ഒരു മനുഷ്യന്റെ ഏറ്റവും മോശമായ വികാരമാണ് അസൂയ. ഈ സ്വഭാവം അവനവന്റെ നാശത്തിന് ഇടയാക്കും. മറ്റുള്ളവർ അസൂയഉള്ളവരെ വെറുക്കുന്നതിനു കാരണമാകാം. ചില ആളുകൾക്ക് ഉണ്ടാകുന്ന വികാരമാണ് അസൂയ. മറ്റുള്ളവരുടെ വിജയവും നല്ല ജീവിതവും കാണുമ്പോൾ ഉണ്ടാകുന്ന സന്തോഷ മില്ലായിമയാണ് അസൂയ. ഇത് എല്ലാവരുടെയും നിത്യജീവിതത്തിൽ വിഷമങ്ങൾ ഉണ്ടാക്കുന്നു. നമുക്ക് ആരുടെ നേരെയാണോ അസൂയയുണ്ടാകുന്നത് അവരെക്കാൾ കഷ്ടനഷ്ടങ്ങൾ ഉണ്ടാകുന്നത് അസൂയ തോന്നിയ ആളിനാണ്. അസൂയ ഒരു പകർച്ചവ്യാധിക് തുല്യമാണ്. അസൂയയ്ക്കും കഷണ്ടിക്കും മരുന്നില്ലന്ന് പറയാറുണ്ട്. എന്നാൽ കഷണ്ടിക്ക് മരുന്നു കണ്ടുപിടിച്ചെങ്കിലും അസൂയയ്ക്ക് മരുന്നു കണ്ടുപിടിക്കാൻ സാധ്യമല്ല. അസൂയ കാരണം ചില ആൾക്കാർ മറ്റുള്ളവരെ ദ്രോഹിക്കാൻ വേണ്ടി ഇറങ്ങും. ഉദാഹരണമായി വേറൊരാൾ വിജയിക്കുമ്പോൾ ഉണ്ടാകുന്ന അസൂയ കൊണ്ട് ആ വിജയത്തെ പരാജയമാക്കാൻ അവർ ശ്രമിക്കും. അങ്ങനെ ദ്രോഹ വിചാരം ഉണ്ടാകുന്ന സമയത്ത് അവരുടെ ലക്ഷ്യം, സമയം, ധനം എല്ലാം തന്നെ മറന്നു കൊണ്ട് മറ്റുള്ളയാളിനെ ഫോക്കസ് ചെയ്യുകാണ് പതിവ്. ഇത് അവരുടെ ജീവിതത്തിലെ ഏറ്റവും വലിയ പരാജയത്തിന് കാരണമാകും. അസൂയ മാറാൻ എന്തൊക്കെ ചെയ്യാം എന്നതിനെക്കുറിച്ചാണ് ഇന്ന് നോക്കുന്നത്.

