ഒരു ക്രെഡിറ്റ് കാര്‍ഡ് എങ്കിലും ഇന്ന് കൈയില്‍ കരുതേണ്ടത് അത്യാവശ്യമാണ്

നിരക്കുകളെ ഭയന്ന് ക്രെഡിറ്റ് കാര്‍ഡുകളില്‍നിന്ന് ഓടി ഒളിക്കേണ്ട കാലം കഴിഞ്ഞു. ഇന്ത്യയിലെ പരമാവധി ആനുകൂല്യങ്ങള്‍ നല്‍കുന്ന മികച്ച ആജീവനാന്ത സൗജന്യ ക്രെഡിറ്റ് കാര്‍ഡുകളുണ്ട്. നിലവില്‍ ലഭ്യമായ ഏറ്റവും മികച്ച ലൈഫ് ടൈം സൗജന്യ ക്രെഡിറ്റ് കാര്‍ഡുകളാണ് താഴെ പറയുന്നത്. ഒരു ക്രെഡിറ്റ് കാര്‍ഡ് എങ്കിലും ഇന്ന് കൈയില്‍ കരുതേണ്ടത് അത്യാവശ്യമാണ്. നമ്മുടെ സംരക്ഷണം മാത്രമല്ല ഇന്ന് ഇത്തരം കാര്‍ഡുകള്‍ ഉറപ്പുവരുത്തുന്നത് മറിച്ച് ചെലവുകള്‍ കുറയ്ക്കുക കൂടിയാണ്.

കുറച്ചു വര്‍ഷങ്ങള്‍ക്കു മുമ്പ് ഉയര്‍ന്ന വരുമാനമുള്ളവര്‍ക്കു മാത്രം പ്രാപ്തമായിരുന്ന ക്രെഡിറ്റ് കാര്‍ഡുകള്‍ ഇന്നു എല്ലാവര്‍ക്കും തന്നെ ലഭ്യമാണ്. അടിയന്തഘട്ടങ്ങളില്‍ ആരോടും സഹായം അഭ്യര്‍ഥിക്കാതെ തന്നെ കാര്യങ്ങള്‍ നിറവേറ്റാമെന്നതാണ് ക്രെഡിറ്റ് കാര്‍ഡുകളെ ഇന്നത്തെ ജീവിതത്തിന്റെ ആവശ്യ ഘടകമായി മാറ്റുന്നത്. 

ആജീവനാന്ത സൗജന്യ ക്രെഡിറ്റ് കാര്‍ഡുകള്‍ക്കുള്ള മാനദണ്ഡം

വാര്‍ഷിക നിരക്ക് പൂജ്യം ആകുക എന്നതാണ് കാര്‍ഡുകള്‍ തെരഞ്ഞെടുക്കുന്നതിനുള്ള പ്രധാന മാനദണ്ഡമായി എടുത്തിരിക്കുന്നത്. വാര്‍ഷിക ഫീസ് ഉണ്ടെങ്കില്‍, ഇളവ് ലഭിക്കുന്നതിനുള്ള ചെലവ് ആവശ്യകത വളരെ കുറവായിരിക്കണം, ഏകദേശം 1,50,000- 2,00,000 അല്ലെങ്കില്‍ അതില്‍ താഴെ.

റിവാര്‍ഡ് പോയിന്റുകള്‍ പണമായോ പണത്തിന് തുല്യമായ രൂപത്തിലോ ആയിരിക്കണം. കാരണം പോയിന്റുകള്‍ എളുപ്പത്തില്‍ ഉപയോഗിക്കാന്‍ ഇതുവഴി സാധിക്കും. ഇതില്‍നിന്ന് ഇഷ്ടപ്പെട്ട കാര്‍ഡുകള്‍ തെരഞ്ഞെടുക്കാനുള്ള അവകാശം നിങ്ങള്‍ക്കുള്ളതാണ്. കാരണം ഒരോരുത്തരുടേയും ഉപയോഗങ്ങള്‍ വ്യത്യസ്തമായിരിക്കും.

