മുംബൈ ആസ്ഥാനമായി പ്രവർത്തിക്കുന്ന പ്രമുഖ ഗ്ലോബൽ ഹ്യൂമൻ റിസോഴ്സ് കൺസൾട്ടൻസിയായ സീഗൾ ഇന്റർനാഷണലിന് യുഎഇ ഇന്റർനാഷണൽ കോൺഫറൻസിൽ ഇൻഡോ മിഡിൽ ഈസ്റ്റ് ബിസിനസ് എക്സലൻസ് അവാർഡ് ലഭിച്ചു.

സീഗൾ ഇന്റർനാഷണലിനെ ''മികച്ച ടാലന്റ് അക്വിസിഷൻ ആൻഡ് ഹ്യൂമൻ റിസോഴ്സ് മാനേജ്മെന്റ് കമ്പനി'' ആയി അംഗീകരിക്കുന്ന അവാർഡ് 2023 നവംബർ 19-ന് ഷാർജയിലെ ഐഡിഎം യൂണിവേഴ്സിറ്റിയിൽ വച്ചാണ് സമ്മാനിച്ചത്.

ആഗോള സാഹചര്യത്തിൽ സുസ്ഥിരമായ ബിസിനസ് വളർച്ച: വെല്ലുവിളികൾ, നടപടികൾ, പരിഹാരങ്ങൾ എന്നീ വിഷയങ്ങളെ ആസ്പദമാക്കിയാണ് സമ്മേളനം സംഘടിപ്പിച്ചത്.

സീഗൾ ഇന്റർനാഷണൽ ഗ്രൂപ്പ് ചെയർമാനും മാനേജിംഗ് ഡയറക്ടറുമായ ഡോ. സുരേഷ് കുമാർ മധുസൂദനൻ, ദുബായ് യുഎഇയിലെ ഗ്ലോബൽ ബിസിനസ് സ്റ്റഡീസിന്റെ അസോസിയേറ്റ് ഡീനും ക്വാളിറ്റി അഷ്വറൻസ് മേധാവിയുമായ പ്രൊഫ. (ഡോ.) ഇളങ്കോ റെങ്കസാമിയിൽ നിന്ന് അവാർഡ് ഏറ്റുവാങ്ങി.

ഫീച്ചർ ഫോൺ വിപണിയിൽ മേധാവിത്തം തുടർന്ന് എച്ച്എംഡി ഗ്ലോബൽ... Read More

ചടങ്ങിൽ സുസ്ഥിരമായ പ്രതിഭാ വികസനം, നൈപുണ്യവും നിയമനവും ആഗോള സമീപനവും എന്നീ വിഷയങ്ങളിൽ ഡോ സുരേഷ് കുമാർ സദസ്സിനെ അഭിസംബോധന ചെയ്തു. സുസ്ഥിര വളർച്ചയുടെ സങ്കീർണതകൾ പര്യവേക്ഷണം ചെയ്യാൻ ചിന്തകർക്കും വ്യവസായ വിദഗ്ധർക്കും പണ്ഡിതന്മാർക്കും കോൺഫറൻസ് വേദിയൊരുക്കി. സാമ്പത്തിക അനിശ്ചിതത്വങ്ങൾ, റെഗുലേറ്ററി ലാൻഡ്സ്കേപ്പുകൾ, സാമൂഹിക പ്രതീക്ഷകൾ തുടങ്ങിയ വിഷയങ്ങളിൽ സംവാദം നടന്നു.

ഷാർജയിലെ ഐഡിഎം ഇന്റർനാഷണൽ യൂണിവേഴ്സിറ്റി പ്രസിഡന്റ് ഡോ. അമിതാഭ് ഉപാദ്യ സമ്മേളനം ഉദ്ഘാടനം ചെയ്തു.

സീഗൾ ഇന്റർനാഷണൽ ഗ്രൂപ്പ് ചെയർമാനും മാനേജിംഗ് ഡയറക്ടറുമായ ഡോ. സുരേഷ് കുമാർ മധുസൂദനൻ യുഎഇയിലെ ദുബായ് ഗ്ലോബൽ ബിസിനസ് സ്റ്റഡീസിന്റെ അസോസിയേറ്റ് ഡീനും ക്വാളിറ്റി അഷ്വറൻസ് മേധാവിയുമായ പ്രൊഫ. (ഡോ.) ഇളങ്കോ റെംഗസാമിയിൽ നിന്ന് അവാർഡ് ഏറ്റുവാങ്ങി. ഡോ. എം. ശിവകുമാർ (പ്രൊഫ. & ഹെഡ്, സ്കൂൾ ഓഫ് ബിസിനസ് സ്റ്റഡീസ്, മധുരൈ കാമരാജ് യൂണിവേഴ്സിറ്റി), പ്രൊഫ. ഡോ. പ്രകാശ് ദിവാകരൻ (പ്രൊ വൈസ് ചാൻസലർ, ഹിമാലയൻ യൂണിവേഴ്സിറ്റി), ഡോ. മുഹമ്മദ് നഖിബുർ റഹ്മാൻ (അസോസിയേറ്റ് പ്രൊഫസർ ഓഫ് മാർക്കറ്റിംഗ്, കോളേജ് ഓഫ് ബിസിനസ്, ഉമ്മുൽ ഖുറ യൂണിവേഴ്സിറ്റി, മക്ക അൽ മുഖറമ, സൗദി അറേബ്യ), ഡബ്ല്യുജി സിഡിആർ (ഡോ.) കോട്ടേശ്വര ബാബു (ഡയറക്ടർ/സിഇഒ/വൈസ് പ്രസിഡന്റ് ഇൻഫ്രാസ്ട്രക്ചർ) എന്നിവർക്കാണ് അവാർഡുകൾ ലഭിച്ചത്.