫിനിഷിലുള്ള റൂഫ് റെയിലുകൾ, സ്മോക്ക്ഡ് ക്രോം ഫിനിഷിങ് തുടങ്ങിയവയും സ്കോർപിയോ-എൻ കാർബണിന്റെ ഭംഗി കൂട്ടുന്നു.

ഇസഡ്8, ഇസഡ്8എൽ സെവൻ-സീറ്റർ വേരിയന്റുകളിൽ മാത്രമായിരിക്കും ഈ പ്രത്യേക പതിപ്പ് ലഭ്യമാവുക. 5 സ്റ്റാർ ഗ്ലോബൽ എൻസിഎപി റേറ്റിംഗ് ഉൾപ്പടെയുള്ള സമഗ്ര സുരക്ഷാ സവിശേഷതകളാൽ രൂപകൽപ്പന ചെയ്ത സ്കോർപിയോ-എൻ, എസ്.യു.വി രംഗത്ത് പുതിയ മാനദണ്ഡങ്ങൾ സ്ഥാപിച്ചാണ് വിപണിയിൽ എത്തിയത്.

സ്കോർപിയോ-എൻ കാർബൺ എഡിഷന്റെ വേരിയന്റ് തിരിച്ചുള്ള എക്സ്-ഷോറൂം വില: ഇസഡ്8 പെട്രോൾ മാനുവൽ -19,19,400 രൂപ, ഓട്ടോമാറ്റിക് - 20,70,000. ഡീസൽ 2ഡബ്ല്യുഡി എംടി- 19,64,700, 2ഡബ്ല്യുഡി എടി - 21,18,000, 4ഡബ്ല്യുഡി എംടി - 21,71,700, 4ഡബ്ല്യുഡി എടി - 23,44,100. ഇസഡ്8എൽ പെട്രോൾ എംടി - 20,89,500, എടി - 22,31,200. ഡീസൽ 2ഡബ്ല്യുഡി എംടി - 21,29,900, 2ഡബ്ല്യുഡി എടി - 22,76,100, 4ഡബ്ല്യുഡി എംടി - 23,33,100, 4ഡബ്ല്യുഡി എടി - 24,89,100.