ഇന്‍ഫോസിസ് വിപണിയുടെ ആദ്യമണിക്കൂറുകളില്‍ തന്നെ 9% തകര്‍ന്നടിഞ്ഞ് കൊണ്ട് ദിവസത്തെ ഏറ്റവും താഴ്ന്ന നിലയായി

ഇന്ത്യന്‍ ഓഹരി വിപണി കുത്തനെ ഇടിഞ്ഞുകൊണ്ടാണ് ആഴ്ചയുടെ ആദ്യദിനമായ ഇന്ന് വ്യാപാരം ആരംഭിച്ചത്.വലിയ കൗണ്ടറുകളുടെ വില്‍പ്പന സമയത്ത് ശക്തമായ ചാഞ്ചാട്ടമാണ് വിപണിയില്‍ അനുഭവപ്പെടുന്നത്. ഇന്ത്യ വിഐഎക്സ് 20.48 ആയി ഉയര്‍ന്നനിലയിലേക്ക് കുതിച്ചുയര്‍ന്നു. നിഫ്റ്റി 50 സൂചിക 334 പോയിന്റുകള്‍ ഇടിഞ്ഞ് 17,141.80 എന്ന നിലയിലാണ് വ്യാപാരം നടക്കുന്നത്. ഇന്‍ഫോസിസ്, ടെക് മഹീന്ദ്ര, എച്ച്ഡിഎഫ്സി, എച്ച്ഡിഎഫ്സി ബാങ്ക് ,ടാറ്റാ കണ്‍സള്‍ട്ടന്‍സി സര്‍വീസ് ഓഹരികള്‍ക്ക് കനത്ത നഷ്ടം നേരിട്ടു. അതേസമയം എന്‍ടിപിസി,ടാറ്റാ സ്റ്റീല്‍,എസ്ബിഐ ലൈഫ് ഇന്‍ഷൂറന്‍സ്,കോള്‍ ഇന്ത്യാ ഓഹരികള്‍ സൂചികയില്‍ മികച്ച പ്രകടനം നടത്തി.ഐടി ഭീമനായ ഇന്‍ഫോസിസ് വിപണിയുടെ ആദ്യമണിക്കൂറുകളില്‍ തന്നെ 9% തകര്‍ന്നടിഞ്ഞ് കൊണ്ട് ദിവസത്തെ ഏറ്റവും താഴ്ന്ന നിലയായി 1590 രൂപയാണ് രേഖപ്പെടുത്തിയത്. 2022 മാര്‍ച്ച് 31ന് അവസാനിച്ച പാദത്തില്‍ കമ്പനി പ്രതീക്ഷിച്ചിരുന്ന വരുമാനത്തിലും താഴെയാണ് രേഖപ്പെടുത്തിയത്. ഇതേതുടര്‍ന്ന് ഈ മേഖലയിലെ അനലിസ്റ്റുകള്‍ ഇന്‍ഫോസിസ് ഓഹരികളുടെ വരും പാദങ്ങളിലെ മാര്‍ജിന്‍ എസ്റ്റിമേറ്റ് വെട്ടിച്ചുരുക്കി.

ഈ വര്‍ഷം 60,000 സ്ത്രീകളെ നിയമിക്കാന്‍ ഒരുങ്ങി ഐടി ഭീമന്മാര്‍... Read More

ഇന്ത്യയിലെ രണ്ടാമത്തെ സോഫ്റ്റ്വെയര്‍ സേവന സ്ഥാപനമായ ഇന്‍ഫോസിസ്, മാര്‍ച്ച് 31 ന് അവസാനിച്ച പാദത്തില്‍ 56.86 ബില്യണ്‍ രൂപയുടെ (744.05 ദശലക്ഷം ഡോളര്‍) ഏകീകൃത അറ്റാദായം റിപ്പോര്‍ട്ട് ചെയ്തു,ഇന്‍ഫോസിസ് ഓഹരി വില തിങ്കളാഴ്ച ആദ്യ വ്യാപാരത്തില്‍ ഒമ്പത് ശതമാനം ഇടിഞ്ഞ് എട്ട് മാസത്തെ ഏറ്റവും താഴ്ന്ന നിലയിലെത്തി, ഇത് ഐടി സൂചികയെ സ്വാധീനിച്ചു. സെന്‍സെക്സ് 1.80 ശതമാനം അഥവാ 1,048.31 പോയിന്റ് ഇടിഞ്ഞ് 57,290.62 ല്‍ എത്തി. നിഫ്റ്റി 1.54 ശതമാനം അഥവാ 269.35 പോയിന്റ് ഇടിഞ്ഞ് 17,206.30 ല്‍ എത്തി.നിഫ്റ്റി ഐടി സേവന സൂചിക 3.24 ശതമാനം ഇടിഞ്ഞു.ഇന്‍ഫോസിസ് ഓഹരികള്‍ 6.99 ശതമാനം അഥവാ 122.15 പോയിന്റ് ഇടിഞ്ഞ് 1626.50 രൂപയിലാണ് വ്യാപാരം നടക്കുന്നത്.എന്‍എസ്ഇയില്‍ ഇന്‍ഫോസിസ് ഓഹരി വില 7.15 ശതമാനം അഥവാ 125.05 പോയിന്റ് ഇടിഞ്ഞ് 1,623.50 രൂപയിലാണ്.

നിങ്ങള്‍ക്ക് https://www.bseindia.com/stock-share-price/infosys-ltd/infy/500209/ എന്നതില്‍ BSE-യില്‍ ഇന്‍ഫോസിസ് ഓഹരി വില പരിശോധിക്കാം.