റിയൽ എസ്റ്റേറ്റ് രംഗത്ത് വസ്തു വാങ്ങുമ്പോൾ ബ്ലാക്കിൽ വാങ്ങിക്കുന്ന ഒരു ഏർപ്പാടാണ് പൊതുവേ കാണാറുള്ളത്. ഇത് കൊണ്ടുള്ള അപകടങ്ങൾ എന്തൊക്കെയാണ് എന്നതാണ് ഇന്ന് പരിശോധിക്കുന്നത്.

റിയൽ എസ്റ്റേറ്റ് പൊതുവേ പണ്ടുമുതൽ തന്നെ ബ്ലാക്ക് മണിയിലാണ് കൂടുതൽ ഡീൽ ചെയ്യാനുള്ളത്, ഇതിന്റെ പ്രധാനപ്പെട്ട കാരണം വമ്പിച്ച സ്റ്റാമ്പ് ഡ്യൂട്ടിയാണ്.സ്റ്റാമ്പ് ഡ്യൂട്ടി വളരെ കൂടുതൽ വയ്ക്കുന്നത് കാരണം വാങ്ങുന്നവർക്ക് വളരെയധികം നഷ്ടമുണ്ടാകാറുണ്ട്. 10% ആണ് സ്റ്റാമ്പ് ഡ്യൂട്ടി വരുന്നത്. ഈ 10 ശതമാനം എന്ന് പറയുന്നത് ഒരു വലിയ എമൗണ്ട് തന്നെയാണ്. ഇത് കൊടുക്കാതിരിക്കാൻ വേണ്ടിയാണ് പല ആളുകളും റിയൽ എസ്റ്റേറ്റിൽ വസ്തു കച്ചവടം നടത്തുമ്പോൾ ബ്ലാക്ക് മണിയിൽ ചെയ്യുന്നത്. ഇങ്ങനെ ബ്ലാക്ക് മണിയിൽ ചെയ്യുന്നതാണ് 99% ആളുകളും. എന്നാൽ ഇന്ന് ഇതിന് വളരെ കാര്യമായ ഇടിവ് സംഭവിച്ചുകൊണ്ടിരിക്കുകയാണ്. ഇന്ന് ലോണെടുത്ത് വസ്തു വാങ്ങുമ്പോൾ പൂർണ്ണമായും സ്റ്റാമ്പ് ഡ്യൂട്ടി കാണിച്ചു മാത്രമേ ചെയ്യാൻ സാധിക്കുകയുള്ളൂ. എങ്കിൽ മാത്രമേ ലോൺ നൽകുകയുള്ളൂ. അതുപോലെതന്നെ ഇന്ന് റിയൽ എസ്റ്റേറ്റ് രംഗത്ത് ബ്ലാക്ക് മണി മാറി വൈറ്റ് മണിയിലോട്ട് കൺവേർട്ട് ആയിക്കൊണ്ടിരിക്കുകയാണ്. അതുകൊണ്ട് തന്നെ പലരും ബ്ലാക്ക് മണിയിലൂടെ വീണ്ടും ചെയ്തു ടാക്സ് ലാഭിക്കാം എന്ന് വിചാരിച്ച് ചെയ്യുകയാണെങ്കിൽ നിങ്ങൾക്ക് വളരെ ഭീമമായ അബദ്ധങ്ങൾ പറ്റുവാൻ സാധ്യതയുണ്ട്. അങ്ങനെ നിങ്ങൾക്ക് പറ്റാവുന്ന അബദ്ധങ്ങൾ എന്തൊക്കെയാണ് എന്നാണ് ഇന്ന് പരിശോധിക്കുന്നത്.

