ജീവിതത്തിൽ വിജയിച്ച ആൾക്കാരുടെ 8 ഗുണങ്ങളെപ്പറ്റിയാണ് ഇന്ന് പറയുന്നത്. ഒരാളും വെറുതെ വിജയത്തിലേക്ക് എത്തുകയില്ല, അവരുടെ ചില പ്രത്യേകതകളാണ് അവരെ വിജയത്തിലേക്ക് എത്തിക്കുന്നത്.

1. വിജയിച്ച എല്ലാവർക്കും ടൈം മാനേജ്മെന്റ് ചെയ്യാനുള്ള കഴിവുണ്ടായിരിക്കും. അവർ സമയം ചെലവിടുന്നത് പ്രോഡക്ടിവിറ്റിയുള്ള കാര്യങ്ങൾക്ക് വേണ്ടിയാണ്. അല്ലാതെ വെറുതെ ചിന്തിച്ചു കൊണ്ടോ, മറ്റുള്ളവരുടെ കാര്യങ്ങൾ ശ്രദ്ധിച്ചോ, മൊബൈലിൽ സമയം ചെലവഴിച്ചോ, അവർ സമയം കളയാറില്ല. വളരെ ഭംഗിയായി സമയത്തെ മാനേജ് ചെയ്യാൻ കഴിയുന്നവരാണ് അവർ.
2. അവർ ലക്ഷ്യബോധമുള്ള ആൾക്കാരായിരിക്കും. ആ ലക്ഷ്യത്തിലേക്കെത്താനായിരിക്കും അവരുടെ പരിശ്രമം. അതിനുവേണ്ടിയാണ് അവർ പ്രവർത്തിക്കുന്നത്. ലക്ഷ്യബോധത്തോടെയുള്ള അവരുടെ പ്രവർത്തനമാണ് അവർ വിജയത്തിലേക്ക് എത്തിക്കാനുള്ള മറ്റൊരു കാരണം.
3. അവർ തുടർച്ചയായി പഠനത്തിൽ മുഴുകുന്ന ആൾക്കാരായിരിക്കും. എന്തെങ്കിലും പഠിച്ചുകൊണ്ടിരിക്കുകയല്ല മറിച്ച് അവരുടെ ലക്ഷ്യത്തിന് അനുയോജ്യമായ കാര്യങ്ങളായിരിക്കും അവർ പഠിക്കുന്നത്. ലോകത്തിൽ അറിവുകൾ നിരവധിയാണ്. എല്ലാ അറിവും നമുക്ക് ആവശ്യമുള്ളതാവണമെന്നില്ല. നമ്മുടെ ലക്ഷ്യത്തിന് ആവശ്യമായ അറിവുകൾ പഠിക്കുന്നത് വിജയത്തിന് ഒരു പ്രധാന കാരണമാണ്.
4. അവർ നല്ല ആൾക്കാരുമായി ബന്ധമുള്ള ആളുകളായിരിക്കും. നാം സാധാരണ പറയാറുണ്ട് മുല്ലപ്പൂമ്പൊടി ഏറ്റു കിടക്കും കല്ലിനുമുണ്ടാകും സൗരഭ്യം. നിലവാരമുള്ള ആൾക്കാരുമായി നമുക്ക് ബന്ധമുണ്ടെങ്കിൽ അവരുടെ സ്വഭാവം നമുക്കുമുണ്ടാകും. വിജയിച്ച ആളുകൾ മോട്ടിവേറ്റ് ചെയ്യുന്ന ആൾക്കാരുമായി ബന്ധം സ്ഥാപിക്കുക മാത്രമല്ല, വിജയിച്ച ആൾക്കാരുടെ കഥകൾ വായിക്കുക, അവരുമായി സംവദിക്കുക തുടങ്ങിയ കാര്യങ്ങൾ ചെയ്യുക എന്നത് വിജയിച്ച ആൾക്കാരുടെ സ്വഭാവമാണ്.
5. അവർ പോസിറ്റീവ് മൈൻഡുള്ള ആൾക്കാരാണ്. എല്ലാത്തിനെയും പോസിറ്റീവായി കാണുക, തോമസ് ആൽവ എഡിസൺ തന്റെ ലാബ് കത്തിയപ്പോൾ നെഗറ്റീവായി ചിന്തിച്ചില്ല അദ്ദേഹം ഇതിനേക്കാൾ വലിയ ലാബ് ഉണ്ടാക്കും എന്നാണ് പറഞ്ഞത്.
6. റിസ്ക് ഏറ്റെടുക്കാൻ തയ്യാറായവരായിരിക്കും. വിജയിച്ച ആൾക്കാർ അവർ ഒരിക്കലും കൺഫർട്ട് സോണിൽ ഇരിക്കാൻ ആഗ്രഹിക്കുന്നവരല്ല. അവർ ചലഞ്ചുകളെ ഏറ്റെടുത്തുകൊണ്ട് സധൈര്യം മുന്നോട്ടു പോകുന്നവരായിരിക്കും.
7. ഇഷ്ടപ്പെട്ട മേഖലയിലായിരിക്കും അവർ പ്രവർത്തിക്കുക. അവർ അവരുടെ ജോലിയെ വളരെയധികം സ്നേഹിക്കുന്ന ആൾക്കാർ ആയിരിക്കും അതിനെ തന്റെ പാഷണായി കരുതി ചെയ്യുന്ന ആൾക്കാർ ആയിരിക്കും. അവർ ഇഷ്ടപ്പെടുന്ന ജോലിയായതു കൊണ്ട് തന്നെ അതിലവർ വിജയിക്കുകയും ചെയ്യും.
8. അവർ ഉത്തരവാദിത്വം ഏറ്റെടുക്കുന്ന സ്വഭാവക്കാരായിരിക്കും. അവരുടെ പരാജയം മറ്റുള്ളവരുടെ തലയിൽ കെട്ടിവയ്ക്കാൻ താല്പര്യമില്ലാത്തവരായിരിക്കും. ഒരു പരാജയത്തെ ദുഃഖത്തോടെ ഏറ്റെടുക്കില്ല അതിന്റെ വിജയത്തിനുള്ള സ്റ്റെപ്പിനെ കുറിച്ച് പരിശോധിക്കുന്നവരായിരിക്കും. ഒരു വിജയമായാലും പരാജയമായാലും അതൊരു പഠനമായി ഏറ്റെടുക്കും, അത് എങ്ങനെയുണ്ടായി എന്ന് വിലയിരുത്താൻ സമയം കണ്ടെത്തുന്നവരായിരിക്കും.

ഈ 8 പ്രധാനപ്പെട്ട സ്റ്റെപ്പുകൾ ആണ് വിജയിച്ച എല്ലാവരിലും പൊതുവായി കാണുന്ന സ്വഭാവ ഗുണങ്ങൾ

മറ്റുള്ളവരോട് സംസാരിക്കുമ്പോൾ ശ്രദ്ധിക്കേണ്ട കാര്യങ്ങളും പാലിക്കേണ്ട മര്യാദകളും എന്തെല്ലാം?... Read More