- Trending Now:
സംസ്ഥാനത്ത് കഴിഞ്ഞ മൂന്ന് ദിവസമായി തുടർച്ചയായി വില വർധനവ് നേരിട്ട സ്വർണവിലയിൽ ഇന്ന് ഇടിവ് സംഭവിച്ചു. ഒരു പവൻ സ്വർണത്തിന്റെ വിലയിൽ 80 രൂപയുടെ നേരിയ ഇടിവാണിന്നുണ്ടായത്. ഇതോടെ ഒരു പവൻ സ്വർണത്തിന്റെ വില 65,760 രൂപയിലേക്ക് താഴ്ന്നു.
നേരത്തെ മാർച്ച് മാസം ആരംഭത്തിൽ 63,520 രൂപയ്ക്ക് വിൽപ്പന നടന്ന സ്വർണത്തിന് പടിപടിയായി വില വർധിച്ച് മാർച്ച് 11ന് ആയപ്പോഴേയ്ക്കും 64,160 രൂപയിലേക്ക് എത്തികയും തുടർന്നുള്ള മൂന്ന് ദിനം കൊണ്ട് വൻ വില വർധന സംഭവിക്കുകയായിരുന്നു.
മാർച്ച് 12ന് 360 രൂപയുടെയും 13ന് 440 രൂപയുടെയും ഇന്നലെ 880 രൂപയുടെയും വർധനയിലൂടെ സ്വർണവില അതിന്റെ ചരിത്രത്തിലെ ഏറ്റവും ഉയർന്ന നിരക്കായ 65,840 രൂപയിലേക്ക് കുതിച്ചെത്തിയിരുന്നു. മൂന്ന് ദിനം കൊണ്ട് മാത്രം 1,680 രൂപയുടെ വർധനയാണ് സ്വർണവിലയിൽ ഉണ്ടായിട്ടുള്ളത്. മാർച്ച് ഒന്നിലെ നിരക്കിൽ നിന്നും ഇന്നലത്തെ നിരക്കിലേക്ക് എത്തുമ്പോൾ 2,320 രൂപയുടെ വർധന സ്വർണവിലയിൽ ഉണ്ടായിട്ടുണ്ട്.
ഒരു ഗ്രാം സ്വർണത്തിന്റെ വില ഇന്ന് 10 രൂപ താഴ്ന്ന് 8,220 രൂപയിലേക്ക് എത്തി.
സ്വർണവിലയിൽ ദിവസവുമുണ്ടാകുന്ന മാറ്റം കൃത്യമായി അറിയുവാനായി ഈ പോർട്ടൽ ഫോളോ ചെയ്യുക.
ഇവിടെ പോസ്റ്റു ചെയ്യുന്ന അഭിപ്രായങ്ങൾ THE LOCAL ECONOMY ടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.