• ബ്ലാക്ക് മണിയിലാണ് നിങ്ങൾ വസ്തു വിൽക്കുന്നതെങ്കിൽ, ഒരു വ്യക്തിയുടെ കയ്യിൽ 2 ലക്ഷം രൂപയിൽ കൂടുതൽ വയ്ക്കുകയാണെങ്കിൽ അത് വളരെ ഗുരുതരമായ തെറ്റാണ്. ആരെങ്കിലും നിങ്ങൾക്കെതിരെ പരാതി കൊടുക്കുകയാണെങ്കിൽ റെയ്ഡോ മറ്റു കാര്യങ്ങൾ വരികയാണെങ്കിൽ നിങ്ങളുടെ മുഴുവൻ തുകയും സർക്കാരിന് കൊണ്ടുപോകാൻ സാധിക്കും. അതുകൊണ്ട് തന്നെ ബ്ലാക്ക് മണിയിൽ വിൽക്കുക എന്നത് വളരെ അപകടകരമായ ഒരു കാര്യമാണ്.
• അല്ലെങ്കിൽ ഈ പൈസയ്ക്ക് വ്യക്തമായ സോഴ്സ് കാണിക്കാൻ നിങ്ങൾക്ക് കഴിയണം.
• വാങ്ങിച്ച ആളിനെ സംബന്ധിച്ചിടത്തോളം ബ്ലാക്ക് മണി കൊടുത്തതിന്റെ സോഴ്സ് കാണിക്കേണ്ടി വരും. വിറ്റ ആളിനും വാങ്ങിച്ച ആളിനും ഒരുപോലെ പ്രശ്നമായി മാറും.
• ഈ പൈസ കൊണ്ട് നിങ്ങൾക്ക് വേറൊരു കാര്യം ചെയ്യാൻ സാധിക്കില്ല എന്നതാണ് വാസ്തവം. ഇതിന് നിയമങ്ങൾ ഇന്ന് വളരെ കർശനമായി കൊണ്ടിരിക്കുകയാണ്. വരുംകാലങ്ങളിൽ ഈ ബ്ലാക്ക് മണി കൊണ്ട് നിങ്ങൾക്ക് ഇടപാടുകൾ ചെയ്യാൻ പറ്റാത്ത അവസ്ഥയിലോട്ട് വരും. ഇതിന് ഒരു ചവിട്ടുപടിയാണ് 2000 രൂപ നോട്ടുകൾ ഇപ്പോൾ നിരോധിച്ചിരിക്കുന്നത് എന്ന് വേണം കരുതാൻ.
• ഇന്ന് വസ്തുക്കൾ പലതും ബിസിനസ് നടക്കാത്തതിന്റെ കാരണങ്ങളിൽ ഒന്ന് ഈ തരത്തിലുള്ള ബ്ലാക്ക് മണിയുടെ പ്രശ്നം കൊണ്ടാണ്.
• കോപ്പറേറ്റ് സ്ഥാപനങ്ങൾ ല ഇടപാടുകൾ പലതും ബ്ലാക്ക് മണി ഉപേക്ഷിച്ചു കൊണ്ടിരിക്കുകയാണ്. എല്ലാം വൈറ്റ് മണിയിലാണ് ഇടപാട് ചെയ്യാറുള്ളത്. സർക്കാർ സ്ഥാപനങ്ങൾ മുഴുവനും വൈറ്റ് മണിയിൽ മാത്രമേ ചെയ്യാറുള്ളൂ.അതുകൊണ്ടുതന്നെ ഇടപാട് കൂലിയിൽ വളരെയധികം ശ്രദ്ധ ചെലുത്തേണ്ടതാണ്.
• വസ്തു വില കുറച്ചു കാണിച്ച് ഇടപാട് ചെയ്യുകയാണെങ്കിൽ പിന്നീട് തൊട്ടടുത്ത വസ്തുക്കളുടെ ഇടപാട് ചെയ്യുന്ന സമയത്ത് നിങ്ങൾ വിറ്റ വസ്തുവിനെക്കാൾ വില കൂടുതൽ ആണെങ്കിൽ വസ്തുവിലെ വില കുറച്ചു വിറ്റു എന്ന പേരിൽ നിങ്ങൾക്ക് നോട്ടീസ് വരാൻ സാധ്യതയുണ്ട്.

അതുകൊണ്ട് തന്നെ കഴിയുന്നത്ര വസ്തുക്കൾ വൈറ്റ് മണിയിൽ വിൽക്കാൻ വേണ്ടി ശ്രമിക്കുക എന്നതാണ് ഇതിനുള്ള ഏക പരിഹാരം. പക്ഷേ ഇതിന് എല്ലാവരും തയ്യാറാകുന്നില്ല എന്നുള്ളതാണ് വാസ്തവം. പക്ഷേ കഴിയുന്നത്ര വൈറ്റ് മണിയിലോട്ട് കൺവേർട്ട് ചെയ്യുന്നതായിരിക്കും എപ്പോഴും വസ്തു വിൽപ്പനയ്ക്ക് സേഫ് ആയിട്ടുള്ള കാര്യം.

റിയൽ എസ്റ്റേറ്റ് രംഗത്ത് ബ്രോക്കറായി പ്രവൃത്തിക്കാൻ ഇപ്പോൾ പറ്റിയ സമയമോ?... Read More

റിയൽ എസ്റ്റേറ്റ് രംഗത്ത് പ്രയോജനകരമായ ടിപ്പ്സുകളും അറിവുകളും നിരന്തരം ലഭിക്കുവാൻ ഈ പോർട്ടൽ ഫോളോ ചെയ്യുക.