ജീവിതത്തിൽ വലിയ സ്വാധീനമുണ്ടാക്കുന്നവരാണ് സഹോദരങ്ങൾ. ഒരേ കുടുംബത്തിൽ ജനിച്ച് വളരുന്ന സഹോദരങ്ങൾ തമ്മിൽ സ്നേഹവും സൗഹൃദവും ഇടകലർന്ന ബന്ധമാകും ഉണ്ടാവുക. സഹോദരങ്ങളില്ലാത്ത അനേകം കുട്ടികൾ ലോകത്ത് ജീവിക്കുന്നുണ്ടെങ്കിലും അവർക്ക് അത്തരം ഒരു ബന്ധം നഷ്ടമാകുന്നു എന്നതാണ് യാഥാർത്ഥ്യം.സഹോദരങ്ങൾ സുഹൃത്തുക്കളേപ്പോലെയാണ് വളർന്ന് വരേണ്ടത്. ഈ ബന്ധം എത്രത്തോളം പ്രധാനപ്പെട്ടതാണ് എന്നതിനെ കുറിച്ചാണ് ഇന്ന് പറയുന്നത്.

• നിങ്ങൾ തനിച്ചായിരിക്കുമ്പോൾ ഒരു സഹോദരനോ, സഹോദരിയോ ഉണ്ടെങ്കിൽ അവർ നല്ല സുഹൃത്തായിരിക്കും. നിങ്ങളെ മനസിലാക്കാനും, നിങ്ങളെ സംബന്ധിച്ചുള്ള എല്ലാ കാര്യങ്ങളും അറിയാനും അവർക്കാവും. നിങ്ങൾ ആശയക്കുഴപ്പത്തിൽ പെടുമ്പോൾ അവർ ഒരു വഴികാട്ടിയാകും. ജീവിതത്തിലെ വിഷമം നിറഞ്ഞ ഘട്ടങ്ങളിൽ സഹോദരങ്ങൾ മാർഗ്ഗദർശകരും, അധ്യാപകരുമാകും. ഈ സ്വഭാവവിശേഷങ്ങൾ ഒരു സുഹൃത്തിലും, പ്രണയിയിലും കാണുന്നതിനേക്കാൾ വ്യക്തമായി സഹോദരങ്ങളിൽ കണ്ടെത്താനാവും.
• ഒരേ ജീവിതസാഹചര്യത്തിൽ വളർന്നതിനാൽ അവർക്ക് പരസ്പരം നന്നായി മനസിലാക്കാനുമാകും. സുഹൃത്തുക്കളേയും, ബന്ധുക്കളേക്കാളുമൊക്കെ വൈകാരികമായും മാനസികമായും പിന്തുണയ്ക്കാൻ അവർക്കാകും. വ്യക്തിപരമായ പ്രശ്നങ്ങളിലും, കുടുംബത്തിൻറെ അവസ്ഥകളിലുമൊക്കെ അവർ കൂടെത്തന്നെ കാണും.
• സഹോദരങ്ങൾക്ക് പരസ്പരം മനസിലാക്കാൻ എളുപ്പം സാധിക്കും. പ്രായമേറിയാലും സഹോദരബന്ധം കാത്തുസൂക്ഷിക്കുന്നത് വഴി നിങ്ങളുടെ പ്രശ്നങ്ങളും, ആശങ്കകളുമൊക്കെ പരസ്പരം പങ്ക് വെയ്ക്കാനാകും. സഹോദരങ്ങൾ തമ്മിലുള്ള വിശ്വസ്ത്ഥതയും ഒരു പ്രധാന ഘടകമാണ്. സഹോദരങ്ങൾ കൂടെയുണ്ടെങ്കിൽ പുറമേ നിന്ന് മറ്റാരുടെയും പിന്തുണയില്ലെങ്കിലും പ്രശ്നമില്ല.
