പോളിസി ഉടമകളും ചെറുകിട നിക്ഷേപകരുമാണ് എല്‍ ഐ സിയുടെ ഐ പി ഒ വിജയത്തിന് കാരണം

എല്‍ഐസി ചില ഐപിഒ അപേക്ഷകള്‍ നിരസിച്ചേക്കും. സാങ്കേതിക കാരണങ്ങളാല്‍ എല്‍ഐസിയുടെ ഐപി ഒ അപേക്ഷകളില്‍ 10 ലക്ഷം എങ്കിലും നിരസിക്കപ്പെടാന്‍ സാധ്യത. ചെറുകിട നിക്ഷേപകരില്‍ നിന്നും ലഭിച്ച 73 ലക്ഷത്തോളം അപേക്ഷകളില്‍ 65 ലക്ഷത്തോളം അപേക്ഷകളെ പരിഗണിക്കാനാകൂ എന്ന്  അതുമായി ബന്ധപ്പെട്ട  വൃത്തങ്ങള്‍ വ്യക്തമാക്കിയതായി ദേശീയ മാധ്യമം റിപ്പോര്‍ട്ട് ചെയ്തു. എല്‍ ഐ സി യുടെ ലിസ്റ്റിങിന് മുന്‍പായി എത്ര അപേക്ഷകള്‍ മൊത്തം ലഭിച്ചുവെന്നും എത്രയെണ്ണം നിരസിച്ചുവെന്നുമുള്ള കണക്കുകള്‍ പുറത്തുവിടും. നിരസിച്ച അപേക്ഷകളുടെ പണം നാളെ തിരിക  ലഭിക്കും.

ലിസ്റ്റിങ് എങ്ങനെയാകുമെന്ന് ആശങ്ക

പോളിസി ഉടമകളും ചെറുകിട നിക്ഷേപകരുമാണ് എല്‍ ഐ സിയുടെ ഐ പി ഒ വിജയത്തിന് കാരണം. വന്‍കിട നിക്ഷേപകരില്‍ നിന്നുള്ള തണുത്ത പ്രതികരണം എല്‍ ഐ സി യുടെ ലിസ്റ്റിങിനെ ബാധിക്കാന്‍ സാധ്യതയുണ്ടെന്ന് റിപ്പോര്‍ട്ടുകളുണ്ട്. വിദേശ നിക്ഷേപകരും എല്‍ ഐ സിയുടെ ഐ പി ഒക്കെതിരെ മുഖം തിരിച്ചുവെന്നു കണക്കുകള്‍ സൂചിപ്പിക്കുന്നു.

ഷെയര്‍ മാര്‍ക്കറ്റില്‍ നിന്ന് എങ്ങനെ ബുദ്ധിപൂര്‍വം പണം നേടാം  ... Read More

ഓഹരി വിപണി ഉഷാറല്ലാത്തതിനാല്‍  എക്‌സ്‌ചേഞ്ചുകളില്‍ എല്‍ഐസിയുടെ  ലിസ്റ്റിങ് എങ്ങനെയാകുമെന്ന ആശങ്കകളുണ്ട്. എല്‍ ഐ സി യുടെ ഗ്രേ മാര്‍ക്കറ്റ് പ്രീമിയത്തില്‍ ഇപ്പോള്‍ തന്നെ ഇടിവും രേഖപ്പെടുത്തുന്നു. ലിസ്റ്റ് ചെയ്യുന്നതിന് മുന്‍പായി ഐ പി ഒയുടെ വിപണിയിലുണ്ടാകുന്ന ഡിമാന്‍ഡിനെയാണ് ഗ്രേ മാര്‍ക്കറ്റ് പ്രീമിയം എന്നതുകൊണ്ട് ഉദ്ദേശിക്കുന്നത്. ഗ്രേ മാര്‍ക്കറ്റ് പ്രീമിയം ഇനിയും ഇടിയുകയാണെങ്കില്‍ ഐ പി ഓ വിലയേക്കാള്‍ കുറഞ്ഞ വിലക്കായിരിക്കും ഓഹരി വിപണിയില്‍ ലിസ്റ്റ് ചെയ്യപ്പെടുക. 

എല്‍ ഐ സി യുടെ ഓഹരി അലോട്ട്‌മെന്റ് മെയ് 12നും സ്റ്റോക്ക് എക്‌സ്ചഞ്ചുകളിലെ ലിസ്റ്റിങ് മെയ് 17 നും ആയിരിക്കും. ഡീമാറ്റ് അക്കൗണ്ടുകളിലേക്ക് ഓഹരികള്‍ മെയ് 16ന്  എത്തും.  നിങ്ങള്‍ക്ക്  ഐ പി ഒ  അലോട്ട് ചെയ്തിട്ടുണ്ടോയെന്ന്  ബിഎസ്ഇ, എന്‍എസ് ഇ വെബ്‌സൈറ്റുകളില്‍  നിന്ന്  അറിയാം.

ടെലഗ്രാമും ക്രിപ്‌റ്റോ പേയ്മെന്റിലേക്ക് ചുവടു വയ്ക്കുന്നു ... Read More

www.bseindia.com സെറ്റില്‍ പോയി എല്‍ ഐ സി ഐ പി ഒ എന്നത് എടുത്ത്  അപ്ലിക്കേഷന്‍ നമ്പര്‍ അടിച്ചുകൊടുക്കുക 

പാന്‍ നമ്പര്‍ കൊടുത്ത് ക്യാപ്ച്ച പൂരിപ്പിച്ച് സബ്മിറ്റ് ബട്ടണ്‍ അമര്‍ത്തുക 

അലോട്ട് ചെയ്തിട്ടുണ്ടെങ്കില്‍ വിവരം ലഭിക്കും.  

www.nseindia.com എന്ന സെറ്റില്‍  'ഇക്വിറ്റി' എന്നതില്‍ പോയി എല്‍ ഐ സി ഐ പി ഒ   തിരഞ്ഞെടുത്ത്  

ആപ്ലിക്കേഷന്‍ നമ്പറും പാനും   കൊടുത്തും അലോട്ട്‌മെന്റ് ഉണ്ടോ എന്നറിയാം. 

സര്‍ക്കാര്‍ 3.5 ശതമാനം ഓഹരികളാണ് ഐ പി ഓയിലൂടെ  വില്‍ക്കുന്നത്.ഓഹരി വിപണിയുടെ ചരിത്രത്തിലെ എക്കാലത്തെയും വലിയ ഐ പി ഒ ആയ എല്‍ ഐ സി യുടെ ഐ പി ഒയില്‍  പങ്കെടുക്കാന്‍ ബ്രോക്കറേജ് സ്ഥാപനങ്ങള്‍ എല്ലാം തന്നെ പല സൗകര്യങ്ങളും പുതിയതായി ഒരുക്കിയിരുന്നു. വളരെ നല്ല പ്രതികരണമായിരുന്നു നിക്ഷേപകരില്‍നിന്നു എല്‍ ഐ സി യുടെ ഐ പി ഓയ്ക്ക് ലഭിച്ചത്. ഓഫര്‍ 3 മടങ്ങോളം അധികം സബ്‌സ്‌ക്രൈബ് ചെയ്തു. ഐ പി ഒ യില്‍ ഒരു ഓഹരിക്ക് 902-949 രൂപയാണ് പ്രൈസ് ബാന്‍ഡ്. എല്‍ ഐ സിയുടെ പോളിസി ഉടമകള്‍ക്കായി 10 ശതമാനം സംവരണവും ഏര്‍പ്പെടുത്തിയിരുന്നു.