ലോകത്തിലെ എല്ലാ ആളുകളെയും പ്രചോദിപ്പിക്കുന്ന മഹത്തരമായ നാല് ചിന്താഗതിയെ കുറിച്ചാണ് ഇന്ന് ഇവിടെ പറയുന്നത്. ഈ നാല് ചിന്താഗതിയും നിങ്ങൾക്ക് ജീവിതത്തിൽ പകർത്താൻ കഴിഞ്ഞാൽ നിങ്ങളുടെ ജീവിതം വിജയകരവും സമർത്ഥമായ ഒന്നുമായിരിക്കും.

• നിങ്ങളുടെ ഔദ്യോഗിക ജീവിതം വളരെ അഭിമാനകരമായ ഒരു രീതിയിൽ ചെയ്യാൻ നിങ്ങൾക്ക് കഴിഞ്ഞാൽ അത് നിങ്ങളുടെ ജീവിതത്തിൽ ഏറ്റവും സമർത്ഥമായ ഒരു കാര്യമാണ്. ഇത് ഏതൊരു വ്യക്തിക്കും ചെയ്യാൻ കഴിയുന്നതാണ്. ഏതൊരു ജോലിയും ആകട്ടെ തൂപ്പുകാരനാകട്ടെ ഡോക്ടർ ആകട്ടെ ഒരു എഞ്ചിനീയർ ആകട്ടെ ഇല്ലെങ്കിൽ ഒരു പ്രൈവറ്റ് സ്ഥാപനത്തിൽ ജോലി ചെയ്യുന്നവരാകട്ടെ ആ ജോലി ഏറ്റവും മനോഹരമായി ചെയ്യാൻ കഴിയുന്ന ഒരാൾ ആയിക്കഴിഞ്ഞാൽ നിങ്ങൾ ജീവിതത്തിലും ഏറ്റവും സമർഥമായ ഒരാളായി മാറും. ഇതിന് മറ്റൊരാളുടെ സഹായം ആവശ്യമില്ല. നിങ്ങൾ സ്വയം തീരുമാനിച്ചാൽ മാത്രം മതി. എന്ത് വെല്ലുവിളികളും പ്രശ്നങ്ങളും വന്നാലും നിങ്ങൾ ചെയ്യുന്ന ജോലി വളരെ കൃത്യനിഷ്ഠയോടു കൂടിയും വൃത്തിയായും വ്യത്യസ്തമായും ചെയ്യാൻ ശ്രമിക്കുന്നത് ജീവിതം വളരെ ശ്രേഷ്ഠമായി മാറ്റും.
• നിങ്ങളുടെ ജീവിതം കൊണ്ട് മറ്റുള്ളവർക്ക് ഉപകാരപ്രദമാകുന്ന കാര്യങ്ങൾ ചെയ്യുന്നത്. മറ്റുള്ളവർക്ക് ഉപകാരപ്രദമാകുന്ന കാര്യങ്ങൾ ചെയ്യുന്ന ഒരു വ്യക്തിയുടെ ജീവിതം സമർത്ഥകരമായിരിക്കും. ഒരു വ്യക്തി മറ്റുള്ളവർക്ക് സേവനമായിട്ടോ, പൈസയായിട്ടോ, വസ്തുവായിട്ടോ സഹായിക്കുന്നെങ്കിൽ അവന്റേത് ഒരു ശ്രേഷ്ഠ ജീവിതമായി മറ്റുള്ളവർ കണക്കാക്കുന്നു. കാരണം നമ്മുടെ ജീവിതം കൊണ്ട് നമുക്ക് മാത്രമല്ല മറ്റുള്ളവർക്ക് ഉപകാരപ്രദമാകുന്ന കാര്യങ്ങൾ ചെയ്യണം. ഒരാൾക്ക് ജീവിതത്തിൽ ചെറിയ സഹായങ്ങൾ ചെയ്യുകയോ, മറ്റുള്ളവർക്ക് വേണ്ടി കുറച്ച് സമയം മാറ്റിവയ്ക്കുകയോ, വിദ്യാഭ്യാസം ഇല്ലാത്തവർക്ക് വിദ്യാഭ്യാസം കൊടുക്കുകയോ, ഏതെങ്കിലും നമുക്ക് വേണ്ടി മാത്രം ജീവിക്കാതെ മറ്റുള്ളവർക്ക് വേണ്ടി കൂടി ജീവിക്കുവാനുള്ള അവസരം ഉണ്ടാക്കുക. സേവനമനോഭാവത്തോടുകൂടി കാര്യങ്ങൾ ചെയ്യുന്ന ഒരു അവസ്ഥ ഉണ്ടാക്കുക. ഇത്തരത്തിലുള്ള ഒരു ജീവിതം ശ്രേഷ്ഠമായതും മഹത്തരമായ ഒന്നായും കണക്കാക്കപ്പെടുന്നു.
