മത്സ്യം നമ്മുടെ ഭക്ഷണശീലത്തിൻറെ ഒഴിവാക്കാനാവാത്ത ഭാഗമാണ്. പക്ഷേ മത്സ്യം കഴിക്കുന്നതിന്റെ ആരോഗ്യഗുണങ്ങൾ കൂടുതൽ ആളുകൾക്കും അറിയില്ല മത്സ്യത്തിൽ പോഷകങ്ങൾ ധാരാളം അടങ്ങിയിട്ടുണ്ട്. ഉയർന്ന തോതിൽ വിറ്റാമിനുകളും അയോഡിൻ ധാതുക്കൾ മുതലായവ മത്സ്യത്തിലുണ്ട്.

• ഹൃദയാഘാത സാധ്യത കുറയ്ക്കുകയും ആരോഗ്യമുള്ള ഹൃദയം പ്രദാനം ചെയ്യുന്നതിനും മത്സ്യത്തിൻറെ ഉപയോഗത്തിലൂടെ സാധിയ്ക്കും.
• അൽഷിമേഴ്സ് രോഗം പിടിപ്പെട്ടവരുടെ എണ്ണം ദിവസവും കൂടി വരുന്നു. മീൻ കഴിക്കുന്നത് മസ്തിഷ്കരോഗ്യത്തിനും വളരെ നല്ലതാണ്. മസ്തിഷ്കസംബന്ധമായ രോഗങ്ങൾ തടയുന്നതിൽ മത്സ്യത്തിന് വലിയൊരു പങ്കുണ്ട്.
• കുട്ടികൾക്ക് മത്സ്യം കൊടുക്കുന്നതിലൂടെ ശാരീരിക വളർച്ചയെ ത്വരിതപ്പെടുത്തുകയും ബുദ്ധിവികാസത്തിനും സഹായിക്കുന്നു.
• മത്സ്യത്തിലുള്ള ഒമേഗ 3 ആസിഡ് കരളിന്റെ ആരോഗ്യത്തിന് വളരെ നല്ലതാണ്. കൊളംബിയ യൂണിവേഴ്സിറ്റി നടത്തിയ പഠനത്തിൽ പറയുന്നത് ഒമേഗ 3 ആസിഡ് രക്തത്തിലെ ട്രിഗ്ലൈസെറിഡീസ് (triglycerides) കൊഴുപ്പ് കുറയ്ക്കും. ഇതിലൂടെ ഫാറ്റി ലിവർ അസുഖം തടയാൻ സഹായിക്കും.
• വിറ്റാമിൻ ഡി ധാരാളം ഉള്ള ഒരു ഭക്ഷ്യ വസ്തുവാണ് മത്സ്യം. പാചകം ചെയ്ത സാൽമൺ മത്സ്യത്തിൽ 100 ശതമാനവും വിറ്റാമിൻ ഡി ആയിരിക്കും.
• രോഗപ്രതിരോധ ശേഷി വർദ്ധിപ്പിക്കുന്നതിനും പക്ഷാഘാത സാധ്യത ഇല്ലാതാക്കുന്നതിന് മത്സ്യം കഴിക്കുന്നതിലൂടെ കഴിയും.
• കുട്ടികളിലെ ആസ്ത്മ ചെറുക്കുന്നതിന് മത്സ്യം മരുന്നാണ്. മറവിയെ ഇല്ലാതാക്കാൻ മത്സ്യത്തിന്റെ ഉപയോഗം സഹായിക്കും.
• മാനസിക നിലയെ ഉത്തേജിപ്പിക്കുന്നതിന് മത്സ്യത്തിൻറെ ഉപയോഗം സഹായിക്കും.
• ഡിപ്രഷനിൽ നിന്ന് മോചനം നൽകാനും മത്സ്യം കഴിയ്ക്കുന്നത് നല്ലതാണ്.
• ചർമസംരക്ഷണത്തിന് വളരെ നല്ലതാണ് മീൻ. ഹോർമോൺ വ്യതിയാനം മൂലമുണ്ടാകുന്ന മുഖക്കുരു അകറ്റുവാൻ മത്സ്യം കഴിക്കുന്നത് ഉപകരിക്കും.

ഹെൽത്ത് ടിപ്സുകൾക്കും രുചികരവും ആരോഗ്യപ്രദായകവുമായ ഭക്ഷണങ്ങളെക്കുറിച്ചറിയുവാനും ഈ പോർട്ടൽ ഫോളോ ചെയ്യുക.

നിലക്കടലയുടെ പോഷക ഗുണങ്ങൾ... Read More