നമ്മുടെ ശരീരത്തിന് വളരെ അത്യാവശ്യമായ ഒരു പോഷകമാണ് ഷുഗർ. ശരീരത്തിൻറെ ഊർജാവശ്യത്തിനും തലച്ചോറിൻറെയും പേശികളുടെയും പ്രവർത്തനത്തിനും ഇതു കൂടിയേ കഴിയൂ. മിക്കവരുടെയും ഇഷ്ടഭക്ഷ്യവസ്തുവുമാണിത്. കാപ്പി, ചായ, ബിസ്കറ്റ്, സ്വീറ്റ്സ്, കേക്ക്, ഡെസേർട്ട് തുടങ്ങി പല ഭക്ഷ്യസാധനങ്ങളിലും നാം മധുരത്തിനുവേണ്ടി പഞ്ചസാര ഉപയോഗിക്കുന്നു. പഞ്ചസാരയുടെ രാസനാമം സുക്രോസ് എന്നാണ്. White sugar, Cane sugar, Refined sugar, Table sugar എന്നൊക്കെ ഇതിനെ വിളിക്കുന്നു. പഞ്ചസാരയുടെ അമിതഉപയോഗം പല ആരോഗ്യപ്രശ്നങ്ങൾക്കും കാരണമാകും. വെളുത്ത വിഷം എന്നാണ് മഹാത്മാഗാന്ധി ഇതിനെ വിശേഷിപ്പിച്ചിട്ടുള്ളത്.

ഷുഗറിൻറെ ലഭ്യത രണ്ടു തരത്തിലാണ്.

Added Sugar - ഉദാ : പഞ്ചസാര, ശർക്കര
Natural Sugar - ഉദാ : പഴങ്ങൾ, പാൽ, ചില പച്ചക്കറികൾ (മധുരക്കിഴങ്ങ്/ തേൻ)

ഇതിൽ added Sugar ആണ് പ്രശ്നക്കാരൻ. കരിമ്പിൽ നിന്നാണ് പഞ്ചസാര ലഭ്യമാകുന്നതെന്ന് എല്ലാവർക്കും അറിയാം. ഫാക്ടറിയിൽ വ്യാവസായികാടിസ്ഥാനത്തിൽ പഞ്ചസാര ഉൽപാദിപ്പിക്കുമ്പോൾ കരിമ്പിലെ മധുരം ഒഴികെയുള്ള എല്ലാ പോഷകങ്ങളും നീക്കപ്പെടുന്നു. ഇതാണ് ആരോഗ്യപ്രശ്നങ്ങൾക്കു കാരണമാവുന്നത്. Empty caloric food എന്നാണ് പഞ്ചസാരയെ വിശേഷിപ്പിക്കുന്നത്. കാരണം അത് ശരീരത്തിനു ധാരാളം കാലറി നൽകുന്നുണ്ടെങ്കിലും പോഷകങ്ങളൊന്നും നൽകുന്നില്ല, മാത്രമല്ല അതിൻറെ ഉപാപചയ പ്രവർത്തനത്തിനുവേണ്ടി ശരീരത്തിലെ കാൽസ്യം, വൈറ്റമിൻ ബി എന്നിവ ഉപയോഗിക്കാത്തതുകൊണ്ട് ശരീരത്തിൽ അവയുടെ കുറവുണ്ടാവുന്നു. അതേസമയം, പഴങ്ങളിലും പച്ചക്കറികളിലും മറ്റും വിവിധ സൂക്ഷ്മപോഷകങ്ങളെ കൂടാതെ ധാരാളം നാരുകളും അടങ്ങിയിരിക്കുന്നു. ഇവ രോഗപ്രതിരോധനത്തിനും ആരോഗ്യസംരക്ഷണത്തിനും അത്യാവശ്യമാണ്. ലോകാരോഗ്യസംഘടന നിർദ്ദേശിക്കുന്നത്, ദിവസേനയുള്ള ഭക്ഷണത്തിൽ added Sugar ൻറെ തോത് 6 -9 ടീസ്പൂണിൽ കൂടരുതെന്നാണ്. ഇന്ന് നമ്മുടെ ഭക്ഷണത്തിൽ 20 - 30 ടീസ്പൂൺ വരെയുണ്ട്.

ആരോഗ്യപ്രശ്നങ്ങൾ

• പഞ്ചസാരയിൽ കാലറി ധാരാളം അടങ്ങിയിരിക്കുന്നു. ശരീരം ഉപയോഗിച്ച് മിച്ചം വരുന്ന കാലറി കൊഴുപ്പായി ശരീരത്തിൽ സൂക്ഷിക്കപ്പെടുന്നു.
• കൂടുതൽ പഞ്ചസാര കഴിക്കുമ്പോൾ രക്തത്തിലെ പഞ്ചസാരയുടെ അളവു കൂടുകയും പാൻക്രിയാസിൽനിന്ന് കൂടുതൽ ഇൻസുലിൻ ഉൽപാദിപ്പിക്കേണ്ടതായി വരുകയും ചെയ്യും. കൂടെക്കൂടെ ഇങ്ങനെ സംഭവിക്കുമ്പോൾ ബീറ്റാകോശങ്ങൾ തളരുകയും പ്രമേഹത്തിനു കാരണമാവുകയും ചെയ്യുന്നു. കൂടാതെ ഇൻസുലിൻ റസിസ്റ്റൻസ് ഉണ്ടായി പ്രമേഹമുണ്ടാകുന്നു.
• ഉയർന്നരക്തസമ്മർദം ഉണ്ടാക്കുന്നതിൽ ഉപ്പിനെക്കാൾ വില്ലനാണ് പഞ്ചസാരയെന്ന് പഠനങ്ങൾ പറയുന്നു.
• ഹൃദയാഘാതം ഉണ്ടാക്കുന്നതിൽ പൂരിതകൊഴുപ്പിനെക്കാൾ അപകടകാരിയാണെത്രേ പഞ്ചസാര.
• രക്തത്തിലെ ടൈഗ്ലിസറൈഡ് നിലവാരം ഉയർത്തുന്നു. ശരീരത്തിൽ കൂടുതലായി എത്തുന്ന ഷുഗർ ട്രൈഗ്ലിസറൈഡ് എന്ന ചീത്ത കൊഴുപ്പായി മാറ്റപ്പെടുന്നു. തൽഫലമായി രക്തത്തിലെ ഇതിൻറെ അളവ് ഉയരുന്നു.
• വിധേയത്വം (addition) ഉണ്ടാക്കുന്നു. പഞ്ചസാര നേരിട്ട് ഉപയോഗിക്കാത്തവരിൽ പോലും ഇത്തരം ആരോഗ്യപ്രശ്നങ്ങൾ ഉണ്ടാവുന്നതിൻറെ കാരണം സാലഡ്, സോസ്, പ്രോസസ്ഡ് ഫൂഡ് തുടങ്ങിയവയിൽ ഷുഗർ അടങ്ങിയിരിക്കുന്നതു കൊണ്ടാണ്.

ഹെൽത്ത് ടിപ്സുകൾ ദിവസവും ലഭിക്കുവാൻ ഈ പോർട്ടൽ ഫോളോ ചെയ്യുക.

മുഖക്കുരുവിന് വീട്ടുവൈദ്യം: പ്രകൃതിദത്ത പരിചരണ മാർഗങ്ങൾ... Read More