• സഹോദരബന്ധമാണ് കുടുംബത്തെ നിലനിർത്തുന്നത്. സഹോദരങ്ങൾ തമ്മിൽ അടുപ്പത്തിലാണെങ്കിൽ കുടുംബവും ഒത്തൊരുമയിലായിരിക്കും. മാതാപിതാക്കൾ ഒന്നിച്ച് കൂടുമ്പോളാണ് കുട്ടികൾക്ക് തങ്ങളുടെ കസിൻമാരെയും മറ്റും കാണാൻ സാധിക്കുക. കുടുംബ കൂട്ടായ്മകളും, പുറത്ത് വച്ചുള്ള കൂടിച്ചേരലുകളുമൊക്കെയാണ് സഹോദരബന്ധം വളർത്തുന്നതിൽ പ്രധാന പങ്കു വഹിക്കുന്നത്.
• നിങ്ങളുടെ കുട്ടികൾ തമ്മിൽ എക്കാലവും നിലനിൽക്കുന്ന ഒരു ആത്മബന്ധം ഉണ്ടായിരിക്കണമെങ്കിൽ ഏറ്റവുമാദ്യം നിങ്ങൾ ഈ കാര്യത്തിൽ അവർക്ക് ഒരു റോൾ മോഡൽ ആയിരിക്കണം. അതുകൊണ്ട് തന്നെ നിങ്ങൾക്ക് സഹോദര ബന്ധങ്ങൾ ഉണ്ടെങ്കിൽ അവരുമായി അടുത്ത ബന്ധം വളർത്തിയെടുക്കുക. മുതിർന്നവരുടെ പ്രവർത്തികളിൽ നിന്ന് അടുപ്പത്തിന്റെയും സ്നേഹ ബന്ധങ്ങളുടെയുമൊക്കെ യഥാർത്ഥ അർത്ഥം കുട്ടികൾ മനസ്സിലാക്കും.
• ചെറുതായിരിക്കുമ്പോൾ മുതൽ, നിങ്ങളുടെ സഹോദര ബന്ധങ്ങളിൽ ഉണ്ടായിട്ടുള്ള നല്ല അനുഭവങ്ങളും ബാല്യകാല സ്മരണകളും ഒക്കെ കുട്ടികൾക്ക് വിവരിച്ചു കൊടുക്കുക. നിങ്ങളുടെ ജീവിതത്തിലെ പ്രതിസന്ധിയുടെ സമയങ്ങളിൽ ഒരു സഹോദരൻ മറ്റൊരാളെ എങ്ങനെ സഹായിച്ചു എന്നതിനെക്കുറിച്ചുള്ള കഥകൾ അവരോട് പറയുക. സഹോദരങ്ങൾ തമ്മിൽ ഐക്യത്തോടെ തുടരേണ്ടത് എത്രമാത്രം പ്രാധാന്യമർഹിക്കുന്നതാണെന്ന് സ്വയം മനസ്സിലാക്കിയെടുൻ ഈ കാര്യങ്ങളെല്ലാം അവരെ സഹായിക്കും.

ലോക്കൽ എക്കോണമി എന്ന ഈ ന്യൂസ് പോർട്ടൽ ജനങ്ങളെ ലോക്കൽ ടു ഗ്ലോബൽ എന്ന നിലയിൽ ഉയർത്തുക എന്നതാണ് ലക്ഷ്യമാക്കുന്നത്. ഈ പോർട്ടലിൽ രാവിലെ പോസിറ്റീവ് വാർത്തകൾ മാത്രമാണ് പോസ്റ്റ് ചെയ്യുന്നത്. രാവിലെ നെഗറ്റീവ് വാർത്ത കേൾക്കാതെ പോസിറ്റീവ് വാർത്തകൾ മാത്രം വായിക്കാൻ ആഗ്രഹിക്കുന്ന ആൾക്കാർ ഈ പോർട്ടൽ സബ്സ്ക്രൈബ് ചെയ്യുക, ഫോളോ ചെയ്യുക.

കുടുംബ ജീവിതത്തിൽ പെർഫെക്ഷനിസത്തിൻ്റെ സ്വാധീനം... Read More