2025-ല്‍ ഇത് 70 ശതമാനമായും 2030-ഓടെ 75 ശതമാനമായും ഉയരുമെന്നും റിപ്പോര്‍ട്ടിലുണ്ട്

ഇന്ത്യയിലെ ഇ കൊമേഴ്‌സ് മേഖല റെക്കോര്‍ഡ് കുതിപ്പിലെന്ന് റിപ്പോര്‍ട്ട്. 2025 ആകുമ്പോഴേയ്ക്കും ഇന്ത്യന്‍ ഇ-കൊമേഴ്സ് ഉപയോക്താക്കള്‍ 350 ദശലക്ഷമാകുമെന്ന് റിപ്പോര്‍ട്ടില്‍ പറയുന്നു. റിപ്പോര്‍ട്ട് പ്രകാരം, 2020-ല്‍ ഇന്ത്യയില്‍ 150 ദശലക്ഷം 'ഡിജിറ്റല്‍ ഉപയോക്താക്കളില്‍' നിന്ന് ഏകദേശം 2.5 മടങ്ങ് വര്‍ധനവുണ്ടായെന്ന് ഇത് കാണിക്കുന്നു. ഇന്ത്യയിലെ ഇ-കൊമേഴ്സ് ഉപയോക്താക്കള്‍ 2030-ഓടെ 23% വര്‍ദ്ധനവോടെ, 500 ദശലക്ഷം Compound annual growth റേറ്റ് കൈവരിക്കുമെന്നും റിപ്പോര്‍ട്ട് വ്യക്തമാക്കുന്നു.

വിപണി വ്യാപനത്തിന്റെ കാര്യമെടുത്താല്‍, 2025 ആകുമ്പോഴേക്കും ഇന്ത്യയിലെ മൊത്തം ഇന്റര്‍നെറ്റ് ഉപയോക്താക്കളില്‍ 33% പേര്‍ ഓണ്‍ലൈനായി ഷോപ്പിംഗിലേക്ക് മാറുമെന്ന് റിപ്പോര്‍ട്ട് ചൂണ്ടിക്കാട്ടുന്നു. 2030 ആകുമ്പോഴേക്കും ആ അനുപാതം 46 ശതമാനമാകും. 2020ല്‍ ഓണ്‍ലൈന്‍ ഷോപ്പിംഗ് നടത്തുന്നവര്‍ ഏകദേശം 25 ശതമാനമായിരുന്നു. അതേസമയം, ഓണ്‍ലൈന്‍ ഇടപാട് പൂര്‍ത്തിയാക്കുന്ന ഇന്ത്യയിലെ ഇന്റര്‍നെറ്റ് ഉപയോക്താക്കള്‍ 2020ല്‍ 46 ശതമാനമായിരുന്നു. 2025-ല്‍ ഇത് 70 ശതമാനമായും 2030-ഓടെ 75 ശതമാനമായും ഉയരുമെന്നും റിപ്പോര്‍ട്ടിലുണ്ട്.

ഒറ്റ ചാര്‍ജിങ്ങില്‍ 1,000 കിലോമീറ്റര്‍..ലോകത്തെ ഞെട്ടിക്കുന്ന ബാറ്ററി വരുന്നു... Read More

ഇന്ത്യന്‍ നഗരങ്ങളിലെ ഇന്റര്‍നെറ്റ് ഉപയോക്താക്കളില്‍ 80% പേരും ഓണ്‍ലൈന്‍ ഉല്‍പ്പന്ന ഗവേഷണത്തിനായി ഇ-കൊമേഴ്സ് പോര്‍ട്ടലുകള്‍ ഉപയോഗിക്കുന്നുണ്ടെന്നും റിപ്പോര്‍ട്ടിലുണ്ട്. അവരില്‍ നാലിലൊന്ന് പേരും അവരുടെ ഓഫ്ലൈന്‍ പര്‍ച്ചേസിംഗിനായി പോലും ഉല്‍പ്പന്ന ഗവേഷണത്തിനായി ഇ-കൊമേഴ്സ് വെബ്സൈറ്റുകള്‍ സന്ദര്‍ശിക്കുന്നതായി കണ്ടെത്തി. 2021-ല്‍ യഥാക്രമം 255 ശതമാനവും 136 ശതമാനവും വളര്‍ച്ച നേടിയ പുതിയ ഓണ്‍ലൈന്‍ ഉപഭോക്താക്കള്‍ ഇ-കൊമേഴ്സ് വെബ്സൈറ്റുകളിലെ വോയ്സ് സെര്‍ച്ചുകളെയാണ് കൂടുതലായി ആശ്രയിക്കുന്നതെന്നും റിപ്പോര്‍ട്ട് ചൂണ്ടിക്കാട്ടുന്നു.

2030-ഓടെ ഇന്ത്യയുടെ ഇ-കൊമേഴ്സ് വിപണി 400 ബില്യണ്‍ ഡോളറായി ഉയരുമെന്നാണ് പ്രതീക്ഷിക്കുന്നത്. നിലവിലുള്ള 5,127 സജീവ സ്റ്റാര്‍ട്ടപ്പുകളില്‍ 24 യൂണികോണുകളും ഒമ്പത് സോണികോണുകളും ഉള്‍പ്പെടുന്ന ഇന്ത്യയിലെ ഇ-കൊമേഴ്സ് വിഭാഗം വളരെ ലാഭകരമായ ഒരു ബിസിനസ്സ് സാദ്ധ്യതയാണ്. 2014നും 2021നും ഇടയില്‍ ഇന്ത്യന്‍ ഇ-കൊമേഴ്സ് സ്റ്റാര്‍ട്ടപ്പുകള്‍ 27 ബില്യണ്‍ ഡോളറിലധികം ഫണ്ടിംഗാണ് സമാഹരിച്ചത്.