സിബില്‍ സ്‌കോര്‍ ആവശ്യമില്ലാത്ത സംരംഭ വായ്പയിതാ... Read More

ആമസോണ്‍ പേ- ഐ.സി.ഐ.സി.ഐ. ക്രെഡിറ്റ് കാര്‍ഡ്

ആയുഷ്‌കാല സൗജന്യ ക്രെഡിറ്റ് കാര്‍ഡ് ആണ്. ആമസോണ്‍, ആമസോണ്‍ വാലറ്റ് സേവനങ്ങള്‍ക്കു മികച്ച കാര്‍ഡ്. പ്രൈം ഉപയോക്താക്കള്‍ക്കു കാര്‍ഡ് വഴി ആമസോണില്‍നിന്നുള്ള വാങ്ങലുകള്‍ക്ക് 5% ഇളവ് ലഭിക്കും. പ്രൈം അംഗങ്ങളല്ലാത്തവര്‍ക്ക് 3% ഇളവാകും ലഭിക്കുക. ആമസോണ്‍ വാലറ്റിലേക്ക് കാര്‍ഡ് വഴി പണം നിറയ്ക്കുന്നതിന് 2% ക്യാഷ്ബാക്ക് ലഭിക്കും. ബില്ലുകള്‍, ഇന്‍ഷുറന്‍സ് പ്രീമിയം, ഭക്ഷണം, യാത്ര എന്നീ കാര്യങ്ങള്‍ ആമസോണ്‍ വാലറ്റ് വഴി നിലവില്‍ സാധ്യമാകും. ഇന്ധനച്ചെലവ് ഒഴികെയുള്ള ഉപയോഗങ്ങള്‍ക്ക് 1% ക്യാഷ്ബാക്ക് ലഭിക്കും.

എസ്.ബി.ഐ. സിംപ്ലി ക്ലിക്ക് ക്രെഡിറ്റ് കാര്‍ഡ്

എസ്.ബി.ഐയുടെ മികച്ച ക്രെഡിറ്റ് കാര്‍ഡുകളില്‍ ഒന്ന്. ആമസോണ്‍, ബി.എം.എസ്, ക്ലിയര്‍ട്രിപ് എന്നിവയിലും മറ്റ് ചില തെരഞ്ഞെടുത്ത പങ്കാളി വെബ്‌സൈറ്റുകളിലേയും ചെലവഴിക്കലുകള്‍ക്ക് 2.5% റിവാര്‍ഡ് പോയിന്റ് ലഭിക്കും. മറ്റെല്ലാ ഓണ്‍ലൈന്‍ ചെലവുകള്‍ക്കും 1.25% റിവാര്‍ഡ് നിരക്ക് ലഭിക്കും.

ഈ കാര്‍ഡിലെ റിവാര്‍ഡ് നിരക്ക് വര്‍ധിപ്പിക്കുന്ന ഒരു കാര്യം 1,00,000 വാര്‍ഷിക ചെലവിന് 2000 ക്ലിയര്‍ടിപ്പ് വൗച്ചറുകളും 2,00,000 വാര്‍ഷിക ചെലവാക്കലിന് മറ്റൊരു 2000 വൗച്ചറും ലഭിക്കുമെന്നതാണ്. എസ്.ബി.ഐ. കാര്‍ഡ് ആജീവനാന്ത സൗജന്യ ക്രെഡിറ്റ് കാര്‍ഡുകള്‍ വാഗ്ദാനം ചെയ്യുന്നില്ല. എന്നാല്‍ ഒരു ലക്ഷം രൂപയ്ക്കു മുകളില്‍ ചെലവാക്കിയാല്‍ നിരക്ക് ഈടാക്കില്ല. അല്ലാത്തപക്ഷം 499 രൂപയും ജി.എസ്.ടിയും ഈടാക്കും.

ലക്ഷങ്ങള്‍ സമ്പാദിക്കാന്‍ ഈ ഫ്രാഞ്ചൈസി ബിസിനസ് ആരംഭിക്കൂ...... Read More

എച്ച്.ഡി.എഫ്.സി. റെഗാലിയ ക്രെഡിറ്റ് കാര്‍ഡ്

മാനദണ്ഡങ്ങള്‍ പ്രകാരം എച്ച്.ഡി.എഫ്.സി. റെഗാലിയ കാര്‍ഡ് സൗജന്യമല്ല. എന്നാല്‍ നിലവില്‍ ബാങ്ക് തങ്ങളുടെ മിക്ക ഉപയോക്താക്കള്‍ക്കും വാര്‍ഷിക നിരക്ക് ഒഴിവാക്കി നല്‍കുന്നത് ഈ കാര്‍ഡാണ്. സ്മാര്‍ട്ട് ബൈ പോര്‍ട്ടല്‍ വഴി വാങ്ങുന്ന ആമസോണ്‍ വൗച്ചറുകള്‍ക്ക് 5% ക്യാഷ്ബാക്ക് ക്രെഡിറ്റ് കാര്‍ഡ് നേടിത്തരും. അഞ്ചു ലക്ഷം, എട്ടു ലക്ഷം ചെലവാക്കലുകള്‍ക്ക് യഥാക്രമം 10,000, 15,000 രൂപയുടെ റിവാര്‍ഡ് പോയിന്റുകള്‍ ബോണസായി ലഭിക്കും.

വലിയ വാങ്ങലുകളുള്ള ഉപയോക്താക്കള്‍ക്ക് അനുയോജ്യമായ കാര്‍ഡാണിത്. ഇന്ത്യയ്ക്ക് അകത്ത് 12 ലോഞ്ചുകളും ഇന്ത്യയ്ക്കു പുറത്ത് ആറു ലോഞ്ചുകളും സാധ്യമാക്കും. അതിനാല്‍ തന്നെ യാത്ര ചെയ്യുന്നവര്‍ക്കും ബിസിനസുകാര്‍ക്കും അനുയോജ്യമാണ്.

