രക്തത്തിൽ കാണപ്പെടുന്ന ഒരു കൊഴുപ്പ് ഘടകമാണ് കൊളസ്ട്രോൾ. ഇതിന്റെ അളവ് അമിതമാകുമ്പോഴാണ് കൊളസ്ട്രോൾ രോഗമായി മാറുന്നത്. ചീത്ത കൊളസ്ട്രോളായ എൽ.ഡി.എൽ കുറയുകയും നല്ല കൊളസ്ട്രോളായ എച്ച്.ഡി.എൽ കൂടുകയുമാണ് വേണ്ടത്. കൊളസ്ട്രോളിനെ എങ്ങനെ സന്തുലിതമായി കൊണ്ടു പോകാം എന്നതിനെ കുറിച്ച് നോക്കാം.

• ട്രാൻസ്ഫാറ്റുകൾ കൊഴുപ്പിന് ഓക്സീകരണം വരുത്തി രക്തക്കുഴലുകൾക്ക് അടവുണ്ടാക്കും. വനസ്പതി പോലുള്ള ഖരാവസ്ഥയിലുള്ള എണ്ണകൾ ട്രാൻസ്ഫാറ്റ് ആണ്. ചിപ്സ്, വറപൊരികൾ, കുക്കീസ്, ബിസ്ക്കറ്റ്, ബേക്കറി പലഹാരങ്ങൾ എന്നിവയിലെല്ലാം ട്രാൻസ്ഫാറ്റ് ഉണ്ടാകും. ഇവ കഴിക്കുന്നത് കുറക്കുക.
• ഒരു മുട്ടയുടെ മഞ്ഞയിൽ നിന്നു 250 മി.ഗ്രാം കൊളസ്ട്രോൾ ലഭിക്കും. അനുവദനീയമായ 300മി.ഗ്രാം കൊളസ്ട്രോളിനെക്കാളും വളരെ കൂടുതലാകാമെന്നതിനാൽ പതിവായി മുട്ട കഴിക്കുന്നത് നല്ലതല്ല.
• ആഹാരത്തിൽ പച്ചക്കറികൾ ഉൾപ്പെടുത്തുക. ദിവസവും 2ഗ്രാം വീതം സസ്യഭക്ഷണം കഴിക്കുന്നവരിൽ കൊളസ്ട്രോൾ നിരക്ക്10-15 ശതമാനത്തോളം കുറവായിരിക്കും. ദിനേന രണ്ടര കാരറ്റ് പച്ചക്ക് കഴിക്കുന്നത് നല്ലതാണ്. കാരറ്റിലുള്ള ബീറ്റാകരോട്ടിൻ ആന്റി ഓക്സിഡന്റ്നല്ല കൊളസ്ട്രോളായ എച്ച്.ഡി.എല്ലിന്റെ അളവ് കൂട്ടും.
• ഓട്സിൽ അടങ്ങിയിരിക്കുന്ന ബീറ്റാഗ്ലൂക്കൻ എന്ന ജലത്തിൽ ലയിക്കുന്ന നാരാണ് കൊളസ്ട്രോൾ കുറക്കാൻ സഹായിക്കുന്നത്. കൊളസ്ട്രോൾ ഫാമിലിയിലെ വില്ലനായ എൽ.ഡി.എല്ലിന്റെ അളവ് കുറക്കാൻ ഇത് സഹായിക്കും. ഗ്രൌണ്ട് ഓട്സാണ് കൂടുതൽ നല്ലത്.
• ആഹാരവസ്തുക്കൾ എണ്ണയിൽ മുക്കിയെടുക്കുന്നതിനും വരട്ടിയെടുക്കുന്നതിനുമെല്ലാം പകരം ഗ്രിൽ ചെയ്യുകയോ മൈക്രോവേവ് ചെയ്യുകയോ ആവിയിൽ വേവിക്കുകയോ പ്രഷർ കുക്കർ ഉപയോഗിച്ച് പാകം ചെയ്യുകയോ ചെയ്യാം.
• മത്തി, അയല, ചൂര, കോര എന്നിവയിലെല്ലാം ഉള്ള നിയാസിനും ഒമേഗ കൊഴുപ്പും ചീത്ത കൊളസ്ട്രോളിന്റെ ഓക്സീകരണം തടയുന്നു. നല്ല കൊളസ്ട്രോൾ അളവ് വർധിപ്പിക്കുകയും ചെയ്യും.
• വ്യായാമം ചെയ്യുന്നതിലൂടെ 25ശതമാനത്തോളം കൊളസ്ട്രോൾ സാധ്യത കുറക്കാം. ഏറ്റവും അനുയോജ്യം നീന്തൽ, നടത്തം പോലുള്ള എയ്റോബിക് വ്യായമങ്ങളും, ഭാരമെടുത്തുള്ളതോ ശരീരഭാരം ഉപയോഗപ്പെടുത്തിയുള്ളതോ ആയ റെസിസ്റ്റന്റ് വ്യായാമങ്ങളുമാണ്.

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക.

മല്ലിയുടെ ആരോഗ്യഗുണങ്ങൾ... Read More