കൊച്ചി: ദാവോസിൽ നടന്ന വേൾഡ് ഇക്കണോമിക് ഫോറത്തിലെ പ്രധാന സെഷനുകളിൽ പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ കേന്ദ്ര ജലശക്തി മന്ത്രി സി.ആർ. പാട്ടീൽ ജലസുരക്ഷയിലും ശുചിത്വത്തിലുമുള്ള ഇന്ത്യയുടെ പരിവർത്തന പരിപാടികൾ അവതരിപ്പിച്ചു. ആഗോള സഹകരണം വളർത്തുന്നതിനും സുസ്ഥിര വികസന ലക്ഷ്യങ്ങൾ നേടുന്നതിനുമുള്ള ഇന്ത്യയുടെ പ്രതിബദ്ധത ചർച്ചയിലൂടെ ഉയർത്തിക്കാട്ടി.

ജല-സുരക്ഷിത ഭാവി സൃഷ്ടിക്കാൻ ആഗോള സഹകരണം പ്രോത്സാഹിപ്പിക്കുന്നതിനുള്ള സെഷനിൽ മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നവിസ്, പ്രമുഖ ജലവിദഗ്ദ്ധർ, ലോകമെമ്പാടുമുള്ള 300 പേർ എന്നിവർ പങ്കെടുത്തു. ജലസുരക്ഷ ഉറപ്പാക്കുന്നതിൽ ഇന്ത്യയുടെ നേതൃത്വം പാട്ടീൽ പ്രദർശിപ്പിച്ചു. പ്രധാനമന്ത്രി മോദി മുഖ്യമന്ത്രിയായിരുന്ന കാലത്ത് ജലക്ഷാമമുള്ള സംസ്ഥാനത്തിൽ നിന്ന് ജലസുരക്ഷ മാതൃകയിലേക്കുള്ള ഗുജറാത്തിൻറെ മാറ്റത്തെ എടുത്തു പറഞ്ഞു. ഇത് രാജ്യവ്യാപകമായി സമാനമായ മാറ്റങ്ങൾക്ക് പ്രചോദനമായി. 60,000-ലധികം അമൃത് സരോവരങ്ങൾ നിർമ്മിക്കുന്നതിനും പുനഃസ്ഥാപിക്കുന്നതിനും കാരണമായ ജൽ ശക്തി അഭിയാൻ പോലുള്ള വലിയ തോതിലുള്ള സംരംഭങ്ങളും ജലസംരക്ഷണ പരിപാടികളും ഇന്ത്യയുടെ വിജയത്തിൻറെ കാരണമായി. സുസ്ഥിര രീതികളിലൂടെയും അന്താരാഷ്ട്ര പങ്കാളിത്തത്തിലൂടെയും ജലക്ഷാമം പരിഹരിക്കുന്നതിൻറെ ആഗോള പ്രാധാന്യം സെഷൻ ഉയർത്തിക്കാട്ടി.

ഗ്രാമങ്ങളിലെ വീടുകളിൽ കുടിവെള്ളം വിതരണം ചെയ്യുന്നതിലും ഗ്രാമീണ ശുചീകരണം, നദികളുടെ പുനരുജ്ജീവനം എന്നിവയിലും ആഗോളതലത്തിൽ ഏറ്റവും വലിയ പരിപാടികൾ ഇന്ത്യ നടപ്പിലാക്കിക്കൊണ്ടിരിക്കുകയാണെന്ന് ലോക സാമ്പത്തിക ഫോറത്തിൽ ഇന്ത്യയുടെ ജല-ശുചീകരണ പ്രവർത്തനങ്ങൾ സി.ആർ. പാട്ടീൽ പറഞ്ഞു. 5 കോടിയിലധികം ഗ്രാമീണ കുടുംബങ്ങൾക്ക് ടാപ്പുകളിലൂടെ മികച്ച കുടിവെള്ളം നൽകിയ ജൽ ജീവൻ മിഷൻ, പൊതുജനാരോഗ്യവും മെച്ചപ്പെടുത്തുന്നതിനായി 120 ദശലക്ഷം ഗ്രാമീണ ടോയ്ലറ്റുകൾ നിർമ്മിച്ച സ്വച്ഛ് ഭാരത് മിഷൻ, ദേശീയ ശുചീകരണ ദൗത്യം എന്നിവയുടെ നേട്ടങ്ങൾ അദ്ദേഹം പ്രദർശിപ്പിച്ചു. നാഷണൽ മിഷൻ ഫോർ ക്ലീൻ ഗംഗ (എൻഎംസിജി) നദി പുനരുജ്ജീവനത്തിനും പരിസ്ഥിതി സുസ്ഥിരതയ്ക്കും ആഗോള മാതൃകയായി.

വിവിധ വകുപ്പുകളെ ഏകോപിപ്പിച്ചുകൊണ്ട് ജലശക്തി മന്ത്രാലയം രൂപപ്പെടുത്തിയതിലൂടെ പ്രധാനമന്ത്രി ജലവുമായി ബന്ധപ്പെട്ട വിഷയങ്ങളിൽ ശക്തമായ പ്രതിബദ്ധത പ്രകടിപ്പിച്ചിട്ടുണ്ടെന്നും, ഈ സമഗ്രമായ സമീപനം ജലവുമായി ബന്ധപ്പെട്ട വിഷയങ്ങളോടുള്ള ഇന്ത്യയുടെ പ്രതിബദ്ധതയെയും എല്ലാവർക്കും സുരക്ഷിതമായ കുടിവെള്ളവും ശുചിത്വവും എന്ന ഐക്യരാഷ്ട്രസഭയുടെ സുസ്ഥിര വികസന ലക്ഷ്യത്തെയുമാണ് കാണിക്കുന്നതെന്നും അദ്ദേഹം പറഞ്ഞു ഈ പരിപാടികൾ ജീവിതത്തെ മാറ്റിമറിച്ചു, ജലജന്യരോഗങ്ങൾ കുറച്ചു, പാരിസ്ഥിതിക സുസ്ഥിരത മെച്ചപ്പെടുത്തി, മറ്റ് രാജ്യങ്ങൾക്ക് പിന്തുടരാനുള്ള മാനദണ്ഡങ്ങൾ തയ്യാറാക്കി.