• മനുഷ്യന്റെ ജീവിതത്തിൽ എറ്റവും പ്രധാനപ്പെട്ടതാണ് സഹകരിക്കാനുള്ള സന്നദ്ധത. പ്രകൃതിയിലുള ചെറു പ്രാണികൾ മുതൽ എല്ലാ ജീവജാലങ്ങളിലും സഹകരണമുള്ളിടത്താണ് ജീവിതം മുന്നോട്ടുപോകുന്നത്. അസൂയ കാരണം സഹകരിക്കാനുള്ള കഴിവ് കുറയുകയും അങ്ങോട്ടുമിങ്ങോട്ടും പാര വെക്കുന്ന ഒരു അവസ്ഥയിൽ എത്തും.
• നിങ്ങളോട് മറ്റുള്ളവർ എങ്ങനെ പെരുമാറണം എന്ന് വിചാരിക്കുന്നുവോ ആ രീതിയിലാണ് നിങ്ങൾ മറ്റുവരോടും പെരുമാറേണ്ടത്. അവരുടെ ജീവിതത്തിൽ ഉയർച്ചയുണ്ടാകുന്നത് അവരുടെ കഴിവ് കൊണ്ടോ അവരുടെ പല സാഹചര്യങ്ങൾ കൊണ്ടാ ആവാം. അവരുടെ വളർച്ചയിൽ അസൂയപ്പെടാതെ നിങ്ങളുടെ ജീവിതത്തിൽ എങ്ങനെ വളർച്ചയുണ്ടാക്കും എന്നാണ് ഫോക്കസ് ചെയേണ്ടത്.
• നിങ്ങളുടെ അസൂയ കൊണ്ട് മറ്റുള്ളവരുടെ മനസ്സിൽ ഉണ്ടാക്കുന്ന വേദന പല കുഴപ്പങ്ങൾക്കും കാരണമാകാം. തിരിച്ചു നിങ്ങളും അവരുടെ ശത്രുതയ്ക്ക് ഇടവരുത്താം. ഇത് നിങ്ങളുടെ ജീവിത പുരോഗതിയെ വളരെ കാര്യമായി ബാധിക്കാം.
• വിജയികളെല്ലാവരും മറ്റുള്ളവരുടെ പ്രവർത്തി കൊണ്ട് അവർക്ക് വലിയ നഷ്ടമോ നാശം ഉണ്ടായാൽ അതിനെക്കുറിച്ച് ആലോചിച്ചു പകരം വീട്ടാൻ കാത്തു നിൽക്കാതെ നിയമപരമായി കാര്യങ്ങൾ ചെയ്ത് അവരുടെ ലക്ഷ്യങ്ങൾ മാത്രം ഫോക്കസ് ചെയ്തു മുന്നോട്ടുപോകുന്നതാണ് കാണുന്നത്.
• ചില ആൾക്കാർക്ക് മറ്റുള്ളവരുടെ വിജയം കാണുമ്പോൾ ഞാൻ വളരെ മോശപ്പെട്ട ആളാണെന്ന് തോന്നലുണ്ടാകും. മറ്റുള്ളവരുടെ വളർച്ചയിൽ അല്ല നിങ്ങളുടെ വിജയം ഇരിക്കുന്നത് എന്ന സത്യം മനസ്സിലാക്കുക.
• മറ്റൊരാളുമായി താരതമ്യം ചെയ്യാൻ പാടില്ല. ഓരോ വ്യക്തിക്കും ഓരോ തരത്തിലാണ് കഴിവ്. കമ്പാരിസൺ പരിപൂർണ്ണമായി ഒഴിവാക്കണം.
• മറ്റുള്ളവരുടെ വളർച്ചയിൽ സന്തോഷിക്കുന്ന സ്വഭാവം നമ്മൾ ഉണ്ടാക്കണം.

ഇക്കി ഗായ് എന്ന പുസ്തകത്തിൽ പറയുന്നുണ്ട് വിജയിച്ച ചില ആൾക്കാരെ കാണുമ്പോൾ ജപ്പാനിലെ ചില ആൾക്കാർ അവരെ അനുഗ്രഹിക്കാറുണ്ട്. അവരുടെ വിശ്വാസം അനുസമനുസരിച് അങ്ങനെ അവരെ അനുഗ്രഹിക്കുമ്പോൾ അവരുടെ കഴിവ് കിട്ടുമെന്നാണ്. മറ്റുള്ളവരുടെ വിജയത്തിൽ സന്തോഷിക്കുകയും അവരെ അനുഗ്രഹിക്കുകയും ചെയ്യുമ്പോൾ സന്തോഷമുണ്ടാക്കുകയും അസൂയ നഷ്ടപ്പെടുകയും ചെയ്യും.

ഓവർ തിങ്കിംഗ് എങ്ങനെ പരിഹരിക്കാം?... Read More

ലോക്കൽ എക്കോണമി എന്ന ഈ ന്യൂസ് പോർട്ടൽ ജനങ്ങളെ ലോക്കൽ ടു ഗ്ലോബൽ എന്ന നിലയിൽ ഉയർത്തുക എന്നതാണ് ലക്ഷ്യമാക്കുന്നത്. ഈ പോർട്ടലിൽ രാവിലെ പോസിറ്റീവ് വാർത്തകൾ മാത്രമാണ് പോസ്റ്റ് ചെയ്യുന്നത്. രാവിലെ നെഗറ്റീവ് വാർത്ത കേൾക്കാതെ പോസിറ്റീവ് വാർത്തകൾ മാത്രം വായിക്കാൻ ആഗ്രഹിക്കുന്ന ആൾക്കാർ ഈ പോർട്ടൽ സബ്സ്ക്രൈബ് ചെയ്യുക, ഫോളോ ചെയ്യുക.