ലുലു എക്സ്ചേഞ്ച് കുവൈറ്റിൽ പുതിയതായി രണ്ട് ശാഖകൾ കൂടി തുറന്നു

രാജ്യത്ത് ഇതുവരെ 31 ശാഖകൾ ഇതോടെ രാജ്യത്തെ ലുലു എക്സ്ചേഞ്ചിന്റെ ആകെ ശാഖകളുടെ എണ്ണം 31 ആയി. സാൽമിയ 2, മംഗഫ് 3 എന്നിവിടങ്ങളിലാണ് പുതിയ ശാഖകൾ തുറന്നത്.കമ്പനി മാനേജ്മെന്റിന്റെ സാന്നിധ്യത്തിൽ ലുലു ഫിനാൻഷ്യൽ ഹോൾഡിംഗ്സ് മാനേജിംഗ് ഡയറക്ടർ അദീബ് അഹമ്മദ് ഇരുശാഖകളുടെയും ഉദ്ഘാടനം നിർവഹിച്ചു. രണ്ട് പുതിയ ശാഖകൾ തുറക്കുന്നതിലും അവ കുവൈറ്റിലെ ജനങ്ങൾക്ക് സമർപ്പിക്കുന്നതിലും തങ്ങൾ സന്തുഷ്ടരാണെന്ന് അദ്ദേഹം പറഞ്ഞു.

കുവൈറ്റ് സമ്പദ്വ്യവസ്ഥ ആയിരക്കണക്കിന് പ്രവാസികൾക്ക് ഒരു ജീവനാഡിയാണ്, ഉത്തരവാദിത്തമുള്ള സാമ്പത്തിക സേവന ദാതാവ് എന്ന നിലയിൽ, ഞങ്ങളുടെ സേവനങ്ങൾ ഞങ്ങളുടെ ഉപഭോക്താക്കളിലേക്ക് കൂടുതൽ അടുപ്പിക്കുന്നതിനായി ഞങ്ങളുടെ നെറ്റ്വർക്ക് വിപുലീകരിക്കാൻ ഞങ്ങൾ താൽപ്പര്യപ്പെടുന്നു,അദീബ് അഹമ്മദ് വ്യക്തമാക്കി.സാൽമിയയിൽ നടന്ന ഉദ്ഘാടന ചടങ്ങിൽ ഹംസ പയ്യന്നൂർ, സിദ്ദിഖ് മദനി, ലുലു എക്സ്ചേഞ്ച് ജനറൽ മാനേജർ ഷൈജു മോഹൻദാസ്, ഡെപ്യൂട്ടി ജനറൽ മാനേജർ സുബാഹീർ തയ്യിൽ, ഹെഡ് ഓഫ് ഓപറേഷൻ ഷഫാസ് അഹമ്മദ്, ലുലു ഫിനാൻഷ്യൽ അംഗങ്ങൾ എന്നിവർ പങ്കെടുത്തു.

മംഗഫിൽ നടന്ന ഉദ്ഘാടനച്ചടങ്ങിൽ കുവൈറ്റ് ലുലു ഹൈപ്പർമാർക്കറ്റ് ഡയറക്ടർ മുഹമ്മദ് ഹാരിസ്, ലുലു എക്സ്ചേഞ്ച് ജനറൽ മാനേജർ ഷൈജു മോഹൻദാസ്, ഡെപ്യൂട്ടി ജനറൽ മാനേജർ സുബാഹീർ തയ്യിൽ, ഹെഡ് ഓഫ് ഓപറേഷൻ ഷഫാസ് അഹമ്മദ്, ലുലു ഫിനാൻഷ്യൽ അംഗങ്ങൾ എന്നിവർ പങ്കെടുത്തു. 2023 ൽ കുവൈറ്റിൽ മൂന്ന് പുതിയ ശാഖകൾ കൂടി തുറക്കുകയാണ് ലക്ഷ്യം. ആഗോള തലത്തിൽ 264 ശാഖകളാണ് ലുലു ഫിനാൻഷ്യൽ ഗ്രൂപ്പിനുള്ളത്. ലുലു എക്സ്ചേഞ്ച് 2012-ൽ പ്രവർത്തനം ആരംഭിച്ച ലുലു എക്സ്ചേഞ്ച് കുവൈറ്റിലെ പ്രമുഖവും വിശ്വസനീയവുമായ സാമ്പത്തിക സേവന ദാതാക്കളിൽ ഒന്നാണ്. ദൈനംദിന ക്രോസ്- ബോർഡർ ഇടപാടുകൾ നടത്താൻ ആഗ്രഹിക്കുന്ന ഉപഭോക്താക്കൾക്ക് ഉയർന്ന നിലവാരമുള്ള സേവനം നൽകുന്നതിൽ പ്രശസ്തരാണ് ഈ ISO:9001സർട്ടിഫൈഡ് കമ്പനി. കമ്പനിയുടെ മണി ട്രാൻസ്ഫർ മൊബൈൽ ആപ്പ്, ലുലു മണി, രാജ്യത്തെ ഏറ്റവും ഉയർന്ന റേറ്റിംഗ് ഉള്ള പേയ്മെന്റ് ആപ്പുകളിൽ ഒന്നാണ്.