തിരക്ക് പിടിച്ച ജീവിതത്തിനിടയിൽ പലർക്കും ആരോഗ്യം നോക്കാൻ സമയം കിട്ടാറില്ല. ആരോഗ്യം നിലനിർത്തുകയോ മെച്ചപ്പെടുത്തുകയോ ചെയ്യുന്ന ഭക്ഷണക്രമമാണ് ആരോഗ്യകരമായ ഭക്ഷണക്രമം.

• ദിവസവും പഴങ്ങളും പച്ചക്കറികളും കഴിക്കുക. നിങ്ങളുടെ ദൈനംദിന ഭക്ഷണത്തിൽ 5 വ്യത്യസ്ത പഴങ്ങളും പച്ചക്കറികളും ഉൾപ്പെടുത്തുന്നത് എല്ലായിപ്പോഴും പ്രയോജനകരമാണ്.
• കൊഴുപ്പ് അടങ്ങിയ ഭക്ഷണത്തിന്റെ ഉപയോഗവും പൂരിത കൊഴുപ്പുകളും (saturated fat ) കുറയ്ക്കുക. വനസ്പതി, പന്നിക്കൊഴുപ്പ്, വെണ്ണ എന്നിവ ഒഴിവാക്കുക. അവയിൽ പൂരിത കൊഴുപ്പാണ് ഉള്ളത്. നിങ്ങളുടെ കൊളസ്ട്രോൾ അളവ് കൂടുകയും അമിതവണ്ണത്തിനും ഹൃദ്രോഗത്തിനും കാരണമാകും.
• ആവശ്യത്തിന് മാത്രം ഫുഡ് കഴിക്കുക. ആരോഗ്യത്തോടെ ഇരിക്കാനും പൊണ്ണത്തടി കുറയ്ക്കുന്നതിനും വേണ്ടി ആവശ്യത്തിനു മാത്രം അല്ലെങ്കിൽ വിശക്കുമ്പോൾ മാത്രം ഫുഡ് കഴിക്കുക. തൊട്ടുമുൻപ് കഴിച്ച ആഹാരം ദഹിച്ചതിനു ശേഷം മാത്രം അടുത്തത് കഴിക്കുക.
• ആവശ്യത്തിന് വെള്ളം കുടിക്കുക. ദിവസവും 8 മുതൽ 10 ഗ്ലാസ് വരെ വെള്ളം കുടിക്കുന്നത് ശരീരത്തിലെ വിഷാംശം കുറയ്ക്കാൻ സഹായിക്കുന്നു. കുറഞ്ഞ ജല ഉപയോഗം നിർജ്ജലീകരണം, താഴ്ന്ന രക്തസമ്മർദം, തലകറക്കം, ബലഹീനത തുടങ്ങിയവയുണ്ടാകും.
• ആരോഗ്യകരമായ ലഘു ഭക്ഷണങ്ങൾ ഉൾപ്പെടുത്തുക. ഭക്ഷണത്തിനിടയിലുള്ള ഇടവേളകളിൽ വിശപ്പകറ്റാൻ ആരോഗ്യകരമായ ലഘു ഭക്ഷണങ്ങൾ കഴിക്കുക. നിങ്ങളുടെ ഭക്ഷണത്തിൽ പരിപ്പ്, പയർ, നട്ട്സ്, ആരോഗ്യകരമായ സ്മോത്തികൾ എന്നിവ ഉൾപ്പെടുത്തുക.
• പ്രോട്ടീൻ ഉപയോഗം കൂട്ടുക. ഉയർന്ന പ്രോട്ടീൻ ഭക്ഷണക്രമം എല്ലായിപ്പോഴും ഉറപ്പാക്കുക. അത് നിങ്ങളെ കൂടുതൽ നേരം വിശപ്പ് അകറ്റുകയും ശരീരത്തിലെ കോശങ്ങൾക്ക് ഊർജ്ജം ലഭിക്കുകയും ചെയ്യുന്നു.
• പഞ്ചസാരയുടെ അളവ് പരിമിതപ്പെടുത്തുക. പഞ്ചസാര നമ്മുടെ ഭക്ഷണത്തിന് ടേസ്റ്റ് തരുന്ന ഒരു പദാർത്ഥമാണ്, അത് നമ്മുടെ നിത്യജീവിതത്തിൽ ഒരു ആവശ്യവുമില്ല. പഞ്ചസാര കുറയ്ക്കുകയോ ഒഴിവാക്കാൻ പറ്റുമെങ്കിൽ അങ്ങനെ ചെയ്യുന്നതുമാണ് ഏറ്റവും നല്ലത്.
• നല്ല പാചകരീതി പിന്തുടരുക എണ്ണയിൽ വറുത്തതോ, കൊഴുപ്പ് കൂടിയ ഭക്ഷണങ്ങളോ കഴിക്കുന്നതിന് പകരം നിങ്ങളുടെ ഭക്ഷണം ആവിയിൽ വേവിച്ചത്, തിളപ്പിച്ച് പാചകം ചെയ്തവയും ആയിരിക്കണം.
• പാക്ക് ചെയ്തതും സംസ്കരിച്ചതുമായ ഭക്ഷണങ്ങൾ ഒഴിവാക്കുക. അവയിൽ ഉയർന്ന കലോറിയും പലതരം പ്രിസർവേറ്റീവ്സുകളും അടങ്ങിയിട്ടുണ്ട്.
• പോഷകങ്ങൾ ആകീരണം ചെയ്യുന്നതിനായി ഭക്ഷണങ്ങൾ നന്നായി ചവച്ച് കഴിക്കേണ്ടതാണ്.
• പ്രഭാത ഭക്ഷണം ഉച്ചഭക്ഷണം അത്താഴം എന്നിവയ്ക്കായി കർശനമായ സമയക്രമങ്ങൾ പാലിക്കണം. ഇത് നല്ല ദഹനം നൽകുകയും ഭക്ഷണം എളുപ്പത്തിൽ ആഗിരണം ചെയ്യുകയും ചെയ്യുന്നു.
• പുറത്ത് ഹോട്ടലുകളിൽ നിന്ന് ഭക്ഷണം കഴിക്കുന്നതിന്റെ ഇടവേളകൾ കൂട്ടുക.

നിങ്ങളുടെ മൊത്തത്തിലുള്ള ആരോഗ്യത്തിൽ ഭക്ഷണ ശീലങ്ങൾ നിർണായക പങ്ക് വഹിക്കുന്നു. നിങ്ങൾക്ക് ഏറ്റവും മികച്ച ഭക്ഷണം തിരഞ്ഞെടുക്കുന്നതിന് ശരിയായ ആസൂത്രണം ആവശ്യമാണ്