ഇന്നത്തെ കാലത്ത് കുട്ടികൾക്കും മുതിർന്നവർക്കുമെല്ലാം ഒരു പോലെ ഇഷ്ടപ്പെട്ട വിഭവമാണ് മയോണൈസ്. ഭക്ഷ്യവിഷബാധയേറ്റ് തൃശൂരിൽ 56 കാരി മരിച്ചതിന് പിന്നാലെ അറേബ്യൻ വിഭവമായ മയോണൈസ് വീണ്ടും വാർത്തകളിൽ ഇടം പിടിക്കുകയാണ്. കുഴിമന്തിക്കൊപ്പം കഴിച്ച മയോണൈസ് ആണ് ഉസൈബ എന്ന വീട്ടമ്മയുടെ ജീവനെടുത്തത്. ഏറെ മൃദുവായ ഈ കൂട്ട് പ്രധാനമായും ഫ്രൈഡ് ഐറ്റംസിനൊപ്പം. ഫ്രാൻസിൽ നിന്നുള്ള ഒരു കൂട്ടാണിത്. പലർക്കും ഏറെ പ്രിയങ്കരം. വറുത്ത ചിക്കനൊപ്പവും ഇതു പോലെയുള്ള ഭക്ഷണ വസ്തുക്കൾക്കൊപ്പം ഇതു പലരും വീണ്ടും വീണ്ടും കഴിയ്ക്കാറുമുണ്ട്. കുട്ടികൾക്കു പ്രത്യേകിച്ചും ഇഷ്ടമുള്ള വിഭവമാണിത്. പല രുചികളിലും ഇത് ലഭ്യവുമാണ്. ഇത് അൽപം കഴിച്ചാൽ എന്താണ് പ്രശ്നമെന്നാകും, പലരുടേയും ചോദ്യം. എന്നാൽ, മയോണൈസ് ആരോഗ്യത്തിന്റെ കാര്യം വരുമ്പോൾ ഒരു വില്ലനാണ്. ആരോഗ്യ പ്രശ്നങ്ങളുണ്ടാക്കുന്ന ഒന്നാണ് മയോണൈസ്.

എന്താണ് മയോണൈസ്

മുട്ടയുടെ മഞ്ഞക്കരു, എണ്ണ, വിനാഗിരി അല്ലെങ്കിൽ നാരങ്ങ നീര് എന്നിവ ഉപയോഗിച്ച് എമൽസിഫിക്കേഷൻ പ്രക്രിയ ഉപയോഗിച്ചാണ് മയോണൈസ് തയ്യാറാക്കുന്നത്. ചില സന്ദർഭങ്ങളിൽ മയോന്നൈസ് തയ്യാറാക്കലും സംഭരണവും ശരിയായ രീതിയിൽ ചെയ്യാത്തപ്പോൾ അത് ബാക്ടീരിയയുടെ വളർച്ചക്ക് വഴിയൊരുക്കുന്നു. പുറം രാജ്യങ്ങൾ ഒലീവ് ഓയിലും സോയാബീൻ ഓയിലും ഉപയോഗിച്ചാണ് മയോണൈസ് ഉണ്ടാക്കുന്നത്. എന്നാൽ ഇവിടെ കൊഴുപ്പ് അടങ്ങിയ സൺഫ്ലവർ ഓയിൽ ആണ് ഉപയോഗിക്കുന്നത്. സംസ്ഥാനത്ത് പച്ചമുട്ട ചേർത്തുള്ള മയോണൈസ് നിരോധിച്ചിരിക്കുകയാണ്. എന്നാൽ വെജിന്റബിൾ മയോണൈസ് ഉപയോഗിക്കാമെന്നും ആരോഗ്യവകുപ്പ് നിർദേശിക്കുന്നുണ്ട്.

മയോണൈസിന്റെ അപകടങ്ങൾ

• ഒരുപാട് സമയം തുറന്നുവച്ചതിന് ശേഷം മയോണൈസ് ഉപയോഗിക്കുന്നത് ആരോഗ്യത്തിന് ദോഷം ചെയ്യും.
• പച്ചമുട്ടയിലെ സാൽമോണല്ല ബാക്ടീരിയകളാണ് അപകടകാരി. വായുവിൽ തുറന്ന് ഇരിക്കുന്തോറും ബാക്ടീരിയ പെരുകുന്നു. ഇത് ശരീരത്തിൽ പ്രവേശിച്ചാൽ വയറിളക്കം, പനി, ഛർദ്ദി തുടങ്ങിയവയ്ക്ക് കാരണമാകും.
• ബാക്ടീരിയ രക്തത്തിൽ പ്രവേശിക്കുന്നതോടെയാണ് മരണം സംഭവിക്കുന്നത്.
• രക്തസമ്മർദ്ദം വർധിക്കാനും ഇത് ഹൃദയാരോഗ്യത്തെ ബാധിക്കുന്നതിലേക്കും നയിക്കുന്നു.
• എണ്ണയുടെ സാന്നിദ്ധ്യം അതിനെ കൂടുതൽ കൊഴുപ്പാക്കുന്നു. വാസ്തവത്തിൽ, ഒരു സ്പൂൺ മയോന്നൈസിൽ ഏകദേശം 94 കലോറി ഉണ്ട്, ഇത് അറിയാതെ തന്നെ നിങ്ങളുടെ കലോറി ഉപഭോഗം വർദ്ധിപ്പിക്കും.
• മയോണൈസ് അമിതമായി കഴിക്കുന്നതും രക്തത്തിലെ പഞ്ചസാരയുടെ അളവ് വർദ്ധിപ്പിക്കും. നിങ്ങൾ ദിവസവും ധാരാളം മയോണൈസ് കഴിച്ചാൽ, അത് പ്രമേഹ സാധ്യത വർദ്ധിപ്പിക്കും. നേരെമറിച്ച്, നിങ്ങൾ ഒരു പ്രമേഹ രോഗിയാണെങ്കിൽ, നിങ്ങൾ മയോണൈസ് കഴിക്കുന്നത് നിർബന്ധമായും ഒഴിവാക്കേണ്ടതാണ്.
• മയോണൈസ് അമിതമായി ഉപയോഗിക്കുന്നത് നിങ്ങളുടെ ഭാരം അതിവേഗം വർദ്ധിപ്പിക്കും. മയോന്നൈസിൽ ധാരാളം കലോറി അടങ്ങിയിട്ടുണ്ട്. മാത്രമല്ല ഇവയിൽ കൊഴുപ്പിന്റെ അളവും വളരെ കൂടുതലാണ്. ഈ സാഹചര്യത്തിൽ, മയോണൈസ് അമിതമായി കഴിക്കുന്നത് അമിതവണ്ണത്തിന് കാരണമാകും. ഇതുമൂലം വയറിലെ കൊഴുപ്പും വളരെ വേഗത്തിൽ വർദ്ധിക്കും.
• പച്ചമുട്ട ചെറുതായി വേവിച്ച ശേഷം മയോണൈസ് ഉണ്ടാക്കാൻ ഉപയോഗിക്കുന്നതാകും ആരോഗ്യത്തിന് നല്ലത്. രണ്ട് മണിക്കൂർ നേരം മാത്രമേ മയോണൈസ് സാധാരണ ഊഷ്മാവിൽ സൂക്ഷിക്കാവൂ.

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക.

വയറിലെ കൊഴുക്ക് മാറാൻ സഹായിക്കുന്ന ഭക്ഷണങ്ങൾ... Read More