Home India Finance

കേരളാ ബാങ്ക് രാജ്യത്ത് ഒന്നാമത്

Friday, Apr 29, 2022

വിവര സാങ്കേതിക വിദ്യയുടെ ഉപയോഗം, കമ്പ്യൂട്ടർവൽകരണം, നേതൃപാടവം തുടങ്ങിയവ പരിഗണിച്ചാണ് കേരള ബാങ്കിനെ അംഗീകരിച്ചത്‌

സഹകരണ ബാങ്കിങ്‌ മേഖലയിലെ പ്രവർത്തന മികവിന് കേരള ബാങ്കിന് ദേശീയതലത്തിൽ അവാർഡ്. നാഷണൽ ഫെഡറേഷൻ ഓഫ് സ്റ്റേറ്റ് കോ-–-ഓപ്പറേറ്റീവ് ബാങ്ക് ഏർപ്പെടുത്തിയ അവാർഡിനാണ്‌ അർഹമായത്‌. സഹകരണ മേഖലയിലെ വായ്‌പാ വിതരണത്തിന്റെ വളർച്ച അടക്കമുള്ള പ്രവർത്തനങ്ങളാണ്‌‌ കേരള ബാങ്കിനെ‌ ഒന്നാമതെത്തിച്ചത്‌‌. റായ്‌പുരിൽനടന്ന ചടങ്ങിൽ കേരള ബാങ്ക് ജനറൽ മാനേജർ സി സുനിൽ ചന്ദ്രൻ ഛത്തീസ്ഗഢ്‌ മുഖ്യമന്ത്രി ഭൂപേഷ് ബാഗേലിൽനിന്ന് അവാർഡ് സ്വീകരിച്ചു.

നിക്ഷേപം വര്‍ദ്ധിപ്പിച്ച് കേരള ബാങ്ക്; 1,06,396 കോടിയുടെ ഇടപാട്, 18200 കോടി വായ്പ... Read More

സംസ്ഥാന സഹകരണ ബാങ്കുകളുടെ വികസനം ലക്ഷ്യമിട്ടാണ്‌ ദേശീയതലത്തിൽ അപ്പെക്‌സ്‌ ഫെഡറേഷന്റെ പ്രവർത്തനം. 1964ൽ സ്ഥാപിതമായ സംഘടന 1982-–-83 മുതൽ സഹകരണ ബാങ്കിങ്‌ മേഖലയിലെ മികവുകൾക്ക്‌ അവാർഡ് നൽകുന്നു. ഗ്രാമീണ ജനതയ്‌ക്കും കർഷകർക്കും മെച്ചപ്പെട്ട ബാങ്കിങ്‌ സേവനങ്ങൾ ഉറപ്പാക്കുന്ന ദ്വിതല സംവിധാനം വിജയകരമായി നടപ്പാക്കിയ സംസ്ഥാനമാണ് കേരളം. ജനാധിപത്യ പ്രവർത്തനം, വിഭവസമാഹരണവും വികസനവും, ബാങ്കിങ്‌ സേവനങ്ങൾ പരമാവധി ഗുണഭോക്താക്കളിലേക്ക് എത്തിക്കുന്നതിൽ കൈവരിച്ച വിജയം, മികച്ച വായ്‌പാ തിരിച്ചുപിടിക്കൽ നടപടികൾ, കുടിശ്ശിക നിർമാർജനം, സാമ്പത്തിക സാക്ഷരതാ രംഗത്തെ മുന്നേറ്റം, മികച്ച ലാഭനേട്ടം, ഭരണ നൈപുണ്യം, വിവര സാങ്കേതിക വിദ്യയുടെ ഉപയോഗം, കമ്പ്യൂട്ടർവൽകരണം, നേതൃപാടവം തുടങ്ങിയവ പരിഗണിച്ചാണ് കേരള ബാങ്കിനെ അംഗീകരിച്ചത്‌.

ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.