ഇനിയൊരു അടച്ചു പൂട്ടല്‍ കൂടി സിനിമാ മേഖലയ്ക്ക് താങ്ങാന്‍ സാധിക്കില്ലെന്ന് ഉറപ്പാണ്

സാമ്പത്തിക മേഖലയെ തകര്‍ത്തു കൊണ്ട് വീണ്ടും കോവിഡിന്റെ താണ്ഡവം. അതിന്റെ പ്രത്യാഘാതം സിനിമാ മേഖലയെയും ബാധിച്ചിരിക്കുകയാണ്. സംസ്ഥാനത്ത് കോവിഡ് നിയന്ത്രണങ്ങള്‍ കടുപ്പിക്കുന്നതോടെ സിനിമാ മേഖലയും വീണ്ടും പ്രതിസന്ധിയിലായി.

രണ്ടാം തരംഗത്തിനുശേഷം തുറന്ന തിയേറ്ററുകള്‍ ഉണര്‍വിലേക്കു വരുന്നതിനിടയിലാണ് വീണ്ടും നിയന്ത്രണങ്ങള്‍ വന്നിരിക്കുന്നത്. മലയാള ചിത്രം 'കള്ളന്‍ ഡിസൂസ'മുതല്‍ 'ആര്‍.ആര്‍.ആര്‍.'വരെ റിലീസ് മാറ്റിവെച്ചവയില്‍ ഉള്‍പ്പെടുന്നു. കൂടുതല്‍ സിനിമകള്‍ റിലീസ് മാറ്റുന്ന കാര്യം പരിഗണിക്കുന്നുണ്ട്.

നയന്‍താരയുടെ ദുബായ് യാത്ര ആഘോഷത്തിന് മാത്രമല്ല, പിന്നില്‍ വമ്പന്‍ ബിസിനസ് തന്ത്രം... Read More

വെള്ളിയാഴ്ച 450-ഓളം സ്‌ക്രീനുകളിലായി റിലീസ് ചെയ്ത 'ഹൃദയം' ഇതിനകം രണ്ടരക്കോടിയോളം രൂപ നിര്‍മാതാവിനു ഷെയറായി നേടിക്കൊടുത്തിട്ടുണ്ടെന്നാണ് തിയേറ്റര്‍ ഉടമകളുടെ സംഘടനയായ 'ഫിയോക്' പറയുന്നത്. തിയേറ്ററുകളിലേക്ക് ആളുകള്‍ എത്തുന്നതിന്റെ തെളിവാണിതെന്നും അവര്‍ പറയുന്നു.

കോവിഡിന്റെ പേരില്‍ തിയേറ്ററുകള്‍ വീണ്ടും അടച്ചിടാന്‍ സര്‍ക്കാര്‍ നിര്‍ദേശിച്ചാല്‍ ശക്തമായി പോരാടാനാണ് 'ഫിയോകി'ന്റെ തീരുമാനം. പൊതു ഇടങ്ങളിലും മാളുകളിലും ബസുകളിലും ട്രെയിനുകളിലുമൊക്കെ ആളുകള്‍ കൂടുന്നതിനെപ്പറ്റി ഒന്നും പറയാത്ത സര്‍ക്കാര്‍ സിനിമാ തിയേറ്ററുകളെ മാത്രം അടച്ചിടല്‍ വിഭാഗത്തിലേക്കു കൊണ്ടുവരുന്നത് ന്യായീകരിക്കാനാകില്ലെന്നാണ് അവരുടെ നിലപാട്. 

കര കയറുന്ന സിനിമാ മേഖലയ്ക്ക് വീണ്ടും അടച്ചു പൂട്ടലോ?... Read More

സര്‍ക്കാര്‍ അങ്ങനെയൊരു തീരുമാനമെടുത്താല്‍ പ്രത്യക്ഷ സമരപരിപാടികളിലേക്ക് കടക്കാനും സംഘടന തീരുമാനിച്ചിട്ടുണ്ട്. ഇനിയൊരു അടച്ചു പൂട്ടല്‍ കൂടി സിനിമാ മേഖലയ്ക്ക് താങ്ങാന്‍ സാധിക്കില്ലെന്ന് ഉറപ്പായ സാഹചര്യത്തിലാണ് സംഘടനയുടെ ഇത്തരത്തിലുള്ള നീക്കം.