• ജീവിതത്തിൽ എന്തെങ്കിലും പ്രത്യേകതരമായ കാര്യങ്ങൾ നിർമിക്കുക എന്നത്. ശ്രേഷ്ഠരായ ആളുകൾ അവരുടേതായ ഒരു സിഗ്നേച്ചർ കാര്യം ചെയ്തിട്ടുണ്ടായിരിക്കും. കഥ എഴുതുവാനോ, കവിതയെഴുതുവാനോ, ചിത്രരചനയ്ക്കു അതുപോലെ മറ്റു കലാപ്രവർത്തന സൃഷ്ടികൾ ഉണ്ടാക്കുന്നതിന് കഴിവുള്ള ആളുകളുടെ ജീവിതം ശ്രേഷ്ഠകരമായിരിക്കും. ഇത് വളരെ പ്രയാസമുള്ള കാര്യമാണെന്ന് വിചാരിക്കും പക്ഷേ ഏതൊരാൾക്കും പുസ്തകം എഴുതുവാനോ ഒരു കഥ പറയുവാനോ എന്തെങ്കിലും ഒരു കഴിവ് നിങ്ങൾക്ക് ഉണ്ടായിരിക്കും. ഭാവി ലോകത്തിന് വേണ്ടി നിങ്ങളുടേതായ ഒരു സിഗ്നേച്ചർ ഉണ്ടാക്കി വയ്ക്കുന്നത് ഏറ്റവും പ്രധാനപ്പെട്ട കാര്യമാണ്.
• ജീവിതകാലം മുഴുവൻ ആവശ്യമായ സമ്പത്ത് കണ്ടെത്തുക.ജീവിതത്തിൽ മക്കളെയോ ബന്ധുക്കളെയോ മറ്റുള്ളവരെ ബുദ്ധിമുട്ടിക്കാതെ നിങ്ങളുടേതായിട്ടുള്ള സമ്പാദ്യം കണ്ടെത്തി വയ്ക്കുക എന്നത് വളരെ പ്രധാനപ്പെട്ട കാര്യമാണ്. കൂടുതലും ആൾക്കാർ പറയുന്നത് സമ്പത്ത് ശേഖരിച്ച് വയ്ക്കുന്നത് തെറ്റായ ഒരു കാര്യമായിട്ടാണ്. അങ്ങനെയുള്ള ചിന്താഗതി ശരിയായിട്ടുള്ളതല്ല. ജീവിതത്തിന് ആവശ്യമായ സമ്പത്ത് കണ്ടെത്തുക എന്നത് അവരവരുടെ ഉത്തരവാദിത്വമാണ്. ജീവിതകാലത്ത് ആവശ്യമായ സമ്പത്ത് അല്ലെങ്കിൽ ബാധ്യത സമയം ഏറ്റെടുക്കുക എന്നത് വളരെ പ്രധാനമാണ്. അത്തരത്തിൽ ജീവിതം നയിക്കുന്നവരെ ഒരു ശ്രേഷ്ഠ ജീവിതമായി തന്നെ കണക്കാക്കാം. ഈ പറഞ്ഞ ഈ നാല് കാര്യങ്ങളും ജീവിതത്തിൽ വളരെ പ്രധാനപ്പെട്ടതാണ്. ഈ കാര്യങ്ങൾ ചെയ്യുന്നതിന് വേണ്ടി ഇന്ന പ്രായം കഴിഞ്ഞ് ആരംഭിക്കാം എന്ന് ചിന്തിക്കുന്നത് വളരെ മണ്ടത്തരമാണ്. ജീവിതത്തിൽ ചെറുപ്പകാലം തൊട്ട് തന്നെ ആരംഭിക്കേണ്ട കാര്യമാണ്. ഇങ്ങനെ ആരംഭിക്കുന്ന ഒരാൾക്ക് വർഷകാലങ്ങൾ കഴിഞ്ഞ് മാത്രമേ അതിന്റെ ഗുണം ലഭിക്കുകയുള്ളൂ. ഇതിനു വേണ്ടിയുള്ള മുന്നൊരുക്കം ഓരോ വ്യക്തികളിലും ഉണ്ടാവുകയും ഈ നാല് കാര്യങ്ങൾ ജീവിതത്തിൽ ചേർന്ന് വരുന്ന ഒരു വ്യക്തിയാണെങ്കിൽ മഹത്വ പൂർണ്ണമായ ഒരു ജീവിതമായി കണക്കാക്കാം.

ലോക്കൽ എക്കോണമി എന്ന ഈ ന്യൂസ് പോർട്ടൽ ജനങ്ങളെ ലോക്കൽ ടു ഗ്ലോബൽ എന്ന നിലയിൽ ഉയർത്തുക എന്നതാണ് ലക്ഷ്യമാക്കുന്നത്. ഈ പോർട്ടലിൽ രാവിലെ പോസിറ്റീവ് വാർത്തകൾ മാത്രമാണ് പോസ്റ്റ് ചെയ്യുന്നത്. രാവിലെ നെഗറ്റീവ് വാർത്ത കേൾക്കാതെ പോസിറ്റീവ് വാർത്തകൾ മാത്രം വായിക്കാൻ ആഗ്രഹിക്കുന്ന ആൾക്കാർ ഈ പോർട്ടൽ സബ്സ്ക്രൈബ് ചെയ്യുക, ഫോളോ ചെയ്യുക.

സഹപ്രവർത്തകരുമായി മികച്ച ബന്ധം നിലനിർത്താൻ ശ്രദ്ധിക്കേണ്ട കാര്യങ്ങൾ... Read More