ജീവിതത്തിൽ വിജയം കൈവരിക്കുന്നവർക്ക് അത് വെറുതെ കിട്ടുന്ന ഒന്നല്ല, കഴിവുകളും കഠിനാധ്വാനവും സമയവും ഭാഗ്യവും എല്ലാം സമാസമം ചേർക്കുമ്പോൾ ലഭിക്കുന്നതാണ് വിജയം. ജീവിത വിജയം നേടുന്നവർക്ക് പൊതുവായി ചില നല്ല ശീലങ്ങളും കാണാം. ആ ശീലങ്ങളാണ് വിജയവഴികളിലേക്ക് അവരെ നയിക്കുന്നത്. അതേ പോലെ ജീവിതത്തിൽ പരാജയപ്പെട്ടു പോകുന്നവർക്കും കാണും ചില ശീലക്കേടുകൾ. വിജയത്തെ തടഞ്ഞ് നിർത്തുന്ന പ്രതിബന്ധമായി അവ പ്രവർത്തിക്കും.

വിജയിച്ചവരുടെ ശീലങ്ങൾ നോക്കാം

• ദീർഘകാല ലക്ഷ്യങ്ങളെ കുറിച്ച് ചിന്തിക്കുക.
• തെറ്റുകളിൽ നിന്ന് പഠിക്കുക.
• പുരോഗതി വിലയിരുത്തുക.
• വിനയമുണ്ടായിരിക്കുക.
• ജീവിതത്തിന്റെ ബാലൻസ് നിലനിർത്തിക്കൊണ്ട് റിസ്കുകൾ എടുക്കുക.
• ചിട്ടയുള്ളവരാകുക.
• മാറ്റങ്ങളെ അംഗീകരിക്കുക.
• പ്രശ്നങ്ങളെ നന്നായി കൈകാര്യം ചെയ്യുക.
• ലക്ഷ്യങ്ങൾ എഴുതി സൂക്ഷിക്കുന്നവരാകും ഇവർ. തങ്ങളുടെ ദിവസം ഉത്പാദനക്ഷമമാക്കുന്നതിനായി ചെയ്യേണ്ട കാര്യങ്ങളുടെ പട്ടിക എപ്പോഴും കൈയിലുണ്ടാകും.
• വിജയം സ്വപ്നം കാണുന്നവർ തങ്ങളുടെ മാത്രമല്ല മറ്റുള്ളവരുടെയും വിജയം ആഗ്രഹിക്കുന്നവരാണ്.
• മറ്റുള്ളവരോട് അസൂയയില്ലാത്തതു കൊണ്ടുതന്നെ മനസ്സ് തുറന്ന് അഭിനന്ദിക്കാനും സന്തോഷം പ്രസരിപ്പിക്കാനും ഇവർക്ക് സാധിക്കും.
• പുതിയ ആശയങ്ങൾ കൊണ്ടു വരാനും അവ നടപ്പാക്കാനും അവർ ശ്രമിച്ചു കൊണ്ടിരിക്കും. അതേ സമയം എന്തെങ്കിലും പരാജയം നേരിട്ടാൽ അതിന്റെ ഉത്തരവാദിത്തം ഏറ്റെടുക്കാനും അവർക്ക് മടിയുണ്ടാകില്ല. എന്നിങ്ങനെ നീളുന്നു വിജയിക്കുന്നവരുടെ ശീലങ്ങൾ.

ഇതിന്റെയെല്ലാം നേർവിപരീതമാകും പരാജയപ്പെട്ട വ്യക്തികളുടെ ശീലങ്ങൾ.

• സമയം പാഴാക്കി കളയുക.
• ശ്രദ്ധ ഇല്ലാതിരിക്കുക.
• മറ്റുള്ളവരെ കുറ്റപ്പെടുത്തുക.
• ലക്ഷ്യങ്ങൾ ഇല്ലാതെ അലസമായി ജീവിക്കുക.
• മാറ്റങ്ങളെ ഭയപ്പെടുക.
• പക മനസ്സിൽ സൂക്ഷിക്കുക.
• മറ്റുള്ളവരുടെ വീഴ്ച കാണാൻ ആഗ്രഹിക്കുക.
• നെഗറ്റീവ് ചിന്താഗതി പുലർത്തുക.
• തങ്ങൾക്ക് എല്ലാം അറിയാം എന്നു കരുതുക.
• കേൾക്കുന്നതിലും കൂടുതൽ സംസാരിച്ചു കൊണ്ടിരിക്കുന്നവരാകും.
• ഇവർ പൊതുവേ എടുത്ത് ചാട്ടക്കരാകും.
• ചിന്തിച്ച് പ്രവർത്തിക്കുക എന്നത് ഇവർക്ക് അന്യമായിരിക്കും.
• എല്ലാത്തിലും എളുപ്പവഴി കാണാൻ ശ്രമിക്കുന്നതും മറ്റുള്ളവരെ എപ്പോഴും വിമർശിച്ചു കൊണ്ടിരിക്കുന്നതും ഇവരുടെ സ്വഭാവസവിശേഷതയാണ്.
• പഠനത്തോടും പുതിയ കാര്യങ്ങൾ അറിയുന്നതിനോടും വിമുഖതയുള്ളവരാണ് പരാജിതർ.

ലോക്കൽ എക്കോണമി എന്ന ഈ ന്യൂസ് പോർട്ടൽ ജനങ്ങളെ ലോക്കൽ ടു ഗ്ലോബൽ എന്ന നിലയിൽ ഉയർത്തുക എന്നതാണ് ലക്ഷ്യമാക്കുന്നത്. ഈ പോർട്ടലിൽ രാവിലെ പോസിറ്റീവ് വാർത്തകൾ മാത്രമാണ് പോസ്റ്റ് ചെയ്യുന്നത്. രാവിലെ നെഗറ്റീവ് വാർത്ത കേൾക്കാതെ പോസിറ്റീവ് വാർത്തകൾ മാത്രം വായിക്കാൻ ആഗ്രഹിക്കുന്ന ആൾക്കാർ ഈ പോർട്ടൽ സബ്സ്ക്രൈബ് ചെയ്യുക, ഫോളോ ചെയ്യുക.

ആത്മാർത്ഥതയില്ലാത്ത സുഹൃത്തുക്കളെ എങ്ങനെ തിരിച്ചറിയാം... Read More