ഐ.ഡി.എഫ്.സി. സെലക്ട് ആന്‍ഡ് വെല്‍ത് ക്രെഡിറ്റ് കാര്‍ഡ്

മറ്റു ബാങ്കുകളുടെ ക്രെഡിറ്റ് കാര്‍ഡുകള്‍ക്ക് സമാനമാണ് പ്രവര്‍ത്തനം. എന്നാല്‍ ഈ കാര്‍ഡിലെ ആഡ്- ഓണ്‍ ഫീച്ചറുകളാണ് കാര്‍ഡിനെ സവിശേഷമാക്കുന്നത്. കാര്‍ഡ് വഴിയുള്ള ചെലവാക്കലുകള്‍ക്ക് 1- 2% റിവാര്‍ഡ് പോയിന്റ് ലഭിക്കും. ആജീവനാന്ത സൗജന്യ ക്രെഡിറ്റ് കാര്‍ഡാണ്. എല്ലാ മാസവും കാര്‍ഡ് വഴി എടുക്കുന്ന ഒരു സിനിമാ ടിക്കറ്റിന് ഒരു ടിക്കറ്റ് സൗജന്യമായി ലഭിക്കും.

ഓരോ പാദത്തിലും നാല് ആഭ്യന്തര ലോഞ്ച് ആക്‌സസ് വാഗ്ദാനം ചെയ്യുന്നുണ്ട്. സിനിമാ ടിക്കറ്റ് ഓഫര്‍ മാസത്തില്‍ ഒരിക്കല്‍ മാത്രം ഉപയോഗിച്ചാല്‍ പോലും പ്രതിവര്‍ഷം 3000 രൂപയെങ്കിലും ലാഭിക്കാം. ഓരോ വാങ്ങലുകള്‍ക്കും റിവാര്‍ഡ് പോയിന്റ് ലഭിക്കുമെന്നതും നേട്ടം തന്നെ.

പണപ്പെരുപ്പത്തിന് അനുസരിച്ച് സമ്പാദ്യം വളര്‍ത്താന്‍ വഴിയുണ്ട്... Read More

ആക്സിസ് ഏയ്സ് ക്രെഡിറ്റ് കാര്‍ഡ്

ഗൂഗിളുമായി സഹകരിച്ച് ആക്സിസ് ബാങ്ക് അവതരിപ്പിച്ച കാര്‍ഡ്. ഇന്ധനം, വാലറ്റ് ചെലവുകള്‍ ഒഴികേയുള്ള ഉപയോഗങ്ങള്‍ക്ക് 2% ക്യാഷ്ബാക്ക് ലഭിക്കും. കാര്‍ഡ് ഉപയോഗിച്ച് ഗൂഗിള്‍പേ വഴിയുള്ള ബില്ല് പേമെന്റുകള്‍ക്ക് 5% ക്യാഷ്ബാക്ക് കിട്ടും. വിസ പ്ലാറ്റ്ഫോം ആയതിനാല്‍ തന്നെ എല്ലായിടത്തും ഉപയോഗിക്കാം.

കാര്‍ഡ് വഴി ലഭിക്കുന്ന ക്യാഷ്ബാക്ക് തൊട്ടടുത്ത സ്റ്റേറ്റ്മെന്റ് സൈക്കിളില്‍ തന്നെ പ്രതിഫലിക്കും. എല്ലാവര്‍ഷവും പ്രാദേശിക യാത്രകള്‍ക്ക് നാല് ലോഞ്ചുകള്‍ നേടിത്തരും. ഒരു വര്‍ഷം രണ്ടു ലക്ഷം രൂപയില്‍ കൂടുതല്‍ കാര്‍ഡ് വഴി ചെലവഴിച്ചാല്‍ വാര്‍ഷിക നിരക്ക് ഉണ്ടായിരിക്കില്ല.

മുകളില്‍ പറഞ്ഞിരിക്കുന്ന കാര്യങ്ങള്‍ ഉപയോക്താക്കളുടെ അറിവിലേക്കാണ്. ഓഫറുകളില്‍ മാറ്റം വരുത്താന്‍ സ്ഥാപനങ്ങള്‍ക്ക് അധികാരമുണ്ട്. അതിനാല്‍ കാര്‍ഡുകള്‍ തെരഞ്ഞെടുക്കുന്നതിനു മുമ്പ് എല്ലാ വശവും മനസിലാക്കുക. മറ്റുള്ളവരെ പിന്തുടരാന്‍ ശ്രമിക്കാതെ സ്വന്തം ആവശ്യങ്ങള്‍ കൃത്യമായി ബോധ്യപ്പെട്ടതിന് ശേഷം മാത്രം നടപടിയുമായി മുന്നോട്ട് പോകുക.