Home Kerala Corporate Sector

വയനാട് ദുരിതബാധിതരുടെ ക്ലെയിം സെറ്റിൽമെന്റ് നടപടിക്രമങ്ങൾ ലളിതമാക്കി ഐസിഐസിഐ പ്രുഡൻഷ്യൽ

Tuesday, Aug 06, 2024

ICICI Prudential Life eases claims settlement process for families affected by the Wayanad landslid

കൊച്ചി: വയനാട് ഉരുൾപൊട്ടൽ ദുരിതബാധിതരുടെ ക്ലെയിം സെറ്റിൽമെന്റ് നടപടിക്രമങ്ങൾ ഐസിഐസിഐ പ്രുഡൻഷ്യൽ ലൈഫ് ഇൻഷുറൻസ് ലളിതമാക്കി. പ്രധാനമന്ത്രി ജീവൻ ജ്യോതി ബീമാ യോജന (പിഎംജെജെബിവൈ) അടക്കമുള്ള ക്ലെയിമുകളിൽ വെറും മൂന്ന് അടിസ്ഥാന രേഖകളുടെ അടിസ്ഥാനത്തിൽ നടപടികൾ സ്വീകരിക്കും.

ഐഎഫ്എസ്സി കോഡുമായുള്ള ബാങ്ക് അക്കൗണ്ട് നമ്പർ അല്ലെങ്കിൽ ക്യാൻസൽ ചെയ്ത ചെക്കിന്റെ പകർപ്പ്. പ്രാദേശിക ഭരണകൂടം നൽകിയ മരണ സർട്ടിഫിക്കറ്റ്. ഇതു ലഭ്യമല്ലെങ്കിൽ ആശുപത്രികൾ, സർക്കാർ അധികൃതർ, പോലീസ് എന്നിവരാരെങ്കിലും നൽകിയ മരണപ്പെട്ടവരുടെ പട്ടിക. പാൻ കാർഡ്, ഫോം 60, അടുത്തിടെയുള്ള ഫോട്ടോ, ആധാർ കാർഡോ പാസ്പോർട്ടോ ഡ്രൈവിങ് ലൈസൻസോ വോട്ടർ ഐഡിയോ തൊഴിലുറപ്പു കാർഡോ ദേശീയ പോപ്പുലേഷൻ രജിസ്റ്റർ നൽകിയ കത്തോ അടക്കം ഏതെങ്കിലും ഔദ്യോഗിക രേഖ എന്നീ മൂന്നു വിഭാഗത്തിലെ രേഖകളാണ് ആവശ്യമുളളത്.

ഗുണഭോക്താക്കളേയും നോമിനികളേയും സഹായിക്കാനായി 1800-2660 എന്ന പ്രത്യേക ടോൾ ഫ്രീ നമ്പർ സജ്ജമാക്കിയിട്ടുണ്ട്. claimsupport@iciciprulife.com എന്ന ഇമെയിൽ അല്ലെങ്കിൽ www.iciciprulife.com/claims എന്ന വെബ്സൈറ്റ് വഴിയും ക്ലെയിം സംബന്ധിയായ വിവരങ്ങൾ അറിയാം. SMS ICLAIM <space> പോളിസി നമ്പർ എന്ന ക്രമത്തിൽ 56767 എന്ന നമ്പറിലേക്ക് എസ്എംഎസും അയക്കാം.

വയനാട് ഉരുൾപൊട്ടൽ ബാധിതർക്കുള്ള ക്ലെയിം നടപടിക്രമങ്ങൾ ലളിതമാക്കാൻ ബജാജ് അലയൻസ് ലൈഫ് ഇൻഷൂറൻസ്... Read More

വയനാട് ഉരുൾപൊട്ടൽ ദുരന്തത്തിൽപ്പെട്ട കുടുംബങ്ങളുടെ ദുഃഖത്തിൽ തങ്ങൾ പങ്കുചേരുന്നു. ഈ പ്രകൃതിക്ഷോഭം മൂലം ഉണ്ടായ എല്ലാ ക്ലെയിമുകളും വെറും മൂന്ന് അടിസ്ഥാന രേഖകളുടെ അടിസ്ഥാനത്തിൽ വേഗത്തിൽ തീർപ്പാക്കുമെന്ന് ഐസിഐസിഐ പ്രുഡൻഷ്യൽ ലൈഫ് ഇൻഷുറൻസിന്റെ ചീഫ് ഓപ്പറേഷൻസ് ഓഫീസർ അമീഷ് ബാങ്കർ പറഞ്ഞു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.